IMAM NYA IDE MIDYAI 23:3 - ALLAH NIHYET MEM TUNGWATU NYA

³ Ma jiyai kep jide midyai nya ei njap nitindur muhwindagom. Lene ma jiyok ngon kep bipia njap gi nimuhwindacan ne Njap Nigwam Kep Ninghuisi mem gima jigwam kep jinghuisi ri. Harin dima jiyai kep jide midyai nya mem njap dima a. Noro ma jinduk yam ei bijikuk je ei Doho bei. Njap gi nimuhwindacan nok Ditde njap mem je ei jibong kepti nya hagom.

IMAM NYA IDE MIDYAI 23:3 ပူးပေါင်းရင်းမြစ်များ

NEHEI LEUSI 16:23

Lene noni pai biyok “Suar jipiga njap di hyep binok njap di kwes-kwau bit leu nok tuhan nicuk jeti tu. Njap di ammani ne ma jikang njita ba, jikwen hi bit leu jingon kanti. Lene jibet nindigsi ei mem njap di hyep bu.”

NEHEI LEUSI 16:29

Ma je di mben Israel jiyok ngon kep bipia Da di tuhan dindo njap gom mem gima jigwam kep jinghuisi. Gima rino midiyai njita bije nok gi dem mem njap nitindur can ei njap gi nimuhwindagom. Suar jahagom jigwam hak ei jide prak meng yati hak mem njap gi nimuhwindacan ba, juug ei nisai au.”

NEHEI LEUSI 16:30

Gima rino mben Israel igyai kep midyai nya mem njap gi nimuhwindacan bi sren.

NEHEI LEUSI 23:12

Ma jiyai kep jide midyai mem njap nitindur muhwindagom lene jikes jinda tut midyai dima mem njap gi nimuhwindacan ba, jigwam kep jinghuisi. Leu binhyepo mibon nituti mem jide mindhe-ndhe nya kin jide awak nya kin ngkiai nya di igyai midyai bit je ba, yahagom igwam kep inghuisi bit je.

NEHEI LEUSI 34:21

Diyai njap nitindur muhwindagom bije mem gima jiyai kep jide midyai nya eisi. Noro ma jiyai kep jide midyai nya nok miai di jiyai kin gandum di jike mem njap gi nimuhwindacan au.

YESAYA 56:2

Dinjei mun di kei bak yo di ikrau kep Njap Nigwam Kep Ninghuisi di ibindei ba, map kui njap dimati bi. Midibibon yo di ibon mun di kinei bi nya nok gi kei.”

YESAYA 56:6

tuhan pai bak ngkiai nya di icoi bit tuhan de limwa nya imangti kin yo di ingon ngakei tuhan kin yo di ikuk yok biNoni kin yo di ikrau kep Njap Nigwam Kep Ninghuisi kin yo di iba ingon gom bikrau kep Nide gi preu ei mem yokti cem,

YESAYA 58:13

tuhan pai “Ma jahati tut Njap Nigwam Kep Ninghuisi nok njap di kwes-kwau. Ma jinyohou dimig mun di bitut jenti mem njap dima au. Jibindei ba, njap dima bon ninyeng mem je. Ma jinggei sut tuhan de njap dima tug hon gi jimbut ei minu ting cem jiyai kep jide midyai nya cem jimbrap tut mun di ugwai-gwai nya cem au.

IMAM NYA IDE MIDYAI 19:3

Suar jeni bikwop tungwagom-gom kuk no bak nicig bat nipmem bat nya bibit ighyet. Suar jikes tut Njap Nigwam Kep Ninghuisi ei mem Da bit leu nok dicuk jeti tu. Dani ne tuhan bidinok jide Allah ri.

LUKAS 13:14

Nibou mbusyamei ningon sibui sut Yesus di bindei ba, sop dima kei hanyen mem Njap Nigwam Kep Ninghuisi. Gima rino noni pai bak yo di idem yam ei dima “Nyeni igyai kikep ide midyai nya mem las gom kikau ug bipek las muhwindagom. Gima rino ma jikwei yai gi kei hanyen mem njap ngot dima noro ma jikwei yai gi kei hanyen mem Njap Nigwam Kep Ninghuisi au!”

LUKAS 23:56

Yoni ingkwei hanyen ug ei ide ig leu api itin ei mpam di ui-gwang kei kin mini mbris mem ibihwen nimai ngut. Noro ibong kep inghuisi mem Njap Nigwam Kep Ninghuisi bit leu nok Puig Yahudi nicuk yoti.

KISAH 15:21

Lewo nibou nya ikwop kep Puig Yahudi nicukti ei jide ig mbusyamei hagom bikwop Njap Nigwam Kep Ninghuisi leu nipou kikau kwei bipek ammani kep bitri tut nihyet dima nggi minu cem.”

NINGAT-HI-NGAT NYA 1:10

Allah Ninnei bie tut da mem njap nigwam ninghuisi. Ba, dimiap nihyet nindig bibor ei dinghim dip di nok pun mbrei nugwei bong di tibim.