IMAM NYA IDE MIDYAI 23:40 - ALLAH NIHYET MEM TUNGWATU NYA

⁴⁰ Njap gi nigom lene ma jipuk biei ngat di kei bibor kei leu api ma jitot dui meng kin biei nda di nimeng nggrou nindigsi nya hagom kwei leu binhyepo jibinggei sut Da di tuhan lewo dinok jide Allah.

IMAM NYA IDE MIDYAI 23:40 ပူးပေါင်းရင်းမြစ်များ

NINGAT-HI-NGAT NYA 7:9

Gima ngwig leu lene dingat tungwatu ningot ndig krop di idem yam ei ba, bit bon hi kwop imangti kan bi. Yo dini ikwei leu keret nya kin minu nya kin nihyet nya kin mben nya hagom. Ijuk sinsun ndok di jei di tiei kei bikrau dui meng ei indati ba, yahagom igya keyam ei banggo mbrei nuhui bitou kep Domba Pmot Noho bei nggilun.

FILIPI 4:4

Handei kon ba, jingon llei bibor bikwop mmun-njap drek dip jide ninok gom kin Tuhanti. Ditigtai je mbigom kin bu “Ma jingon llei bibor!”

ROMA 5:11

Lene gima he bi lewo ingon llei sut Allah nisingat tut nyeti di tug hon ide Tuhan Yesus Kristus lewo Noni bindei ba, Allah jem nisut bit nye.

YOHANES 16:22

Nok gima tut jeni. Nogindini jingon buhun noro midikwei ngat je hanyen bu leu api mijiyai ningon llei biborti. Bit bon hi pos jide ningon llei biborti dima hanyen leu je kan bi.

YOHANES 12:13

Gima rino itot dui meng bittei leu binhyepo ibiya um Noni. Yahara “Jikwei ba, inggei sut Allah o! Allah njei mun di kei bak No di kwei tug hon Nonti ninyeng o! Allah e, anjei mun di kei bak Nibou Ndig di mben Israel ide o!”

MATIUS 21:8

Tungwatu ningot ndig ingig ide sinsun ndok di jei kak simpak bibingon nok kwo ngig mem nimbutti ba, nindigsi nya itot mpam meng kwei bingig kak simpak bu.

YESAYA 35:10

Yo di tuhan kwek yok tu nya mimbos-hi-mbos tirigi ingkwei hanyen kwei ei minu ndig Yerusalem. Yahagom iimaisi sieng-siau kei lewo ingon nggei-hi-nggei. Yahagom ingon llei bibor ba, ingon nggan-triot cem. Ningon ngguk biborti kin ningon buhun biborti cut leu yok bihigom tu.

PETRUS GI NIGOM 1:8

Mbro nok gino jingat Noni bou jiyai him kwei bipek ammani kep bigyo lo, jingon ngakei Noni. Mbro nok gino jingat Noni bou jiyai him mem nijam dini bi lo, jingon jo kep Noni. Gima rino jingon llei lewo jingon nggei-hi-nngei bibor ba, bit bon jipai sut ei juhui him bi.

FILIPI 3:3

Lewo nyeni icoi ei midut sunat di nijitti tu noro yoni ne bi. Lewo ikuk nye bak Allah tug hon Allah Ninnei di mpu nyeni ba, ingon llei sut ide ninok gom kin Kristus Yesusti ba, iba ingon com nibon midut ningkek dip nya bi.

YESAYA 66:10

Je di jingon ngakei minu ndig Yerusalem e, ma jiyai nillei bit. Je di jingon ngguk tut minu ndig dima e, nogindini ma jingon nggei-hi-nggei.

MAZMUR 92:12

Dingat ditde siceu nya di ikiju kep da di ihwen da icut bou diyai him. Dimiap tut ingon kanti di kinei di ikos tut mem dani cem tu.

IMAM NYA IDE MIDYAI 23:39

Gima rino tirigi jike jide gandum nintam bingwig leu su lene ug ei njap gi nisimnaimuhwidip ei bed gi nimuhwindacan ma jibon njap ndig gom kin bu kikau mem mmun-njap muhwindacan. Njap gi nigom kin njap gi nimuhwindaningai lene suar jigwam kep jinghuisi.

IMAM NYA IDE MIDYAI 23:41

Njap ndig dini mbut mem mmun-njap muhwindacan. Suar jide nintun him yamti di bram yam nya igyok ngon kep dicuk jeti dini bijo ninno bijo kikau.

NINDAT KEP TUHAN NICUKTI NYA 12:7

Ma jeni kin jimunggwom bat nya jiyem pesta kep ba, jillei ngwig sut jide midyai di jinda jo kep nya ei tuhan di nok jide Allah Noho bei ei minu ttou nsi gom dima. Lewo Noni singat tut je nindig bibor.

MAZMUR 137:2

Nisreu nyende nggong mbrei nya hak ei biei gandarusa ninda nya leu ba, nikek bu bi.

YESAYA 44:4

Yoni miyehei nok minta di nnum kei di hei igbit ninnumti kin biei gandarusa di hei ei mam bei cem.

NINDAT KEP TUHAN NICUKTI NYA 12:12

Ma jeni kin jimunggwom bat nya kin jide awak nya kin yo di intun Lewi him di ibong ei jide minu nya jahagom jingon llei sut yam ei minu ttou nsi gom dima ei tuhan di nok jide Allah Noho bei. Lene ma jiyok ngon kep bipia yo di intun Lewi him nya ima ide dihyei hanjop nsi hi mem yonti bi.