IMAM NYA IDE MIDYAI 26:11 - ALLAH NIHYET MEM TUNGWATU NYA

¹¹ Midibong ser Ditde Prak Meng di ningat rin ei jikieti. Lene midiba dingha bak jeni bihigom bi.

IMAM NYA IDE MIDYAI 26:11 ပူးပေါင်းရင်းမြစ်များ

SAMUEL GI NICAN 7:7

Tirigi dibong-bong nyen bidem minu bit mben Israel pima lene dahara ide nibou di didimig ei su nya leu binhyepo iba biei buom Libanon bingot ig gom mem Da bi sren.”

NIBOU NDIG NYA GI NIGOM 6:13

Midikwei bong bit Ditde limwa di mben Israel ei Ditde ig di angot ei su dini lene midikes yok ei bi sren.”

NIBOU NDIG NYA GI NIGOM 8:13

Tini bu ne dingot ig di kei-kau-kei mem Na leu binhyepo akwei bong bit nye bijo ninno bijo kikau.”

NIBOU NDIG NYA GI NIGOM 8:27

Noro Allah e, nggon rima akwei bong bit nye ei dihyeisi dini i? Mpia-bbed him bon ninyanti kin nijeisi nok gi dem mem Nani bi. Lene notou Ade Ig di dingot mem Nani nok gi dem mem Nani i?

MAZMUR 106:40

Gima rino tuhan niggati cig-cai kep yok ba, ningon him wei sut Nide limwa di ninyeng tak kep yok nya.

MAZMUR 76:2

Allah ninyeng jei ei hanjop Yehuda. Ninyeng tibim bidem minu Israel nisurti-nipekti.

MAZMUR 78:59

Ngat igyaisi dima rino Noni gga yok leu api rok yok bihigom.

NEHEI LEUSI 25:8

Ma ade limwa nya yohok prak meng gom di ipiga ei mem gima dibong ei ikieti.

NEHEI LEUSI 29:45

Midikwei bong bit mben Israel leu binhyepo ikuk yok biDa leu api midinok ide Allah.

NEHEI LEUSI 29:46

Mijo nibreisi mem yok bipia Dani ne tuhan Allah ba, dibuwak yok kwei leu minu Mesir leu binhyepo dibong bit yok ri. Dani ne ide tuhan Allah ri.”

YEREMIA 14:21

Ma ayok ngon kep Ade nipreu ei mem nyeti ba, angwes om nye cem au. Ma aluei angonti tut apreu ei mem nyeti au. Ma angwes pri gau minu ndig Yerusalem au lewo Ade banggo mbrei di kei-kau-kei jo ei minu ndig dini.

NIBWOS-BWOS NYENTI 2:7

tuhan rok Nide nimbar hum dok di kwes ei leu ba, kes nonti Nide Ig ei su o! Noni sindui sut ba, siceu inggek ngug tig nya ba, lus ningwig o! Siceu imbos-hi-mbos ei mpia di nipou nikuk nye bak tuhan binibon pesta eisi lewo yoom kep nye tu o!

YOEL 2:27

Je di mben Israel e, mpe dima lene mijo nibreisi mem je bipia Da di tuhan disrig jikieti bidinok jide Allah. Dangkom he rino Allah lene hiter hi bu bi. Hon kep ammani kui ne ngkiai nya iba ighyet bicig Ditde limwa nya bu bi sren.”

IMAM NYA IDE MIDYAI 20:23

Ma jiyai bram yo di ingon tindur di ibong ei sirima igyai kepti nya au. Lewo iba igyai kepti di kinei bibindei ba, dingon him muwei sut yok. Gima rino dijji yok leu ba, dibon nituti mem jeni jicoi ug ei itimieisi dima.

IMAM NYA IDE MIDYAI 26:15

jipigau gi preu po dipreu ei mem jeni pima ba, jibit dimbrap tutti kin didimig sutti nya bi,

IMAM NYA IDE MIDYAI 26:43

Noro suar dibindei dihyei dima noyam kin ha ngunti ba, timiei nya ibong ser bu bi nipou ug e. Leu binhyepo ningat ne dihyei dima bong kep ninghuisi hak. Lene suar Ditde limwa nya itug ndei hukum ba, ikum ningwam di ibon bak Dani drek dip gi po igibit didimigsi kin dicuk yokti nya bi pima.

IMAM NYA IDE MIDYAI 26:44

Noro tirigi ingat rin ei ingkiaisi ei minu di ide siceu nya ide lene midikes yoni ei ba, midibindei sar yoni bingwig cem bi. Leu gino dibindei sar yok lene gima bindo bipia dibindei bitun gi preu di dipreu ei mem yok lo, Dani ne tuhan ide Allah ri.

ZAKHARIA 11:8

Lene dijji gembala ibou ninga pima ei ninsi bed gom. Lene nitri-nipek domba cig nya ibindei ba, ditde noom ningonti ngwig leu da drek dip gi ingon sibui sut da.

EFESUS 2:22

Kristus ba jeni kin nindigsi di inok gom kin Noni jahagom bingot ig ningat gom mem Allah di ba Ninnei bibong ser.

NINDAT KEP TUHAN NICUKTI NYA 32:19

Tirigi tuhan ngat gini hagom tu lene ningon sibui sut yok leu api ba ningha bak imunggwom bat nya.

YOSUA 22:19

Gino jibindei ba, map kui jide minu ndigti ba, dem tut gima jiwin gumihyep mem gima jibikuk je bak tuhan ei niti bi. Lene ma jipri hak kwei ei tuhan de minu di Nide Prak Meng ya niti dini. Ma jikiek ba, jaham jimbuk kep tuhan ba, jaham jimbuk kep nyeni cem tug hon gi jiwin nimbar hum dok hi kin bu au. Lewo tuhan de nimbar hum dok jo mem nye tu.

YOSUA 22:31

Leu api Pinehas di Imam Eleazar nipmot pai bak keret Ruben kin Gad kin Manasye di ibong bei mpia nipriti “Nogindini nikan tut bipia tuhan Allah ningat rin bit nyeni yahagom. Lewo jikiek ba, jaham jimbuk kep Noni bi. Lene tug hon nisinati dima jiteu mben Israel ba, ingwes ngun leu hukum di tuhan mikes ei yok dip.”

NINGAT-HI-NGAT NYA 21:3

Leu api nihyet nindig bibor tibim kwei leu banggo mbrei bipai “Nogindini Allah ningat rin bit tungwatu nya! Noni kwei bong bit yok ba, yoni ne Nide limwa nya ri. Allah Nonti di nok ide Allah ningat rin bit yok.

NINGAT-HI-NGAT NYA 7:15

Gima rino idem yam bigya ei Allah de banggo mbrei nuhui bikuk yok bak Noni bikwop mmun-njap ei Nide Ig. No di gwam banggo mbrei dip ningat rin bit yok binyohou yok.