IMAM NYA IDE MIDYAI 22:21 - ALLAH NIHYET MEM TUNGWATU NYA

²¹ Gino tungwagom jem mindhe di ibui kep nibon midut nibiyai ningon kwes kin Allahti bit leu nipreu ei mem tuhanti ba, bit leu nijoi sutti cem lene suar noni jem mindhe di kei di bon nibok-bati bi leu binhyepo tuhan ningon cut hon.

IMAM NYA IDE MIDYAI 22:21 ပူးပေါင်းရင်းမြစ်များ

MBEN ISRAEL IMBUT-MBUT NYEN 15:8

Gino mindhe pima ne sapi nikre mem nibon midut nindig mindhe titut kep hum kin nibon midut nibigo gau nipreu mun ei mem Allah kin nibon midut nibiyai ningon kwes kin tuhan cem rin,

MBEN ISRAEL IMBUT-MBUT NYEN 15:3

Ma jiba sapi nikre kin domba nikre kin domba pmot nikre kin kambir bikuk je bak tuhan mem nibon midut nindig mindhe titut kep hum kin nibon midut nibigo nehengti kin nibon midut nikwas mun mikuisi tut Allahti kin nibon midut di jibon kikep ngan-nganti nya. Lene mikwau di jindig dima ngge kei bipwoi tuhan ningona.

IMAM NYA IDE MIDYAI 3:6

Gino tungwagom ba domba e, he kambir ningut gom e, bikuk no bak tug hon nibon midut nibiyai ningon kwes kin Allahti lene ma mindhe dima bok-ba au.

IMAM NYA IDE MIDYAI 3:1

Tirigi tungwagom ba sapi ningut gom bikuk no bak tug hon nibon midut nibiyai ningon kwes kin Allahti lene ma noni jem nikre e, he niwek di bok-ba bi e, kwei.

NIPINGOK NINGONTI 7:14

“Njap di ammani ne dibon midut nibiyai ningon kwes kin Allah ba, dibindig mindhe ei humti bidipwoi mikwau niken kwei ei ig bei tu.

MAZMUR 50:14

Ma jibon midut nibipai sigyo bak Allah ba, jiyai bipek kep mun di jipreu ei bak No Di Ninyeng Jei.

NITRITI 28:20

Lene noni heng bipai “Gino na di tuhan anyohou da ba, aya ser da kak dimbutti dini ba, ayai njita kin sinsun hi bida,

NEHEI LEUSI 35:29

Bikwop yo di ingon huk niti yahagom ipwoi mun di ikwas tut tuhan kwei leu binhyepo tukan nya iba mun di ikwas dima biyai midyai bit leu nok tuhan nicuk Musati tu.

IMAM NYA IDE MIDYAI 22:22

Ma jijem mindhe di niyai tu kin gi nimig dahat kin gi bok-ba kin gi buhwei com di nuom kuisi kin gi ninggwenti hwen ningkek dip kin kudis yem ba, jibikuk je bak tuhan au. Ma jiba mindhe di nok gima bikuk je bak Tuhan tug hon nibon midut njita nibipai sigyo bak Allahti au.