IMAM NYA IDE MIDYAI 23:1 - ALLAH NIHYET MEM TUNGWATU NYA

¹ Lene tuhan pai ningon kanti bak Musa,

IMAM NYA IDE MIDYAI 23:1 ပူးပေါင်းရင်းမြစ်များ

NIBOHON MBEN ISRAEL GI NIGOM 23:31

bikwop nituti dino ibon midut nindig mindhe titut kep humti bak tuhan ei Njap Nigwam Kep Ninghuisi cem njap Bed Jep kin nibon midut nindigsi nya cem. Yo di intun keret Lewi him inyeng tak kep midyai dima yok hagom bikwop njap ba, ibuhup tut nikos tutti dino suar igyai kep midyai dima bijo ninno bijo kikau.

NIBOHON MBEN ISRAEL GI NICAN 2:4

Nogindini diyok dingon mem gima dingot ig gom pijum mem gima dibikuk da bak ditde tuhan Allah eisi ba, mem gima nibikon ninyeng cem. Midiya tut ditde limwa nya ba, nikuk nye bak Allah eisi. Lene nibindig biei nggrai di ui-gwang kei nya ba, niba roti di nidis ei tuhan Noho bei bikuk nye bak Noni cem bikwop njap ngwa hagom. Minibon midut nindig mindhe titut kep humti bikwop njap tekti kin mmunti ba, bikwop Njap Nigwam Kep Ninghuisi kin njap nibon midut Bed Jep kin njap di bon ninyeng nindigsi nya cem bak tuhan ei ig dimati leu binhyepo nibikuk nye bak nyende tuhan Allah eisi. Lewo nyende tuhan Allah cuk nye di mben Israel tut gima leu binhyepo nibindei mbut nibon midut dima yok bijo ninno bijo kikau.

NIBOHON MBEN ISRAEL GI NICAN 8:13

Mindhe di noni kwas bindig kep hum ei nimbar hum dokti mem gima mben Israel ibikuk yok bak tuhan dima bibit leu Nikos Tutti di tug hon Musa mem bikwop njap nindig nya. Nok Njap Nigwam Kep Ninghuisi kin Njap Ndig Nibon Midut Bed Jep kin midut ningat ningai di ibon bibikwop ari bingwam. Njap dima ne Njap Ndig Nibon Midut Roti Dwoi Bi kin Njap Ndig Nibon Midut Nike Gandum Kui Ig kin Njap Ndig Nibon Midut Ig Jibei Mpam Meng ri.

YESAYA 1:13

Jittei mun di jibikuk je biDa dima mikui-kausi. Ninghap bindei ba, dingon him wei bibor. Diyai ngkek ttin ser jide njap ndig Bed Jep kin Njap Nigwam Kep Ninghuisi bitut jide njap ndig di jibon midut nindigsi nya cem. Jide sisar bindei ba, map kui njap dima hagomti tu.

YEHEZKIEL 44:24

Gino ingon buhun tut yam tut munhyet di bitut ide nikos tutti nya lene suar ikwam minggwen bit yam ser munhyet dima bit leu Ditde niggai serti nya di jo tu nipaisi. Suar ibon pesta nibikuk yok biDati nya bibit leu Ditde nicukti kin Ditde nikos tutti di jo tu nipaisi. Lene ma idimig Njap Nigwam Kep Ninghuisi nok njap di kwes pijum ei mem Da.

YEHEZKIEL 45:17

Suar noni rima pek mindhe-ndhe nimuhup tu mem midut nindig mindhe titut kep humti kin gandum mem midut njita nibipai sigyo bak Allahti kin midut nisiber anggur ngei ei tuhan Noho bei mem mben Israel yahagom ei njap ndig nya kin midut Njap Ndig Bed Jep kin midut Njap Nigwam Kep Ninghuisi nya kin njap ndig nindigsi nya. Noni rima mikwas mindhe-ndhe dima mem midut nibiyai nikos ser sisarti kin midut njita nibipai sigyo bak Allahti kin midut nindig mindhe titut kep humti kin midut nibiyai ningon kwes kin Allahti tut Allah leu binhyepo bahara Noni mem gima kos ser mben Israel ide sisar.”

YEHEZKIEL 46:11

Bikwop njap di ibon pesta kin njap ndig nya lene suar ikwas gandum dem liter simnaimuhwidip brimigtehican biniken ba, ibikrau kin sapi nikre ningut gom-gom kin domba nikre ningut gom-gom. Lene suar ikwas gandum nimangti bit leu ingon kanti mem ibikrau kin domba pmot mem midut dima. Suar ikwas mini zaitun ningei dem liter ningai bibikrau kin bikwop gandum nibibon midut dima.

IMAM NYA IDE MIDYAI 22:33

Diteu je bijingwes ngun leu minu Mesir leu binhyepo dinok jide Allah. Dani ne tuhan ri.”

IMAM NYA IDE MIDYAI 23:2

tut njap tto bou mem gima ibon midut njap ndig nya di bon nituti mem mben Israel induk yam ei bikuk yok ei tuhan Noho bei.

IMAM NYA IDE MIDYAI 23:44

Gima rino Musa kes tuhan nihyet bak mben Israel leu binhyepo igyai nibon midut njap ndig nya hagom kan ba, ibinggei sut tuhan.

MBEN ISRAEL IMBUT-MBUT NYEN 15:3

Ma jiba sapi nikre kin domba nikre kin domba pmot nikre kin kambir bikuk je bak tuhan mem nibon midut nindig mindhe titut kep hum kin nibon midut nibigo nehengti kin nibon midut nikwas mun mikuisi tut Allahti kin nibon midut di jibon kikep ngan-nganti nya. Lene mikwau di jindig dima ngge kei bipwoi tuhan ningona.

GALATIA 4:10

Jidimig njap ngon bou kin bed ngon bou kin ari bingwam ngon bou hagom ei nok ngon bou di bon ninyeng mem je.

KOLOSE 2:16

Gima rino ma jisindui sut tungwatu nya ba, iba ighyet biyai je drek dip njita di jiyem kin ndia ngei di jidut kin njap nindig nya kin pesta di jibon kep bed jep nya kin Njap Nigwam Kep Ninghuisi au.