IMAM NYA IDE MIDYAI 24:9 - ALLAH NIHYET MEM TUNGWATU NYA

⁹ Roti dima mem Harun kin nide nintun him yamti di bram yam nya. Suar yoni igyem roti dima ei mpia di kwes lewo roti dima ne roti poi di kwes-kwau leu nibon midut njita nibipai sigyo bak Allahti bou tuhan niyai him pima rin ba, imam nya yongkom he igyem kep roti dima.

IMAM NYA IDE MIDYAI 24:9 ပူးပေါင်းရင်းမြစ်များ

NEHEI LEUSI 27:21

Ma Harun kin nipmot bat nya itin mini njeng dima mem mmunti binjeng kikau ug bipek njap bigyoti ei Prak Meng di dittau kep je eisi. Ma ikes mini njeng nidihim dima bijo bei ban mbrawin nisai ba, Brua Gi Preu cem jo ei sirima ei ban mbrawin nite dima kwei. Suar mben Israel kin ide nintun him yamti di bram yam nya yahagom igyai bit leu nok dicuk nati dini bijo ninno bijo kikau.”

IMAM NYA IDE MIDYAI 10:12

Lene Musa pai bak Harun kin nipmot bat cin di Eleazar Itamar nya “Juug ket njita nibipai sigyo bak Allahti niken lene ma jiba tepun dima bikang roti dwoi bi leu api jiyem roti dima tirigi jiya kui nimbar hum dok lewo njita nitin ei dima kwes-kwau bibor.

IMAM NYA IDE MIDYAI 10:17

“Nggon rino jiyem mikwau leu nibon midut nibiyai nikos ser sisarti pima ei mpia ttou nsi di kwes-kwau bi i? Lewo mikwau dima kwes-kwau bibor. tuhan sok nihyet tut nibon midut dima bak je di mben Israel leu binhyepo jahagom jibiyai nibikos ser jide sisar.

IMAM NYA IDE MIDYAI 21:22

Noro disindui sut ba, noni yem kep njita di leu nibon midut njita nibipai sigyo bak Allahti di kwes kin njita gi nitin eisi di kwes-kwau cem.

IMAM NYA IDE MIDYAI 24:10

Mpe dima lene pinai gom di ningat rin bit mben Israel ei prak meng yati nicig ne mben Mesir lo, nipmem Selomit ne mben Israel di bon nicig ninyeng Dibri di ntun keret Dan him ri.

IMAM NYA IDE MIDYAI 3:17

Harin dima mben Israel igyem kep mindhe dima nimmau kin ninggrom a. Suar yoni kin yo di intun yok him ibit dicuk yokti dini bidem ibongti igwamti bijo ninno bijo kikau.

IMAM NYA IDE MIDYAI 6:11

Lene ma noni juk nide sinsun nibon midut pima leu no ba, juk nide sinsun nitu leu api kon atriem ndung dima ei mben Israel ide prak meng yati dima nisai bicom hagom ei mpia ttou nsi gom di ipigig ser mem tu.

IMAM NYA IDE MIDYAI 6:16

Lene niken mijo mem Harun kin nipmot bat nya bigyem kep. Suar yoni ikang roti di roti ninjep srigsi bi dini bigyem ei mpia ttou nsi gom di kwes-kwau kui Ditde Prak Meng nuhui.

IMAM NYA IDE MIDYAI 6:9

leu binhyepo noni yai nicukti bak Harun kin nipmot bat nya tut gi indig mindhe titut kep hum. Suar ikon mindhe ei nimbar hum dokti ba, indig kep hum mem mmun kikau binjap kep.

IMAM NYA IDE MIDYAI 8:3

Lene ma anduk ditde limwa di mben Israel cem yahagom kwei ba, idem yam ei sirima.”

IMAM NYA IDE MIDYAI 8:31

Lene noni cuk Harun kin nipmot bat nya “Ma jikus domba pima ninghui gom bijikon ba, juug ya kui dimbou ei tuhan De Prak Meng nuhuigya. Lene ma jikwen mikwau dima bijiyem kin roti nibon midut nita imam nyati ei bansiti ei sirima bit leu nok tuhan nicukti.

MALEAKHI 1:12

Noro jingwes pri gau Da tirigi jikan bipia Ditde nimbar hum dok bon ninyeng bi. Ba, jiba jide njita di kinei di jikon eisi bikuk je biDa.

MATIUS 12:4

Mbro nok gino Allah niggai serti cuon ser yok lo, Daud coi ug ei Allah de prak meng nsi ba, noni kin nide limwa nya igyem roti di jo ei Allah Noho bei di suar imam nya yongkom he igyem ke pima.

MARKUS 2:26

Mbro nok gino Puig Yahudi niggai serti cuon ser yok lo, Daud coi ug ei Allah de prak meng nsi tirigi Abyatar yai midyai nok Imam Nibou Ndig ba, noni kin nide limwa nya igyem roti di idis ei Allah Noho bei di imam nya yongkom he igyem kep.”

LUKAS 6:4

Mbro nok gino Puig Yahudi nicukti cuon ser yok lo, Daud coi ug ei Allah de prak meng nsi ba, noni kin nide limwa nya igyem roti di idis ei Allah Noho bei di imam nya yongkom he igyem kep.”

SAMUEL GI NIGOM 21:6

Gima rino imam dima yai roti nibon midut di ipigig sut mem Allah dima bak Daud lewo nide roti hi jo binoni ei ig bei bi. Tut roti pima ne imam kon gima hanyen kwei leu meja di ipigig sut mem Allah lene ba roti nijep-jau biluei bu tu. (