IMAM NYA IDE MIDYAI 26:15 - ALLAH NIHYET MEM TUNGWATU NYA

¹⁵ jipigau gi preu po dipreu ei mem jeni pima ba, jibit dimbrap tutti kin didimig sutti nya bi,

IMAM NYA IDE MIDYAI 26:15 ပူးပေါင်းရင်းမြစ်များ

NIBOU NDIG NYA GI NICAN 17:15

Mben Israel kin timiei Yehuda nya ikou sut gima ibit tuhan nicuk yokti nya lene iba ingon di gom biyok ngon kep gi preu po tuhan bon mem idigup bat-idigai bat nya pima bi. Isem tut tuhan nipingok kep yokti nya cem leu api ikuk yok bak kwar nya di bon ninyeng bi. Apino yonti cem ibon inyeng ei tuhan niyai him bi. Mbro nok gino tuhan ggai ser yok lo, iba ingkek di ndok biyai bram mben di ibong ttai yok igyaisi nya hagom.

NINDAT KEP TUHAN NICUKTI NYA 31:16

Lene Noni pai bak Musa “Jei bi lene ayaijo ngwig hon ug ri. Niabiati amai leu mben Israel tu lene yoni ingon gom tut Da bu bi leu api ikrau kep mun po dipreu ei mem yok pima bu bi ri. Yoni mikes Da ei leu api mikuk yok bak nung nya di ingat rin ei minu di sindi icoi bibong kep dima ug ri.

YEHEZKIEL 16:59

tuhan Di Ninyeng Jei Bibor pai “Midibibon na bit leu ade nibon munti nya. Lewo aba angha bak ade nehengti ba, abitunggwei Ditde nipreu ei mem nati cem.

YEREMIA 11:10

Ibon kep sisar di idigup bat-idigai bat nya ibon kep. Sisar di idigup bat-idigai bat nya ibon kep dima rino igibit dihyet bi ba, ikuk yok bak nung di ngkiai nya ikuk yok bak nya. Igyai mun bibicim tindei Ditde nicuk yokti cem bi. Israel kin Yehuda yahacem injiriek Ditde gi preu di dipreu ei mem idigup bat-idigai bat nya tu.

YESAYA 24:5

Nirom mikui dihyeisi dini tug hon timiei nya di itunggwei Allah nicukti nya di iba Nide nidimig sutti nya bikek ba, ingkek ndok tut Nide nipreu ei mem yokti nya cem bijo ninno bijo kikau.

MBEN ISRAEL IMBUT-MBUT NYEN 15:31

Lewo no dima srep tut tuhan ba, bisinggre bibon mun tunggwei tuhan nicukti. Suar no dima biang nide sisar nibuhunti bitug ndei nimai drek dip.

IBRANI 8:9

Gi preu nijep dima noyam kin gi preu nitimiei di dibibon mem idigup-idigai bat nya tirigi dibrim yok kwei leu minu Mesir bi. Yoni ingon gom tut gi preu di dibibon mem yok dima bi. Gima rino dikes yok ei leu api dinyohou yok bu bi.

TESALONIKA GI NIGOM 4:8

Gima rino tungwa tou rino rok ningginausi dini lene rok tungwatu nya ighyet bi noro rok Allah di kes Ninnei nyahan ei jingonti nihyet tu.

ROMA 8:7

Gino ningut kanti di ntun dihyeisi dini him pingok kep tungwagom ne noni ba nitok bak Allah lewo noni bit Allah nihyet bi. Ningat ne bit bon noni bit Allah nihyet kan bi.

KISAH 13:41

‘Je di jihyet wer mpi hi tut Allah e, ma jiyok ngon kep gini. Mijinggap leu sut bijisar hak ug. Mbro nok gino tungwagom mbot kep tut brei bije lo, jingon jo kep Ditde midyai di diyai nya mem nijam dini bi.’ ”

YEREMIA 31:32

Gi preu nijep dima noyam kin gi preu nitimiei di dipreu ei mem idigup bat-idigai bat nya tirigi dinyohou cen yok kwei leu minu Mesir bi. Mbro nok gino dibon Danti bidinok ijjep lo, ikou sut mun di dipreu ei mem yok.

YEREMIA 6:19

Dihyei ni e, ma ayok ngon kep! Ditde limwa nya ijoi sut Ditde nipingok yokti nya bibit dihyet bi. Gima rino midiyok nisinsiou ei yokti drek dip ide niyok nihyet mem yamti nya.

NIPINGOK NINGONTI 5:12

Leu api anso nanti tut ba, apai “Nggon rino singon mpo tut ide nisok kep sati ba, sikou sut ide nipingok singonti pima i?

NIPINGOK NINGONTI 1:30

Jingkek ndok tut ditde nipingok jeti ba, jitingou nam ser ditde nisok kep jeti nya cem.

NIPINGOK NINGONTI 1:7

Gino tungwatu nya ijoi sut ningon kiti di nijit lene ma ikuk yok bak tuhan bittin tut Noni bibie ug e. Lewo yo di ingkek ndok nya irok ningon kiti ba, ikou sut gino hi ngginau yok.

MAZMUR 50:17

Lewo jikou sut Ditde nisok kep jeti ba, jibirok Ditde nicukti nya ei jitta cem.

NIBOHON MBEN ISRAEL GI NICAN 36:16

Noro iba tungwatu nya di tuhan pinak yok kwei nya bikek ba, ipa tut Nide nabi nya bico kep nihyet cem. Apino bitig di tuhan gga yok dino bitbon puig hi mem gima ingwes ngun leu hukum di Noni mikes ei yokti dima bi a.

IMAM NYA IDE MIDYAI 26:43

Noro suar dibindei dihyei dima noyam kin ha ngunti ba, timiei nya ibong ser bu bi nipou ug e. Leu binhyepo ningat ne dihyei dima bong kep ninghuisi hak. Lene suar Ditde limwa nya itug ndei hukum ba, ikum ningwam di ibon bak Dani drek dip gi po igibit didimigsi kin dicuk yokti nya bi pima.

NEHEI LEUSI 24:7

Noni ug yai srat gi preu po noni pas kep tuhan De nicuk noti nya hagom eisi pima lene ba nihyet nindig bitri tut bak mben Israel. Lene yahagom ibuhup “Minibit biniyai hagom bit leu nok tuhan nicuk nyeti.”

NEHEI LEUSI 19:5

Nogindini gino jibit dihyet ba, jiyok ngon kep mun po dipreu ei mem je pima lene dinyeng mitak kep je. Dinyeng tak kep tungwatu dihyeisi dini hagom noro didimig jengkom bijinok dingon kieti nya.

NITRITI 17:14

Bikwop pinai tou rino yai nibon midut sunat bi lene noni minok Ditde limwa bu bi lewo noni krau kep gi preu dima bi.”

IMAM NYA IDE MIDYAI 26:9

Midinjei mun di kei bak jeni lene midibindei ba, jignyot bat kin jidrot bat nya imang bibor. Midibindei ba, gi preu po dipreu ei mem jeni pima mipek kep mem je.

IMAM NYA IDE MIDYAI 26:11

Midibong ser Ditde Prak Meng di ningat rin ei jikieti. Lene midiba dingha bak jeni bihigom bi.

SAMUEL GI NIGOM 12:15

Ne gino jimiap kep Noni nihyet ba, jijoi sut nicuk jeti nya bi lene Noni miba nitok bak jeni kin jide nibou ndig.

MALEAKHI 2:2

Ma jiba jiyai munti nya hagom bikon dinyenga. Gino jikou sut dicuk jeti nya ne midisigion je. Disigion mun di jide limwa nya ikwas tut Da di ibahati tut je cem. Nijit ne disigion mun di ikwas tut je pima hagom tu lewo jipwoi dingon tut dicuk jeti nya bi.