IMAM NYA IDE MIDYAI 24:6 - ALLAH NIHYET MEM TUNGWATU NYA

⁶ Ma jikes roti dima ei nipuig canti ba, bikwop nipuig can dima bon nide roti nindak muhwindagom di jo simiak yam ei meja dip di jiba mas di kwes binggai ei tuhan De Prak Mengti.

IMAM NYA IDE MIDYAI 24:6 ပူးပေါင်းရင်းမြစ်များ

NIBOU NDIG NYA GI NIGOM 7:48

Nibou Ndig Salomo cuk tukan nya ba, iba mas bibon nimbumbati nindigsi nya mem tuhan De Ig cem. Mun nyeng di iba mas bibon dima yok nimangti rinok gini juug, Nimbar hum dok. Meja di mem roti nibikuk yok bak Allah. Mini njeng di bon nidihim simnai di itas ei Ninsi Di Kwes-Kwau bei nibiho ba, nidihim muhwi jo nite bei mpia nibiho lene nidihim muhwi jo nite bei mpia nijjai. Mitou nya. Mini njeng nika nya. Mun di bindei mu mini nika ninjeng nya. Mok mien di nikrausi joti nya. Bokor mien nya. Srier ngot di mem biei nggrai di ui-gwang kei nya. Srier ngot di mem hum mbom joti nya. Nisibuisi di krau dimbou kin nidihim kin yam ei Ninsi Di Kwes-Kwau kin dimbou heisi mem tuhan De Ig nisai ma kwei cem.

IBRANI 9:2

Tungwatu nya yohok prak meng nindig binok ig ba, ninsi di jo nuhui deni ug rino ijem ninyeng Ninsi Di Kwes. Ikon mini njeng nidihim kin meja tut roti di idis ei Allah Noho bei ei ninsi dima.

NIBOHON MBEN ISRAEL GI NICAN 13:11

Lene imam dima yok indig biei nggrai di ui-gwang kei ba, ibon midut nindig mindhe titut kep humti cem bibikuk yok bak tuhan ba, idis roti nitin ei ei tuhan Noho bei bikwop njap tekti kin mmunti. Lene itin mini njeng nya ba, ikes ei nidihim dip bikwop mmun cem. Nyeni nikrau kep tuhan nicuk nyeti nya kikau yo. Noro jeni ne jiba jinghim bak Noni tu o!

NIBOHON MBEN ISRAEL GI NICAN 4:19

Lene Nibou Ndig Salomo cuk yok ba, iba mas di pimbai kei bibon ndigban nindigsi nya bu mem tuhan De Ig. Ndigban nindigsi di bon bu nya rino nimbar hum dok kin meja mem roti di idis ei tuhan Noho bei,

KORINTUS GI NIGOM 14:40

Ma jinyohou dimig mun di bitut mbusyamei tug hon nisinati di igbit di mbut sindam.

NEHEI LEUSI 39:36

kin meja bitut nimbumbati nya hagom kin roti di ipigig sut ei mem Allah,

NEHEMIA 10:33

Minitin ei mun di imam nya isuar mem ibibon njap nibon midut nya ei tuhan De Ig. Mun dima yok ne roti di idis ei tuhan Noho bei kin njita mem nibon midut nibipai sigyo bak Allahti di indig ei nimbar hum dokti bak Noni bikwop njap-njap kin mun di isuar mem midut di ibon kep Njap Nigwam Kep Ninghuisi kin midut di ibon kep Bed Jep kin midut nindigsi nya kin mindhe-ndhe di indig ei nimbar hum dokti mem midut nibiyai nikos ser sisarti cem rin ba, nirop ninda ndigsi ne mun nyeng di isuar mem tuhan De Ig hagom.

YEHEZKIEL 41:22

Nanaisi dem meter gom biniken lene ninyanti dem meter gom. Iba biei bibon nuhuisi kin nikiou kin nitta nya. No dima pai bida, “Gini ne meja di jo ei tuhan Noho bei di bindo bipia Noni ningat rin ei mpia dini.”

NEHEI LEUSI 25:30

Ma akon meja dini ei Brua Gi Preu nuhuia. Lene akes roti di adimig ei mem imam nya ibikuk yok biDa eisi bijo kikau.”

NEHEMIA 10:34

Nye di limwa nya kin imam nya kin Lewi nya minikus bit bikwop ari bingwam ba, nibinggok tut keret di tou rima mirop biei mui mem indig mindhe-ndhe kep hum ei nimbar hum dokti bak nyende tuhan Allah bit leu Nide nikos tutti pai binyeti.