IMAM NYA IDE MIDYAI 26:25 - ALLAH NIHYET MEM TUNGWATU NYA

²⁵ Midibindei ba, pran di nok hukum di cut igkep je mikiju ei jikieti lewo jipigau Ditde gi preu po dipreu ei mem je pima tu. Gino jinduk yam ei jide minu ndig nya leu binhyepo jingwes ngun lene midikes nsuwer di bit bon pren hanyen leu je kan bi ei jeni dip apino jigwam lo bi di jikes jenti ei jide siceu indati.

IMAM NYA IDE MIDYAI 26:25 ပူးပေါင်းရင်းမြစ်များ

MBEN ISRAEL IMBUT-MBUT NYEN 14:12

Mbigom lene midikes nsuwer ajar di buhun bibor di mihwen yok bingwig leu dihyeisi dini leu api midibindei ba, anok pung di keret nijep nindig bibor ba, sindem bibor cem dor njiriek yoni bu.”

YEHEZKIEL 5:17

Ter leu ninggum di buhun bibor pima lene midiba nsuwer ajar di buhun bibor kin yo di isibut bibor kin pran bihwen ade timiei nya. Midiba mindhe di niten-pos biyai nimai bak amunggwom bat nya ningwig a. Da di tuhan disimbot dat tu.”

YEHEZKIEL 33:2

“Na di tungwatu di ayaijo kikau bi e, ma atri tut mun di micut igkep ade limwa nya tirigi dibindei ba, ide siceu nya ikon pran bit yok. Timiei minu dima indo tungwagom leu ikieti bita noni nok no di ya ser ide siceu nya ikweisi.

YEHEZKIEL 29:8

Gima rino Da di tuhan Di Dinyeng Jei Bibor dipai bina bipia midipinak tentara di iba singau simeda bihwen na ba, ibiyai nimai bak timiei nya bitut mindhe-ndhe ade nya cem.

YEHEZKIEL 20:37

Midiwit huk je sindem bibor leu binhyepo jibit Ditde nipreu ei mem jeti.

YEHEZKIEL 14:17

Hi rima dipinak pran kwei ei minu dima tug hon tentara di ikrau minggwen di sindem kei nya bikwei mem gima diba yok bicok tut tungwatu kin mindhe-ndhe nya leu minu dima cem.

YEHEZKIEL 6:3

Ma acuk nungug nya kin mbigdip nya kin pimbien nya kin mbang briep nya tut mun di Da di tuhan Di Dinyeng Jei Bibor dipai sut biyok. Ma acuk yok bingig itingou mem ba, yahati tut mun di dipai dima yok. Dipai dihyet di nijit bipia midipinak singau simeda mem gima bindei sar mpia di tungwatu nya ikuk yok bak kwar eisi nya.

YEREMIA 24:10

Midiba pran kin ninggum kin nsuwer ajar bihwen yok. Apino yahagom imai leu ba, hi dima gwam ei minu di diyai biyoni kin idigup bat-idigai bat nya dini bu bi.”

NINDAT KEP TUHAN NICUKTI NYA 32:25

Ide siceu nya mihwen yok bingwig kak simpak ba, mun di buhun bibor micut igkep yok ei ide ig ba, ide pinjoi pilei nya kin sop pilei nya imai bingwig lene munggwom ngwoi nya kin andig-ndau nya cem misar bingwig.

NINDAT KEP TUHAN NICUKTI NYA 28:21

Ninggwenti nya ninyeng hi gom hi gom micut igkep jeni kikau apino bit bon tungwa hi bong ei minu di jikieng kep dima kan bi.

LUKAS 21:11

Dihyei mun brim bidem dihyeisi nisurti-nipekti ba, ninggum nindig bibor kin nsuwer ajar di buhun bibor mihwen tungwatu nya imang bibor. Mindur nya kin mun di biyai tungwatu nya ingon digit micut kwei leu mpia-bbed him.

AMOS 4:10

Dibindei ba, nsuwer ajar di buhun bibor noyam kin gi hi di dipinak ug ei minu Mesir pima hwen je. Dibindei ba, jide pinai pilei nya itug ndei nimai ei pranti leu api jide siceu nya ipos jide kuda pran bingwig leu je. Dibindei ba, jide prak meng yati nya mpung tut nimai ngut di mpiei bibor ei jihwap nsi. Mbro nok gima lo, jigingkwei hanyen ndam Da bi.

NIBWOS-BWOS NYENTI 2:21

Ndigpoi nya kin munggwom pilei nya imai sinsiou ba, pinai pilei nya kin sop gwam nitta pilei nya imai tug hon singau simeda o! Njap dima ne ayai nimai biyok drek dip Ade nigga biborti rin o!

YEREMIA 9:16

Midibindei ntek gimahap yok srig ngkiai di yoni kin idigup bat-idigai bat nya cem ikan tut yok bi nya ikieti. Lene midipinak tentara di mikon pran bit yok bram yam kikau bibou yahagom isar bingwig ug e.”

MAZMUR 94:1

Allah e, Nani ne Allah di ba ningon sibuisi bibuhup bak yo di isibut nya ri. tuhan e, ando angon sibuisi dima brei binye.

SAMUEL GI NICAN 24:15

Leu api tuhan ba nsuwer ajar bihwen mben Israel mem njap tekti dima kikau bipek njap di Noni kos tut ei su. Apino mben Israel di imai tug hon nsuwer ajar dima imangti ibou sribu ningot muhwindacan.

NINDAT KEP TUHAN NICUKTI NYA 32:41

midisien Ditde simeda di ninjeng srei leu binhyepo dikos tutti nya hagom sren-srau. Midibirop hanyen bak Ditde siceu nya leu api midikes hukum ei yo di ingon mpo tut Da dip.

NINDAT KEP TUHAN NICUKTI NYA 32:35

Noni mibirop hanyen biyok tug hon hukum di Noni mikes ei yok dip. Jei bi lene yoni misar bingwig. Ide njap ningwig honti dideu kwei su.

MBEN ISRAEL IMBUT-MBUT NYEN 16:49

Mpe dima ne yo di itug ndei nimai imangti ibou sribu simnaibrimigtai ba, sratus muhwindacan. Yo dini ter leu yo di itug ndei nimai drek dip Korah naham nimbuk kep tuhanti pima.

IMAM NYA IDE MIDYAI 26:6

Midibindei ba, mpia nimbu-brati mikieng kep jide minu dima apino mijibong mai lene jittin tut jide siceu nya hi bi. Midicok tut mindhe-ndhe di niten-pos nya leu minu dima ba, nikon pranti mikieng kep jide minu bu bi cem.

MBEN ISRAEL IMBUT-MBUT NYEN 31:3

Leu api Musa pai bak mben Israel “Ma jitin ei mem jikon pran bit mben Midian leu binhyepo tuhan ba jeni bikes Nide hukum ei yok dip.

NIJAM NIKEI NYA 15:11

Gima rino tentara keret Yehuda ibou sribu ningai induk yam biyuug ei hak mihyeti ei nungug tig Etam pima leu api ipai bak Simson “Andigpoi e, akan tut bipia mben Filistin inyeng tak kep nye bi e? Anggon ndei nye i?” Lene noni buhup “Dibibon yoni noyam kin gi po ibibon dani.”

NIBOU NDIG NYA GI NIGOM 8:33

Tirigi Ade limwa nya icut bak ide siceu nya drek dip gi ibon sisar tut Nani lo, ittin ser ide sisar bikuk yok biNa di tuhan ba, ingkwei hanyen ei Ade Ig dini cem hanyen ba, yahara Na leu binhyepo akos ser ide sisar dima lene,

NIBOU NDIG NYA GI NIGOM 8:37

Tirigi ninggum nindig bibor kin nsuwer ajar hwen yok ba mpia ngei bindei ba, njita hagom mui bingwig cem hai ceng nya igyem njita ei beisi hagom ba, ide siceu injei bihwen yok ba, ninggwen di buhun cut igkep yok cem lene,

YEREMIA 50:28

Yo di inang leu minu Babel biyuug ei minu ndig Yerusalem ipui sut notou ide tuhan Allah birop bak mben Babel drek dip ide nibon munti bitut tuhan De Ig.)

YEREMIA 51:11

tuhan pingok nibou ndig minu Media nya ingonti leu binhyepo ingon sibui sut mben Babel bibindei timek yok drek dip gi ibindei timek Nide Igya. Nibou tentara nya icuk ide limwa nya “Jisien jide singau tibor nya! Jitin ei jide mun di jibipukep tibor ninggwenti nya cem!

NEHEI LEUSI 5:3

Lene Musa kin Harun ipai binoni “Mben Ibrani ide Allah ndo Nonti binye tu. Gima rino ma asindui sut nye binimbut ug ei iggum ndigsi mem mmun-njap ningai leu binhyepo nibon midut nindig mindhe kep hum ba, nibikuk nye ei tuhan Noho bei. Gino niyai igbit tuhan nicuk nyeti bi lene nahagom minitug ndei nimai tug hon ninggwen di buhun kin pran cem.”

NIBOU NDIG NYA GI NICAN 17:3

Salmaneser di nok nibou ndig mem mben Asyur kon pran bit nibou ndig Hosea ba, bindei timek noni. Noni cuk Hosea bigo belasten bak noni bikwop ari bingwam hagom.

NIBOHON MBEN ISRAEL GI NICAN 24:24

Mben Siria ide tentara nya imang bi noro tuhan sindui sut ba, ihwen tentara timiei Yehuda nya di imang bibor ba, icut biyok. Lewo timiei Yehuda nya iba igyai ngat idigup bat-idigai bat nya ide tuhan Allah tu. tuhan ba nisinati dima bikes hukum ei Nibou Ndig Yoas dip.

YESAYA 1:20

Gino jisrep tut dihyet ne mporo mijiyai nimai ei pranti. Da di tuhan disimbot dat tu.”

YESAYA 65:12

Jahagom mijimai nimbiam. Lewo mpe di dihig je lene jigibuhup bi. Ba, mpe di dimbrap lene jigimiap kep dihyet bi. Jikos tut bipia jico kep Da bijibon kep mun di kinei he.

YEREMIA 19:7

Miditte tut timiei Yehuda kin timiei minu ndig Yerusalem nya yahagom ingon kanti ei mpia dini. Midisindui sut ba, ide siceu nya mikon pran bit yok leu api ibindei timek yok bingwig. Midisindui sut ba, ha nya mipuk ide nimbiam leu api mindhe di niten-pos nya mibriu yok nok ide mun di igyem.

HOSEA 11:6

Ide siceu nya mikon pran bit yok ei itimieisi binggek dimbou pmem nya hagom leu binhyepo ihwen Ditde limwa nya bibindei ba, itimek bingwig. Mun dini yok hagom micut igkep yok drek dip igyai munti nya hagom di bit leu yonti ingon kanti ba,

HABAKUK 3:5

Acuk nsuwer ajar bibie aho lene acuk minu nimai nya ide biya abia kep anghim dip.