IMAM NYA IDE MIDYAI 26:17 - ALLAH NIHYET MEM TUNGWATU NYA

¹⁷ Midikes hukum ei jeni dip apino jide siceu nya mibindei timek jeni. Lene yo di isibut tut jeni nya minyeng tak kep je. Mbro nok gino hi huk je bi lo, jingon ttin apino jinang-nang wai.

IMAM NYA IDE MIDYAI 26:17 ပူးပေါင်းရင်းမြစ်များ

NITRITI 4:12

Gino andim njita ngan lene nikioi mehei noro ningat mintun him bi sren. Dibindei ba, abong-bong wai bidem dihyei ninjek dip apino abon atimieisi hi bi.”

NIBOU NDIG NYA GI NIGOM 8:33

Tirigi Ade limwa nya icut bak ide siceu nya drek dip gi ibon sisar tut Nani lo, ittin ser ide sisar bikuk yok biNa di tuhan ba, ingkwei hanyen ei Ade Ig dini cem hanyen ba, yahara Na leu binhyepo akos ser ide sisar dima lene,

NIBOU NDIG NYA GI NICAN 13:3

Gima rino tuhan gga mben Israel bisindui sut Hazael di nok nibou ndig mem mben Siria kin nipmot Benhadad di ingkwei-ngkwei nyen bigya kep mben Israel bibindei timek yok bijo kikau.

NIBOU NDIG NYA GI NICAN 13:7

Mben Siria ide Nibou Ndig hwen tentara Israel yahagom bingwig su. Nibou Ndig Yoahas de tentara di iba kuda bikon pran kan nya ibou ningot muhwi kin kroba pran simnai kin tentara nitu nya ibou sribu simnai he rino igyaijo a.

MAZMUR 44:10

Noro tini bu ne akes nye ei ba, asindui sut siceu pima yok ibindei timek nye cem. Agikiju ba, anjei bit nye tirigi nittei yam kak nipuig nikon pranti bi.

MAZMUR 53:5

tuhan pai “Yo di isibut bibor dima ingon huk niti tut igyai munti nya bi e? Igyai mun di isuar nya tug hon gi ipos ndigban leu Ditde limwa nya lene igingat nadi bak Dani bi sren.”

MAZMUR 53:6

Mbro nok gino mun di bindei ba, idigit bibor hi bi lo, yo di isibut nya mittin bibor. Lewo tuhan migimahap yo di igyon siceu ttai je nya injum a. Gima rino mijibindei timek yoni lewo Allah rok yoni ei su.

NIPINGOK NINGONTI 28:1

Mbro nok gino hi huk bram no di sibut bi lo, noni nang ug. Noro mimbri kui no di ningon gom ningkek dem kep nok mindhe singa.

YESAYA 30:17

Gino jibou sribu gom jingat jide siceu gom ngat di srep huk je lene mijinang leu noni. Gino jide siceu ibou muhwi he isrep huk je lene jahagom mijinang bijingwig. Kendera nidihim gom ngat he mijo nijoti ei mbigdip di jikes ei bijinang ningwig leu dima.

YESAYA 63:10

Noro yaham imbuk kep Noni bibindei ba, ningon buhun tut yok. Gima rino Noni luei nitta binok ide siceu bu bikon pran bit yok.

YEREMIA 19:7

Miditte tut timiei Yehuda kin timiei minu ndig Yerusalem nya yahagom ingon kanti ei mpia dini. Midisindui sut ba, ide siceu nya mikon pran bit yok leu api ibindei timek yok bingwig. Midisindui sut ba, ha nya mipuk ide nimbiam leu api mindhe di niten-pos nya mibriu yok nok ide mun di igyem.

YEREMIA 44:11

Gima rino Da di tuhan Di Disindem Bibor di Allah Israel midihwen je bidibindei timek minu Yehuda titut yam.

NIBWOS-BWOS NYENTI 1:5

Siceu nya iba ide nisindemti boom kep noni tu o! tuhan bindei ba, noni tug ndei ninghuisi wei drek dip nide sisar di nindig bibor! Ikat timiei nya bisima ug ei ingkiaisi tu o!

NIBWOS-BWOS NYENTI 2:4

Noni bon Nonti binok siceu lene kri Nide tibor nya hagom leu api ba ninggwenti binai hammi nye o! Noni yai nimai bak ide limwa di ipwoi nyeni ingon nya ningwig o! Noni pio niggati di dem kep hum kwei ei nye di nibong ei minu ndig Yerusalem dip o!

YEHEZKIEL 15:7

Midikes hukum ei yok dip. Mbro nok gino illu leu hum tu lo, hum miyem yok bisar. Tirigi dikes hukum ei yok dip ne mporo akan tut bipia Dani ne tuhan ri.

IMAM NYA IDE MIDYAI 17:10

Gino mben Israel gom e, he ngkiai gom di bong timiei ei mben Israel ikieti e, yem mikwau di ninggrom huisi lene tuhan mikes hukum ei no dima dip. Ma jibibon no dima tereu nok no di nggre kin Allah de limwa bu bi.

NINDAT KEP TUHAN NICUKTI NYA 28:25

Gino jibit jide tuhan Allah nicuk jeti nya bi lene Noni mibindei ba, jide siceu nya ibindei timek jeni. Mijibrim jimig sindem bibor ug ndam yok leu binhyepo jicut igkep yok noro mijinang sinsiou leu yoho bei. Tungwatu dihyeisi dini hagom di ingat mun di buhun di cut igkep je dima midigit tut.

YOSUA 7:4

Gima rino ibou sribu ningai he injei ba, ihwen minu ndig mien dima. Noro timiei minu ndig mien Ai dima ihwen yok apino tentara Israel ingkwei kep inghim dip binang hanyen.

NIJAM NIKEI NYA 2:14

Gima rino tuhan ningon sibui sut yok nindig bibor ba, sindui sut ngkiai di imbuk bibor nya bihwen yok bipos ndigban nya bingwig leu yok. Noni sindui sut mben Israel ide siceu di ibong ttai yok igya kep bihwen yok bijo ninno apino bit bon mben Israel ikon pran bigya ngkiem kan bi.

NIJAM NIKEI NYA 3:14

Eglon ninyeng tak kep yok kikau mem nijam ari bingwam simnaimuhwidip brimigtehiningai.

NIJAM NIKEI NYA 3:8

Apino tuhan gga yok bisindui sut yok ba, Nibou Ndig Kusyan-Risyataim leu Mesopotamia bindei timek yoni. Nibou ndig dima ninyeng tak kep yok kikau mem nijam ari bingwam muhwindaningai.

NIJAM NIKEI NYA 6:2

Mben Midian isindem bibor dor njiriek mben Israel. Gima rino mben Israel iku yok nyahan ei hak mihyeti nya kin nungug him.

SAMUEL GI NIGOM 12:15

Ne gino jimiap kep Noni nihyet ba, jijoi sut nicuk jeti nya bi lene Noni miba nitok bak jeni kin jide nibou ndig.

SAMUEL GI NIGOM 31:1

Mpe dima lene tentara Filistin ikon pran bit tentara Israel ei Nungug Gilboa apino mben Israel imang bibor imai ei sirima lo, nindigsi nya yahagom bitut Saul kin nipmot bat nya inang leu.

SAMUEL GI NIGOM 4:10

Gima rino mben Filistin ikon pran bit mben Israel sindem bibor bibindei ba, tentara Israel inang kikau ug ei ide ig hanyen. Noro ibou sribu ningot ningai imai bingwig ei puig sinon.