IMAM NYA IDE MIDYAI 26:44 - ALLAH NIHYET MEM TUNGWATU NYA

⁴⁴ Noro tirigi ingat rin ei ingkiaisi ei minu di ide siceu nya ide lene midikes yoni ei ba, midibindei sar yoni bingwig cem bi. Leu gino dibindei sar yok lene gima bindo bipia dibindei bitun gi preu di dipreu ei mem yok lo, Dani ne tuhan ide Allah ri.

IMAM NYA IDE MIDYAI 26:44 ပူးပေါင်းရင်းမြစ်များ

NITRITI 17:7

Dani midiyai bipek kep gi preu po di dipreu ei bit nani kin ade nintun him yamti di bram yam nya cem ba, gima ne gi preu di ngkiem bibor bijo ninno bijo kikau ri. Midinok ade Allah kin yo di intun nani him cem ide Allah.

NIBOU NDIG NYA GI NICAN 13:23

Noro tuhan ngondut Nide limwa nya ba, kos ser igyai munti nya cem. Noni mpu yok bisindui sut ba, isar bi drek dip gi preu di Noni bon bak Abraham kin Ishak kin Yakub. tuhan bbwe ser Nide limwa nya bi sren kikau kwei bipek ammani kep.

NEHEMIA 9:17

Iprinder bibor cem ibbwe ser mun di kei di ayai biyok hagom cem ingon prion ser mindur di abon mem yok cem. Iba ingon di jei bidimig tungwagom ei bita noni nok nibou di bie tut yok hanyen ug ei minu Mesir bingkwei nok awak. Noro Na di Allah ne nikos ser sisar cig kin noom ningon cig ri. Nani ne ningondut tungwatu nya cig kin ningon sibui sut yok haninyai bi cig cem ri. Ade ningon ngakeisi nindig bibor bibindei ba, akes yok ei bihigom bi sren.

NEHEMIA 9:31

Mbro nok gima lo, acom yok ba, acok tut yok bihigom bi lewo angondut yok nindig bibor. Ningat ne hi noyam kin Na di Allah bi. Asingat tut Ade limwa nya nindig bibor ba, angondut yok kikau!

MAZMUR 103:13

tuhan ningon ngakei yo di ikon ninyeng tereu nok andigpoi di ningon ngakei nimunggwom bat nya.

MAZMUR 89:33

lene midikes hukum ei yok dip drek dip ide sisar nya. Midikes mun di buhun ei yok dip drek dip ide nitunggweisi nya ri.

MAZMUR 94:14

Lewo tuhan mikes Nide limwa nya ei bi. Noni ba nokep yok apino mirok yok ei nitta bi sren.

YEREMIA 14:21

Ma ayok ngon kep Ade nipreu ei mem nyeti ba, angwes om nye cem au. Ma aluei angonti tut apreu ei mem nyeti au. Ma angwes pri gau minu ndig Yerusalem au lewo Ade banggo mbrei di kei-kau-kei jo ei minu ndig dini.

YEREMIA 24:5

“Dingat yo di disindui sut yok di ikat yok di ikri yok ug ei minu Babel dima idem kep biei ara ningat di kei bibor kei dini ri. Gima rino Da di tuhan Allah Israel midiba dingon nggriu bibibon yok.

YEREMIA 30:11

Midihwou teu je bijingwes ngun ba, dibindei sar ngkiai nya di dibindei ntek je ug eisi nya yahagom. Noro dibibon je nok gima bi. Ningat ne mijingwes ngun leu hukum bi. Noro hukum di dikes ei jeni dip dima ne hukum di tug hon Ditde ningon gomti rin ba, dem igbit nikos tutti di jo tu. Da di tuhan disimbot dat tu.”

YEREMIA 31:20

Na di Israel e, anok dipmot di dingondut kin dingon kieti kin dingon him cem. Bikwop mpe dino dikon dihyet kep na lene diyok ngon kep na ba, dingon ya mem na. Midiba ningon nggriu bibon na.

YEREMIA 33:26

nok gima cem midikrau kep Ditde nipreu eisi mem yo di intun Yakub him kin Ditde awak di Daud bijo kikau. Didimig tungwagom leu yo di intun Daud him sindam ba, ninyeng mitak kep yo di intun Abraham kin Ishak kin Yakub him. Midingondut Ditde limwa nya bidibindei ba, ibong kei igwam kei hanyen bu.”

YEHEZKIEL 16:60

Noro diyok ngon kep nipreu di dipreu ei bit na mpe di apilei yo. Gima rino midibibon gi preu di jo ninno bijo kikau bit na.

IMAM NYA IDE MIDYAI 26:11

Midibong ser Ditde Prak Meng di ningat rin ei jikieti. Lene midiba dingha bak jeni bihigom bi.

ROMA 11:2

Noni com Nide limwa nya di Noni dimig yok habiei kwei su hak bi. Jikan tut Allah Nihyet di pai sut Nabi Elia tirigi noni lua sok bak Allah tut mben Israel bipai,

ROMA 11:26

Gima ne nisinati mem Noni teu mben Yahudi yahagom leu sisar biyai niyaijo nijep biyok. Lewo Allah Nihyet pai, “No Di Teu Tungwatu Nya Leu Sisar mikwei leu Sion leu api miciu ser yo di intun Yakub him nya ide mun di mbuk hagom.

NIJAM NIKEI NYA 2:1

Lene tuhan de malaikati gom jo leu Gilgal buug kikau ug ei Bokhim leu api pai bak mben Israel “Diteu je bijingwes ngun leu minu Mesir lene dibuwak je kwei ei minu po dipreu ei mem jidigup bat-jidigai bat nya pima tu. Mpe dima lene disimbot dat bipia midiluei dingonti tut mun di dipreu ei mem je bi sren.