IMAM NYA IDE MIDYAI 26:6 - ALLAH NIHYET MEM TUNGWATU NYA

⁶ Midibindei ba, mpia nimbu-brati mikieng kep jide minu dima apino mijibong mai lene jittin tut jide siceu nya hi bi. Midicok tut mindhe-ndhe di niten-pos nya leu minu dima ba, nikon pranti mikieng kep jide minu bu bi cem.

IMAM NYA IDE MIDYAI 26:6 ပူးပေါင်းရင်းမြစ်များ

NIBOU NDIG NYA GI NICAN 2:24

Elisa kiek no bipri niyai kep yok leu api sigion yok tug hon tuhan ninyeng. Nok rino mindhe beruang niwek ningut can tau kwei leu bigbehei dima baham-ham nyen munggwom dima yok lene bindei ba, ibou ningot bitai ba, can imai hak ug.

NIBOHON MBEN ISRAEL GI NIGOM 22:9

Mbro nok gima lo, Noni preu ei mem da bipai ‘Ma abon apmot gom di ba ningon sren bibie tut nide limwa nya. Midimpu noni apino nide siceu nya hi di mikon pran bit noni bi. Mijem ninyeng Salomo lewo ei nijam di ninyeng tak kep ne midibindei ba, mpia mbum-bra ba, mben Israel yahagom ibong kei igwam kei cem.

NIBOHON MBEN ISRAEL GI NICAN 20:30

Gima rino Yosafat ninyeng tak kep mem nijam di mpia mbum-bra dima. tuhan bindei ba, timiei Yehuda nya ibong kei igwam kei bidem minu di Yosafat ninyeng tak kep nisurti-nipekti hagom.

AYUB 11:19

Mpe dima lene adigit tut ade nitok joti nya bi. Imang bibor miyahara na leu binhyepo ampu yok.

AYUB 5:23

Gino akkin dihyei ei miaisi lene tig nya misigi ser midyai di ayai dima bi. Mindhe-ndhe bigbehei di niten-pos cem mittem na bi.

MAZMUR 144:14

Asindui sut ba, nyende sapi nya nimangti kum eisi kikau lene hi di pror ba, nipmot tis bi cem. Asindui sut ba, nimiap nahara niweisi kak puig ngot di jo bidem nyende minu ndig bi.

MAZMUR 147:14

Noni nyohou ade minu niya kwas yamti leu binhyepo jibong kei jigwam kei kikau lene bindei ba, ade ig gudan mpung tut gandum nitu di kei bibor.

MAZMUR 29:11

Dijoi sut gima tuhan sindem tut Nide limwa nya bibindei ba, ibong kei igwam kei cem.

MAZMUR 3:5

Diya ei tuhan de nungug tou di kwes-kwau dip bidahara Noni leu api Noni buhup dihyet.

MAZMUR 4:8

Noro abindei ba, dingon nggei-hi-nggei dor njiriek yo di ikos ide gandum kui ig gudan bimpung pias hagau ba, ipot ba anggur ngei nok gi dem mem yok cem.”

MAZMUR 85:8

tuhan e, ando tut binye bipia no angondut nye kikau. Ayai Ade niteu nye biningwes ngunti binye.

NEHEI LEUSI 23:29

Noro midijji yok bingwig mem nijam ari bingwam gom ngat he bi. Leu gi nok lene minu dima minok ha ngunti apino mindhe di niten-pos nya midigek kep mpia ba, yaham je ugwai-gwai.

NIPINGOK NINGONTI 3:24

Aba ningon ttinti bibong abongti bi noro abong mai hak mem mmun jei ba,

NIPINGOK NINGONTI 6:22

Ide ningginausi nya mibie tut na kak ambutti nya binyohou na tirigi abong mai bindo puig di kei bina mpe dino ayai ngkiem.

YESAYA 35:8

Puig Di Bie Ndam Niyaijo Nijep Di Jo Kikau mijo ei sirima. Yo di ibon sisar ikak simpak dima bi. Yo di ingkek ndok nya yuhum yo di ikak puig dima insi cem bi.

YESAYA 35:9

Singa kin mindhe di niten-pos nya milus-lus nyen ei mpia dima bi. Noro yo di igyai gi teu leu sisar kin niyaijo nijep leu tuhan mimbut kak puig dima.

YESAYA 45:7

Dipai tes nipigati kin nidinditi. Dibindei ba, mun di kei pek kep mem tungwatu nya ba, mun di buhun cem cut igkep yok. Da di tuhan diyai midyai dini hagom.

YESAYA 9:7

tuhan simbot dat tut hukum di Noni mikes ei mben Israel dip tu.

YEREMIA 30:10

Ditde limwa mben Israel e, ma jingon ttin bibor au! Ditde awak di intun Yakub him e, ma jidigit-digoi tut au. Miditeu jeni kin yo di intun jeni him nya bijingwes ngun leu jingkiaisi di ting bibor di jisima eisi. Jingkwei hanyen bijibong kei jigwam kei ei jitimieisi hanyen leu api mun nyeng hi bindei ba, jittin tut bi.

YEREMIA 31:26

Mpe dima lene tungwatu nya mipai ‘Dibong mai kep dinghuisi leu api dikiju lo, dinghuisi kwes hanyen.’

YEHEZKIEL 14:15

Hi rima dikes mindhe di niten-pos kwei mem gima ittem timiei di ibong ei minu dima leu api buhun bibor mem yok ba, hi di brim ningkek mem gima mbut binjiriek minu dima kan bi.

YEHEZKIEL 14:17

Hi rima dipinak pran kwei ei minu dima tug hon tentara di ikrau minggwen di sindem kei nya bikwei mem gima diba yok bicok tut tungwatu kin mindhe-ndhe nya leu minu dima cem.

YEHEZKIEL 14:21

tuhan Di Ninyeng Jei Bibor pai “Midikes Ditde hukum di buhun bibor ninyeng bitai ug ei minu ndig Yerusalem dip mem gima dibicok tut tungwatu kin mindhe-ndhe nya. Ba, hukum dima yok rino pran kin ninggum di buhun bibor kin mindhe di niten-pos kin nsuwer ajar.

YEHEZKIEL 34:25

Midipreu ei mem yok bipia ibong kei igwam kei. Dijji mindhe-ndhe di niten-pos nya bingwig leu ide dihyei nisurti-nipekti leu binhyepo Ditde domba nya iba ingon di jo nyahan biya-ya nyen ei abris nghousi bibong kep inghuisi ei bahamti cem.

YEHEZKIEL 34:27

Ide biei kin beisi nya mingat ningat mang bibor leu api tungwatu nya yahagom mibong kei migwam kei bidem itimieisi. Tirigi dibindei ba, lante di ibiteu Ditde limwa nya hagom tun bingwig ba, diteu yok bingwes ngun leu yo di yuubon yok nok awak inda nsi lene mijo nibreisi mem yok bipia Dani ne tuhan ri.

YEHEZKIEL 5:17

Ter leu ninggum di buhun bibor pima lene midiba nsuwer ajar di buhun bibor kin yo di isibut bibor kin pran bihwen ade timiei nya. Midiba mindhe di niten-pos biyai nimai bak amunggwom bat nya ningwig a. Da di tuhan disimbot dat tu.”

HOSEA 2:18

Mpe dima lene midipai tes mindhe-ndhe kin ha nya di bit bon tungwatu nya ipijuk kan bi nya leu binhyepo iwaisi Ditde mben bu bi. Ba, midipos minggwen pran nya hagom bingwig leu Ditde limwa nya leu binhyepo ikon pran ei ide minu dima bit yam bu bi. Leu api yahagom ingon mijo nyahan ba, ibong kei igwam kei.

HOSEA 2:20

Midiwak na bit leu nok gi dipreu ei mem na tu. Mporo ma apai jit bipia Dangkom he rino ade tuhan.

IMAM NYA IDE MIDYAI 25:18

Ma jibit tuhan nikos tutti kin nicuk jeti nya hagom leu binhyepo mpia mbum-bra ei minu dima.

IMAM NYA IDE MIDYAI 25:19

Njita ngat mintun dihyei dima him apino jide njita midem mem jeni ba, jibong kei jiwam kei ei sirima.

IMAM NYA IDE MIDYAI 26:22

Midipinak mindhe-ndhe di niten-pos nya kwei ei jikieti. Mindhe-ndhe dima yok mittem jimunggwom bat nya ba, yaham jide mindhe-ndhe di jihyen kep nya bimai bingwig ba, ibindei ngwig jeni cem. Apino jimangti poi mien he. Gima hagom mibindei ba, jide puig nya tereu nok mpia di ha he bong.

IMAM NYA IDE MIDYAI 26:25

Midibindei ba, pran di nok hukum di cut igkep je mikiju ei jikieti lewo jipigau Ditde gi preu po dipreu ei mem je pima tu. Gino jinduk yam ei jide minu ndig nya leu binhyepo jingwes ngun lene midikes nsuwer di bit bon pren hanyen leu je kan bi ei jeni dip apino jigwam lo bi di jikes jenti ei jide siceu indati.

IMAM NYA IDE MIDYAI 26:7

Mijiyai nisindemti mem jibindei timek jide siceu nya.

MIKHA 4:4

Tungwatu nya yahagom mibong kei migwam kei ei ide ba anggur kin biei ara nghousi nya ba, yahagom ingon kwes kin yam. Mpe dima lene tungwatu nya ingwes mien tut yam bu bi sren. tuhan Di Sindem Bibor preu ei nok gima mem yo dima yahagom.

ZEFANYA 3:13

Mben Israel di niken-ken di ingwes ngun migyai mun tunggwei sut yam bisuglai ba, inok niris mun cig bu bi. Yo dima ingon jo nyahan bibong kei igwam kei lene ittin tut tungwatu nya bu bi.”

HAGAI 2:9

Ditde Ig jep nikei-kau-keisi kei bibor dor njiriek ig timiei pima bu. Midibindei ba, Ditde limwa nya ibong kei igwam kei ba, inyeng tut mun nyeng di isuar nya hagom ei gumihyep dini.” tuhan Di Sindem Bibor simbot dat tu.

ZAKHARIA 9:10

tuhan pai, “Midicom kroba pran bingwig leu Efraim leu api midibindei ba, kuda pran nya ipror bingwig leu minu ndig Yerusalem. Dibindei dahat hampiap hagom bingwig. Jide nibou ndig mikim mbrap tut keret dihyeisi dini bibindei ba, yahagom ingon kwes kin yam. Ninyeng tak kepti ninyanti ug bikep kin muk ngeisi ei nite hi kikau ug bipek kin muk ngeisi ei nite hi ba, bipek kin Minyei Efrat kikau ug bipek kin minu nohon keti.”

YOHANES 14:27

Diyai ningon di jo nyahan bije. Ningon di jo nyahan dima ne Ditde rin ba, dikwas ndrim hi tut je. Ningon di jo nyahan di diyai bije noyam kin ningon di jo nyahan di tungwatu dihyeisi dini igyai bije bi. Ma jingon bos-bos nyen ba, jingon digit cem au.

KISAH 12:6

Himmun dapi binjapti kui tirigi Herodes pi bibuwak Petrus kwei bou tungwatu igyai him lene Petrus bong mai ei yo di igya ser nya ibou can ikieti. Iba lante can biteu ninda kin yo cin dima inda ba, nindigsi nya igya ngkiem ser dimbou huigya.

ROMA 5:1

Nogindini nyeni ingon kwes kin Allah hanyen tug hon ide niba ningon com Noti. Gima bindei ba, igyai ingon di jo nyahan ei Allah Noho bei tug hon ide Tuhan Yesus Kristus.