IMAM NYA IDE MIDYAI 26:31 - ALLAH NIHYET MEM TUNGWATU NYA

³¹ binggek jide minu ndig nya bitimek bingwig ba, midinggek jide mpia di jikuk je kikep bak mun di mipror yon eisi nya ba, midirok jide mindhe-ndhe di jibui bijindig kep hum mem nibon midutti nya cem.

IMAM NYA IDE MIDYAI 26:31 ပူးပေါင်းရင်းမြစ်များ

NITRITI 8:21

Lene mikwau di noni ndig dima ngge kei bipwoi tuhan ningon leu api tuhan kan “Midimbriom dihyei drek dip tungwatu nya igyai munti nya bu bi sren. Dikan tut bipia tungwatu nya ikan-kan nyenti kinei bibor habiei ipilei kwei su. Midicok tut mun di ninnei tau nuhwap nsi nya bit leu nok gi po dicok tut yok pima bu bi sren.

NIBOU NDIG NYA GI NICAN 22:19

attin ser ade sisar ba, akuk na biDa lene arik ade sinsun rok na him cem apim ba, ayai nggwei kibor ba, amiap tut notou midikes hukum ei timiei minu ndig Yerusalem nya bitut ide minu ndig dip cem tu. Midibindei ba, mporo tungwatu nya igyai ngkek ttin ningat minu ndig Yerusalem. Lene yoni mindat kep minu dima ninyeng tirigi ibimbriom yam. Noro dingig ditingou mem ade nadi tu.

NIBOHON MBEN ISRAEL GI NICAN 36:19

Noni ya kep ngug tig di bikrop ttai minu ndig Yerusalem binggek lene bindig minu ndig Yerusalem bitut tuhan De Ig kin nibou ndig de ig nya bitut ndigban ngot di nibok kak di jo niti nya hagom cem ningwig a.

NEHEMIA 1:3

Lene ibuhup dihyet bipai sut mun di nggruk bibor di cut igkep yo di ingwes ngun di ingkwei hanyen ug ei itimieisi drek dip ngkiai nya di ibong timiei ei minu dima di ingwes pri gau yok. Ipai bida bipia hi kinding ngug tig di bikrop ttai minu ndig Yerusalem di nggek sinsiou kin dimbou pmem di itu ei ngug tig dima bigyo. Hum yem hagom bingwig bikinei kikau kwei bipek ammani kep.

NEHEMIA 2:17

Noro nogindini dimbot kep tut biyok “Ide minu dini kinei bibor ba, ngug tig cem lus bingwig su. Mun di buhun cut igkep nye tu! Jikwei ba, ikinding ngug tig di bikrop ttai ide minu ndig leu binhyepo immai sut itimieisi dini bu bi.”

NEHEMIA 2:3

bidibuhup “Na di Andigpoi e, ma ayaijo ninno! Bit bon diku diimaisi di hai bijo nding leu na di Andigpoi ayai him kan bi. Dingon buhun tut ditimieisi po itig didigup bat-didigai bat nya eisi pima lewo minu dima lus bingwig ug ei dihyeisi ba, hum yem dimbou pmem nya hagom tu.”

YESAYA 1:7

Ngkiai nya igya kep jide minu dima hagom bitimek lene indig jide minu ndig nya bingwig. Yoni igyem njita leu jide beisi nya bingwig bou jiyai him ba, ibindei hagom timek bingwig.

YESAYA 6:11

Dihig ser Noni “tuhan e, ug ei mpe di tou leu api inok gini bu bi i?” Noni buhup “Ug ei mpe di minu ndig nya hagom timek bingwig ba, bon timiei nya hi bu bi ug e. Ug ei mpe di ig hagom ngwak ba, hi bong ser bu bi. Ug ei mpe di ide dihyei ninda rom titut yam minok iggum ndigsi bu ug e.

YESAYA 63:18

Nggon rino asindui sut nyende siceu nya ba, ibindei timek Ade Ig lene ibimangkrei Ade nungug tou di kwes-kwau i?

YESAYA 64:9

Gima rino ma angon sibui sut nye nindig bibor ba, ayok ngon kep nyende sisar kikau au. Noro ma ayok ngon kep bipia nyeni ne Ade limwa nya ri.

YESAYA 66:3

Noro mben dima ibon mun bit leu yonti ingon kanti. Ingat Njap Nigwam Kep Ninghuisi tug hon nisinati di bindei ba, diyai ttin. Mem yoni ne midut di ibon nya hagom noyam. Ibon midut nindig sapi nikre noyam kin midut nindig tungwatu ba, ibon midut nindig domba pmot noyam kin ibon midut nidahat nsien nikimam ba, ibon midut nindig gandum ngan noyam kin midut nindig na ninggrom ba, ibon midut nindig biei nggrai di ui-gwang kei noyam kin ibon midut nikuk no bak kwar nya. Midut dima yok ter leu yam bou igyai him bi.

YEREMIA 22:5

Noro gino jibit Ditde nicukti nya bi ne diba neheng bipai bipia ig nibou ndig de dini mitti binok ig kum kroi bijo ei. Da di tuhan disimbot dat tu.

YEREMIA 26:6

Gino jibit dihyet bi kikau lene midibibon tuhan De Ig dini noyam kin gi dibibon Silo leu api mben dihyeisi dini hagom miba minu dini ninyeng bibimbriom yam.”

YEREMIA 26:9

Nggon rino aba tuhan ninyeng bitri tut bipia mun di cut igkep Silo micut igkep tuhan De Ig dini ba, minu ndig dini mitimek bingwig apino hi mibong ser bu bi cem i?” Lene tungwatu ningot ndig ingwig kep da.

YEREMIA 4:26

Dihyei di nnum kei dem kep iggum ndigsi di ngak-cai. Minu ndig nya hagom lus bingwig ba, nindungti he rijo ei a. Lewo tuhan gga Nide limwa nya bibor. (

YEREMIA 4:27

Nipou ne tuhan pai bipia dihyeisi dini titut yam minok iggum ndigsi noro Noni mibindei sar hagom bingwig hak bi.)

YEREMIA 4:7

Nihwen kep mben cig gom sindi mbut kwei mem gima bindei sar timiei Yehuda nya dem kep nok singa di hei leu niku no eisi. Noni minggek minu ndig ngot di jo ei minu Yehuda binggek sinsiou apino hagom midem kep nok ha ngunti ri.

YEREMIA 44:2

Gini ne tuhan Di Sindem Bibor di Allah Israel nihyet di sok mem yok rin, “Jingat mun di buhun di dikes kwei ei minu ndig Yerusalem kin minu ndig ngot gi nindigsi nya ei Yehuda dip bou jiyai him tu. Minu ndig ngot dima timek ningwig tu ba, hi bong ser bi kikau kwei bipek ammani kep.

YEREMIA 44:6

Gima ribindei di disiber Ditde nigga biborti ei minu ndig ngot di jo ei Yehuda kin puig ngot di mbut ei minu ndig Yerusalem dip ug a. Dindig hagom bindung-ndiem ba, ngoi hak cem. Ba, jingat gima bou jiyai him tu.

YEREMIA 52:13

Noni ndig tuhan De Ig kin nibou ndig de ig kin timiei minu ndig Yerusalem di inyeng jei nya ide ig hagom bitimek bingwig ba,

YEREMIA 9:11

tuhan pai “Midibindei ba, minu ndig Yerusalem cut bitimek ningwig leu api nsien mbrei nya milus-lus nyen kwei bibong ser ig kumti ba, minu mien nya di jo ei minu Yehuda nya minok ha ngunti lewo timiei nya isar bingwig leu su.”

NIBWOS-BWOS NYENTI 1:1

Minu ndig Yerusalem di nipou yo timiei nya illei bibor lo, tini bu ne nok mpia ntus ba, mpia mbum-bra bibor cem. Nipou yo ne ninyeng jei ei ngkiai nya igyai him noro nogindini wer kibom. Minu ndig di nipou yo ikon ninyeng dima tini bu ne wer awak tu.

NIBWOS-BWOS NYENTI 1:10

Siceu di ibindei timek no ipos nide ndigban ningwig tu o! Nok gima cem noni ngat gi siceu nya icoi ug ei tuhan De Ig bou niyai him o! Gima ne niyai munti gom di tuhan ggai ser ngkiai nya tut rin o!

NIBWOS-BWOS NYENTI 2:6

Noni bindei timek Nide Ig di nok mpia di mem Nide limwa nya idem yam mem gima ikuk yok biNoni eisi o! Lene bindei ba, tungwatu ibbwe ser Njap Nigwam Kep Ninghuisi kin njap nindig nya o! Lewo tuhan gga bibor ba, rok imam nya kin nibou ndig ei su o!

NIBWOS-BWOS NYENTI 2:7

tuhan rok Nide nimbar hum dok di kwes ei leu ba, kes nonti Nide Ig ei su o! Noni sindui sut ba, siceu inggek ngug tig nya ba, lus ningwig o! Siceu imbos-hi-mbos ei mpia di nipou nikuk nye bak tuhan binibon pesta eisi lewo yoom kep nye tu o!

YEHEZKIEL 12:20

Siceu nya mibindei timek minu ndig di mpung tut timiei nya hagom ba, miai di ide nya miwer iggum ndigsi. Leu api yoni mikan tut bipia Dani ne tuhan ri.”

YEHEZKIEL 21:15

bindei ba, mimbri micut leu Ditde limwa nya hak apino indrat bicut hak ei dihyeisi. Diba singau simeda di njeng-jau di dem kep kigyei di ninjeng srei dima bijem kum minu ndig di ide mem gima dibihwen rin ba, singau simeda dima tin ei mem gima yai nimai bak timiei minu ndig nya.

YEHEZKIEL 21:7

Gino ihig ser na tut nggon rino ahara-hara nyen i? Lene ma apai biyok bipia angon ngguk tut nihyet di mikwei yo. Nihyet di mikwei yo dima mibiyai ingon digit kin inda jet cem ba, ibiau digit ba, ide mimbri mipren leu yok cem. Tto bou dem tu ba, dideu su. Da di tuhan Di Dinyeng Jei disimbot dat tu.”

YEHEZKIEL 24:21

bidipai sut nisokti dini bije: Jinggei sut tuhan De Ig nisindemti. Jijoi sut jimian huk nggilun ba, jibicem kep cem. Noro tuhan mibindei bimap kui Nide Ig. Leu api Noni miyai nimai bak jide nimpung ig bei nsi di ipilei yo ndi igyaijo nya di ibong ei minu ndig Yerusalem ei pranti.

YEHEZKIEL 6:6

Minu ndig Israel hagom kin nimbar hum dok nya kin kwar di tungwatu nya ikuk yok bak hagom minggek sinsiou cem ba, siceu nya minjei nimbar di indig biei nggrai di ui-gwang kei eisi nya hagom ug ei dihyeisi ba, mun di ibon bou inda him nya hagom misar.

YEHEZKIEL 9:6

Ma jiyai nimai bak pinai nya kin sop nya kin ndigpoi nya kin pilei nya kin andig-ndau nya kin munggwom nya yahagom. Noro tut yo di bindo pima jo ingwak ne ma jingget yo dima au. Ma jikinyon eisi ei mpia di Ditde Ig joti dini.” Leu api ikinyon ei ide midyai dimati bigyai nimai bak nibou minu Israel di ingat rin ei tuhan De Ig dima bibie sindam.

DANIEL 2:46

Leu api Nibou Ndig Nebukadnezar kuk no biba ningwak bikik mpia ei Daniel noho bei leu api cuk nide limwa nya leu binhyepo yoni cem ikuk yok binoni bibon midut nindig mindhe-ndhe kep hum bak binjei ide mun di kei hi bak noni cem.

AMOS 7:9

Midibindei sar gumihyep di Ishak de nintun him yamti di bram yam nya ingkwei-ngkwei nyen kep mem gima ibon midut eisi nya. Mben Israel ide gumihyep di kwes-kwau nya mitti bingwig. Midicok tut yo di intun nibou ndig Yerobeam him yahagom.”

MIKHA 3:12

Gima rino tungwatu nya miba sapi bibrim ngkimom nitu bitem Sion de igkumti ba, jide siceu nya mibindei minu ndig Yerusalem ba, timek bingwig cem. Leu api nungug tou di tuhan De Ig joti miluei nitta binok baham tigotti bu drek dip jiyai munti di mbuk bibor nya.

ZEFANYA 3:6

tuhan pai “Dibindei sar mben nya mang bibor ba, ijo bu bi tu. Dibindei timek minu ndig di ide nya hagom ba, dibindei ngug tig di ide nya kin ide tentara nibousi di igya coi nya cem bindung-ndiem. Minu ndig di ide nya mbum-bra bram. Hi di bong ser minu ndig dima bu bi ba, puig di ide nya cem ngwak.

LUKAS 21:24

Lewo siceu nya iba simeda bitot bihi bikri bihi ug ei ingkiaisi cem leu api ngkiai nya mico kep minu ndig Yerusalem binnir-wap kikau bibou nijam di Allah kos tut mem yok ngwig ug e.”

KISAH 6:14

Nimiap nihyet di noni pai Yesus leu minu ndig Nazaret minggek Tuhan De Ig binggek tut nyeni igyai kepti nya di iba nyekep leu Musa hagom!”

IBRANI 10:26

Gino ibisinggre bibon sisar kikau niabiati Allah nihyet di nijit jo nibreisi mem nye tu lene midut nibikos ser sisarti hi sindem mem gima dip tut ide sisar bu bi.