IMAM NYA IDE MIDYAI 25:6 - ALLAH NIHYET MEM TUNGWATU NYA

⁶ Mbro nok gima lo, njita ningat mintun him ei sidumti dima lene tuhan sindui sut ba, jeni kin awak jide nya kin yo di itug ndei imuhup tug hon midyai di igyai mem jeni kin ngkiai nya di ibong timiei ei jikieti nya ba, jipuk bijiyem ningat di ntun him sindam mikuisi.

IMAM NYA IDE MIDYAI 25:6 ပူးပေါင်းရင်းမြစ်များ

KISAH 4:32

Yo di ingon jo kep nya yahagom ingon kin innei gom kin yam ba, hi drui kep nide mun di nyeng tut bi. Noro ibippiet hagom biyam.

KISAH 2:44

Yo di ingon jo kep Yesus yahagom inok gom ba, ingon ce yam bi lene ibippiet mun di inyeng tut nya biyam.

IMAM NYA IDE MIDYAI 25:20

Noro mpaba bihi ihig ingon eisi tut gino indim njita bou cem imbus ningat keyam cem bi mem ari bingwam gi nimuhwindacan pima lene igyem njita mindei ngan i?

NEHEI LEUSI 23:11

Noro ma jisindui sut dihyei ttou nsi gom dima ei ari bingwam gi nimuhwindacan. Ma jug yai njita niken di ngat eisi au. Hagom jo mem yo di yuhui mbum nya bigyem lene niken jo mem mindhe-ndhe di yehek nya. Nok gima tut jide biei anggur nghousi kin jide biei zaitun nghousi cem.

IMAM NYA IDE MIDYAI 25:5

Gino gandum kin ba anggur di jinyohou bi nya ningat ntun him ei jide sidumti mikuisi lene ma jimbus gima yok keyam bijiyok ei mem jenti au. Lewo ari bingwam nitindur gom dima ne ari bingwam di dihyei dima bong hak kep ninghuisi ri.

IMAM NYA IDE MIDYAI 25:7

Nicukti dini bitut mindhe-ndhe di jihyen kep nya kin mindhe-ndhe bigbehei di hek nya di ingat rin ei jide minu cem. Nna ba jiyem kep mun nyeng hagom di hei sindam mikuisi ei sidumti dima hak ug.

IMAM NYA IDE MIDYAI 25:21

Dwai! tuhan minjei mun di kei bak ide dihyei hanjop nsi nya mem ari bingwam gi nimuhwindagom ba, njita ngat ningat nimangti di dem mem ari bingwam nitindur ningai mintun him.

NIBOU NDIG NYA GI NICAN 19:29

Lene Yesaya pai bak nibou ndig Hizkia “Mun di bindo tut nipek kep mem jeti dima hagom rinok gini. Ari bingwam dini kin ari bingwam di nidipti bu mijikos gandum sisron kwei nok njita mem je. Noro hon kep ari bingwam niningai kui mijiyai miai gandum leu api mijikos gandum nitu kwei leu jide beisi nya ba, jita ba anggur kioi leu api jipuk ba anggur ningat ri.