IMAM NYA IDE MIDYAI 26:43 - ALLAH NIHYET MEM TUNGWATU NYA

⁴³ Noro suar dibindei dihyei dima noyam kin ha ngunti ba, timiei nya ibong ser bu bi nipou ug e. Leu binhyepo ningat ne dihyei dima bong kep ninghuisi hak. Lene suar Ditde limwa nya itug ndei hukum ba, ikum ningwam di ibon bak Dani drek dip gi po igibit didimigsi kin dicuk yokti nya bi pima.

IMAM NYA IDE MIDYAI 26:43 ပူးပေါင်းရင်းမြစ်များ

ROMA 8:7

Gino ningut kanti di ntun dihyeisi dini him pingok kep tungwagom ne noni ba nitok bak Allah lewo noni bit Allah nihyet bi. Ningat ne bit bon noni bit Allah nihyet kan bi.

IMAM NYA IDE MIDYAI 26:15

jipigau gi preu po dipreu ei mem jeni pima ba, jibit dimbrap tutti kin didimig sutti nya bi,

YOHANES 7:7

Bit bon tungwatu dihyeisi ingon mpo tut je kan bi. Noro ingon mpo tut Da drek dip gi dipai biyok bipia igyai munti nya kinei bibor.

ZAKHARIA 11:8

Lene dijji gembala ibou ninga pima ei ninsi bed gom. Lene nitri-nipek domba cig nya ibindei ba, ditde noom ningonti ngwig leu da drek dip gi ingon sibui sut da.

AMOS 5:10

Je di mben Israel jingon mpo tut yo di ibigen ser nikei nikos tutti di kinei bibor nya kin yo di ipai mun di nijit ei nikei noho bei.

DANIEL 9:14

tuhan di nyende Allah e, atin ei hukum mem nye nipou su leu api abindei ba, hukum dima cut igkep nye lewo ayai munti nya hagom igbit ba, sren-srau cem noro nikou sut gi ningig nitingou mem ahyet.

YEREMIA 31:19

Niba ninghim bak Nani noro jei bi ne nittin ser sisar dima. Niabiati akes hukum ei nyeni dip leu su lene nindun bou lewo ningon buhun bibor. Nimmai sut nyenti ba, nisuwok cem drek dip sisar di nibon ei nipilei.’

YESAYA 26:16

tuhan e, akes hukum ei nyeni dip lo, tirigi nitug hon ningkiemti lene nikiek hanyen ndam Nani ba, ningat nadi biNa.

MAZMUR 119:75

tuhan e, dikan tut bipia Ade nikos tutti sren-srau kei. Attem da drek dip angon di gom.

MAZMUR 119:71

Ade nittem dati kei bibor ba, bindei bidikan tut Ade nimbrap tutti nya.

MAZMUR 119:67

Nipou tirigi attem da bigyo lene dipigau Ada nipingok dati nya lo, tini bu ne dikrau kep Ade nicukti nya.

MAZMUR 50:17

Lewo jikou sut Ditde nisok kep jeti ba, jibirok Ditde nicukti nya ei jitta cem.

MAZMUR 50:15

Mpe di juum mun di buhun tak je lene ma jahara Da leu api midikwek je leu mun di ngot kep je nya apino mijikon dinyeng.

AYUB 5:17

Gino Allah sok kep na lene ma angon nggei-hi-nggei! Gino Noni hwen bit angonti lene ma awok tut au.

NIBOHON MBEN ISRAEL GI NICAN 33:12

Tirigi Manasye tug ndei niwei-nidut dima rino om nonti ei tuhan Allah Noho bei bingat nadi bak leu binhyepo tuhan mikwei mpu no.

IMAM NYA IDE MIDYAI 26:41

apino ibindei dino dikes hukum ei yok dip ba, dicom yok ug ei ingkiaisi ei minu di ide siceu nya ide drek dip ide sisar. Gino jide nintun him yamti di bram yam nya dima yoom yonti ba, ikum ningwam di ibon bak Dani drek dip ide sisar kin ide nikiek nimig jou tut Dati cem,

IMAM NYA IDE MIDYAI 26:30

Lene midicok tut mpia di jikuk je kikep bak mun di mipror yon eisi nya di jo bidem mbigdip nya ba, midinggek jide nimbar di jindig kep biei nggrai di ui-gwang kei kikep eisi ba, midicom jide nimai ngut nya ei jide kwar di tti tu pima yok dip cem. Midiba ningon him wei,

IMAM NYA IDE MIDYAI 26:11

Midibong ser Ditde Prak Meng di ningat rin ei jikieti. Lene midiba dingha bak jeni bihigom bi.

NINDAT KEP TUHAN NICUKTI NYA 32:36

tuhan teu Nide limwa nya tirigi Noni ngat bipia isindem bi. Noni ngondut Nide awak nya tirigi Noni ngat bipia inghuisi jet.

NIBOHON MBEN ISRAEL GI NICAN 36:21

Gima pek kep mun di tuhan tri tut tug hon Yeremia bipia minu dini micut ei ningoi-ngati kikau mem nijam ari bingwam ningot muhwindacan ba, biluei Ari Bingwam Gi Nimuhwindacan Nikes Sidumti Pijum Hak Ei Mem tuhanti po inyohou bi pima.