IMAM NYA IDE MIDYAI 24:7 - ALLAH NIHYET MEM TUNGWATU NYA

⁷ Ma jikes biei nggrai di ui-gwang kei ei roti nipuig can pima dip nok mun di bindo tut bipia roti dima ndrim hi leu nibon midut njita nibipai sigyo bak Allahti bou tuhan niyai him.

IMAM NYA IDE MIDYAI 24:7 ပူးပေါင်းရင်းမြစ်များ

NITRITI 9:16

Mpe dino pwet jo nibreisi ei bumbuhuiti lene midingat gima bou diyai him apino midiyok ngon kep gi preu di bit bon ug hon nohonti bi sren di dipreu ei bit nani kin mun di niyaijo nya ei dihyeisi dini hagom.

NEHEI LEUSI 12:14

Ma jiyok ngon kep njap ndig tut nibon midut dini nok mun di pus jingonti tut mun di Da di tuhan dibibon mem je. Suar jiyok ngon kep njap ndig dini bikwop ari bingwam hagom bijo ninno bijo kikau.”

NEHEI LEUSI 13:9

Nibon midut dima mipingok jingonti dem kep nok mun di bindo di jingot kin jinda kin jingwak. Lene nibon midut dima mipus jingonti leu binhyepo jindat kep tuhan niggai serti nya ei juhui him ba, jiku hagom ei jingonti cem lewo tuhan buwak je bijingwes ngun leu minu Mesir tug hon Nide nisindemti di nindig bibor.

NEHEI LEUSI 17:14

Lene tuhan pai bak Musa “Ma apas kep tut jide nibindei timek mben Amalekti pima hagom ei srat gomti leu binhyepo mben Israel ikan kep kikau. Lene apai bak Yosua bipia midicok tut mben Amalek yahagom bingwig.”

NEHEI LEUSI 28:12

Lene noni kes tig permata cin dima ei mas kibiti leu api kon mas kibi dima tut bikes ei sinsun efod nimmam nibijuk ninghatti. Tug hon nisinati dima lene Harun mikon inyeng ei ninghat dip leu binhyepo Da di Allah midiyok ngon kep Ditde limwa nya bikwop mmun-njap.

YESAYA 43:23

Dikak tut midut di jibikuk je biDa ba, dibidip huk je tut biei nggrai di ui-gwang kei bi. Noro jiba jikou bindig domba nya ei nimbar hum dokti lene jiba mun di jibikuk je biDa bikon dinyeng bi.

IMAM NYA IDE MIDYAI 2:1

Gino tungwagom ba nide njita hi nok gandum ngat bikuk no bak tuhan lene ma noni kes gandum dima ei tig gilingti bibon nok tepun. Lene ma noni ttin ampou tut mini zaitun bikiber hi eisi leu api ba biei nggrai di ui-gwang kei poi mien bigimahap nidip.

IMAM NYA IDE MIDYAI 2:2

Lene ma noni yai hagom kwei bak imam di ntun Harun him gom. Lene ma imam dima kam tepun dima bitut mini zaitun kin biei nggrai di ui-gwang kei ei ninda bia bei gom bindig kep hum ei nimbar hum dokti nok mun di bindo bipia no dima yai hagom bak tuhan. Lene tuhan mijoi sut ninghap di ngge kei dima.

IMAM NYA IDE MIDYAI 2:9

Ma imam dima yai roti dima ndrim hi bindig kep hum ei nimbar hum dokti nok mun di bindo bipia no dima yai hagom bak tuhan. Lene tuhan mijoi sut ninghap di ngge kei dima.

YOHANES 6:35

Yesus pai biyok “Dinok roti di bindei ba, tungwatu nya igyai niyaijo nijep. No di bit Da minggum bu bi ba, no di ba ningon com Da minggobiau cem bi.

YOHANES 6:51

Dani ne roti di yai niyaijo nijep di juk kwei leu gwamti ri. No di yem roti dini miyai niyaijo nijep di jo kikau. Roti di diyai binoni ne dinghui rin ba, diyai roti dini bak tungwatu nya leu binhyepo igyai niyaijo nijep.”

KISAH 10:31

Noni pai bida ‘Kornelius e, Allah joi sut na drek dip ade nadi kin ade nisingat tut tungwatu nyati cem. Gima rino Noni tin ei mem birop bina.

KISAH 10:4

Kornelius tou kep malaikati dima nggilun ba, ninghuisi mpig sut lene buhup “Andigpoi e, anggo?” Malaikati dima buhup “Allah joi sut na drek dip ade nadi kin ade nisingat tut tungwatu nyati cem. Gima rino Noni tin ei mem birop bina.

EFESUS 1:6

Jikwei ba, inggei sut Allah di ninyeng jei drek dip nisingat tut nyeti di Noni njei bak nyeni tug hon Nipmot di Noni ningon him ngi-ngat!

IBRANI 7:25

Gima rino Noni sindem mem gima teu tungwatu nya di ikwei kuk yok bak Allah tug hon Noni leu ide sisar biyai niyaijo nijep biyok bijo ninno-bijo kikau lewo Noni niyaijo kikau biya hacan mem yok ei Allah Noho bei.