IMAM NYA IDE MIDYAI 24:5 - ALLAH NIHYET MEM TUNGWATU NYA

⁵ Ma jiba tepun di kei bibor kilo simnaibrimigcan bibon roti nindak simnaibrimigcan ba, nindak gom nibuhunti kilo gom ngat bibikwop nok.

IMAM NYA IDE MIDYAI 24:5 ပူးပေါင်းရင်းမြစ်များ

NIBOU NDIG NYA GI NIGOM 18:31

Noni bei tig nindig nindak simnaibrimigcan. Tig nindak gom mem bibikwop Yakub po tuhan jem ninyeng Israel pima nipmot bat nya lene nok.

NIBOHON MBEN ISRAEL GI NIGOM 23:29

Inyeng tak kep midyai nikang roti di ide limwa nya ibikuk yok bak Allahti kin tepun di mem nibon midut njita nibipai sigyo bak Allahti cem roti di dile bibor di roti njep srigsi bi cem roti mem nibon midut nindigsi nya cem tepun di ibisrig mini zaitunti cem. Suar iba kilo mun di mben Israel ikwas tut tuhan ba, ibakilo mun di ikon bittei ug ei tuhan De Ig cem.

NIBOHON MBEN ISRAEL GI NIGOM 9:32

Kehat nide bat nya yahagom yahati tut midyai nikang roti nindak nya di itin ei mem tuhan bikwop Njap Nigwam Kep Ninghuisi.

NIBOHON MBEN ISRAEL GI NICAN 13:11

Lene imam dima yok indig biei nggrai di ui-gwang kei ba, ibon midut nindig mindhe titut kep humti cem bibikuk yok bak tuhan ba, idis roti nitin ei ei tuhan Noho bei bikwop njap tekti kin mmunti. Lene itin mini njeng nya ba, ikes ei nidihim dip bikwop mmun cem. Nyeni nikrau kep tuhan nicuk nyeti nya kikau yo. Noro jeni ne jiba jinghim bak Noni tu o!

NEHEMIA 10:33

Minitin ei mun di imam nya isuar mem ibibon njap nibon midut nya ei tuhan De Ig. Mun dima yok ne roti di idis ei tuhan Noho bei kin njita mem nibon midut nibipai sigyo bak Allahti di indig ei nimbar hum dokti bak Noni bikwop njap-njap kin mun di isuar mem midut di ibon kep Njap Nigwam Kep Ninghuisi kin midut di ibon kep Bed Jep kin midut nindigsi nya kin mindhe-ndhe di indig ei nimbar hum dokti mem midut nibiyai nikos ser sisarti cem rin ba, nirop ninda ndigsi ne mun nyeng di isuar mem tuhan De Ig hagom.

NEHEMIA 10:34

Nye di limwa nya kin imam nya kin Lewi nya minikus bit bikwop ari bingwam ba, nibinggok tut keret di tou rima mirop biei mui mem indig mindhe-ndhe kep hum ei nimbar hum dokti bak nyende tuhan Allah bit leu Nide nikos tutti pai binyeti.

NEHEI LEUSI 25:30

Ma akon meja dini ei Brua Gi Preu nuhuia. Lene akes roti di adimig ei mem imam nya ibikuk yok biDa eisi bijo kikau.”

NEHEI LEUSI 39:36

kin meja bitut nimbumbati nya hagom kin roti di ipigig sut ei mem Allah,

NEHEI LEUSI 40:23

Lene ikon roti di ipigig sut ei mem tuhan bikes ei meja dip bit leu nok tuhan nicukti.

NEHEI LEUSI 40:4

Lene akon meja kwei bitut nimbumbati di joti nya ba, akes eisi. Lene akon mini njeng nidihim kwei ba, acim nide ninjeng mbrei nya eisi.

MBEN ISRAEL IMBUT-MBUT NYEN 4:7

Suar yoni ingig minyahas nidri kep meja roti nitin ei mem tuhan dip. Lene ikes den di igyem njita eisi kin srier di indig biei nggrai di ui-gwang kei eisi kin srier mem munkwas kin dibijig di mem ba anggur ngei di ikwas ei dip. Noro ma roti di ipigig sut ei mem tuhan jo kikau ei meja dima dip.

MATIUS 12:4

Mbro nok gino Allah niggai serti cuon ser yok lo, Daud coi ug ei Allah de prak meng nsi ba, noni kin nide limwa nya igyem roti di jo ei Allah Noho bei di suar imam nya yongkom he igyem ke pima.

KISAH 26:7

Nyende pung di nintun him ibou simnaibrimigcan ikuk yok bak Allah bikwop mmun-njap ba, igyok ingon mem mun di Noni preu ei mem yok. Na di Andigpoi e, mben Yahudi ipai da kinei drek dip mun di Allah preu ei mem nye.

IBRANI 9:2

Tungwatu nya yohok prak meng nindig binok ig ba, ninsi di jo nuhui deni ug rino ijem ninyeng Ninsi Di Kwes. Ikon mini njeng nidihim kin meja tut roti di idis ei Allah Noho bei ei ninsi dima.

YAKOBUS 1:1

Srat dini leu da di Yakobus. Dani ne awak mem Allah kin Tuhan Yesus Kristus ri. Ba, srat dini mem Allah de limwa nya di intek gimahap ug ei dihyei nisurti-nipekti hagom. Dipigo jahagom.

SAMUEL GI NIGOM 21:6

Gima rino imam dima yai roti nibon midut di ipigig sut mem Allah dima bak Daud lewo nide roti hi jo binoni ei ig bei bi. Tut roti pima ne imam kon gima hanyen kwei leu meja di ipigig sut mem Allah lene ba roti nijep-jau biluei bu tu. (

SAMUEL GI NIGOM 21:7

Njap dima ne Doeg di nok nibou mem yo di ighyen kep Saul de mindhe-ndhe nya ningat rin ei mpia dima mem gima bit midut di yai kep ngan-ngan tu gom. No dini nitimieisi leu Edom.)