IMAM NYA IDE MIDYAI 22:18 - ALLAH NIHYET MEM TUNGWATU NYA

¹⁸ bipai sut nicukti dini yok bak Harun kin nimunggwom bat nya kin mben Israel yahagom. Gino mben Israel gom kin ngkiai gom di bong timiei ei mben Israel ikieti cem jem mindhe di ibui kep nibon midut nindig mindhe titut kep humti bit leu nipreu ei mem tuhanti ba, bit leu nijoi sutti lene suar noni jem mindhe nikre kwei,

IMAM NYA IDE MIDYAI 22:18 ပူးပေါင်းရင်းမြစ်များ

NIBOHON MBEN ISRAEL GI NICAN 31:14

Ikon Kore di Yimna nipmot bindo midyai bak leu binhyepo su ninda mem munkwas di ibikuk yok bak tuhan biyok hagom keyam. Leu api mikwas tut tungwatu nya bu. Kore ntun keret Lewi him ba, noni rinok nibou mem yo di igya ser Dimbou Pmem Nite Bei Mpia Nipriti.

MAZMUR 116:14

Midiyai mun di dipreu ei mem Noni ei Nide limwa nya yahagom yoho bei.

MAZMUR 116:18

Midiyai mun di dipreu sut ei bak tuhan ei nide limwa nya yahagom yoho bei,

MAZMUR 22:25

Allah ningwes pri gau yo di yuhui mbum nya biningkek ndok tut mun di buhun tak yok lene ba ningha bak yoni cem bi. Noro tirigi yahara Noni lene Noni buhup ighyet.

MAZMUR 56:12

Diba dingon com Noni apino digittin tut tungwatu nya bi. Lewo isindem mem ibibon da kinei kan bi.

MAZMUR 61:5

Asindui sut ba, digwam bit Na ei Ade prak meng bijo kikau mem nijam di diyaijo ei dihyeisi dini bidigwam coi anyehei behei.

MAZMUR 61:8

Dijoi sut gima ninyeng tak kep limwa nya bijo ninno-bijo kikau ba, noni nok Ade nibou ndig di adimig ei su. Aba angon ngakeisi kin angon gomti binyohou noni.

MAZMUR 65:1

Doia Daud mem no di bie tut doia nimpung.

MAZMUR 66:13

Midijem mindhe mem midut nindig mindhe titut ei humti kwei ei Ade Ig ba, dibiyai mun bipek kep mun di dipreu ei mem Na nipou su.

NEHEI LEUSI 12:5

Lene suar jidimig domba di nide njap ug ei ari bingwam gom tu di bon nibokti kin nikruakti bi.

NIBA NINGON SRIP HUKTI 5:4

Gino apreu ei mem bi ne gima kei dor njiriek gino apreu ei mem leu api ayai mun bipek kep apreu eisi dima bi a.

IMAM NYA IDE MIDYAI 1:10

Gino tungwagom ba nide domba ningut gom e, he kambir ningut gom e, bikuk no bak tuhan lene ma noni dimig nikre di bok-ba bi.

IMAM NYA IDE MIDYAI 1:2

leu binhyepo mben Israel ibit hagom. Gino tungwagom ba nide mindhe bikuk no bak tuhan bindig titut kep hum ei nimbar hum dokti lene ma noni jem ningut gom leu nide sapi kin domba kin kambir nya kwei.

IMAM NYA IDE MIDYAI 17:10

Gino mben Israel gom e, he ngkiai gom di bong timiei ei mben Israel ikieti e, yem mikwau di ninggrom huisi lene tuhan mikes hukum ei no dima dip. Ma jibibon no dima tereu nok no di nggre kin Allah de limwa bu bi.

IMAM NYA IDE MIDYAI 17:13

Gino mben Israel gom e, he ngkiai gom di bong timiei ei mben Israel ikieti kat ha kin mindhe-ndhe hiter cem di dipigig ser bi lene suar no dima bindei hei mindhe dima ninggrom ei dihyeisi leu api tig dihyei kep.

IMAM NYA IDE MIDYAI 22:17

Lene tuhan cuk Musa,

IMAM NYA IDE MIDYAI 23:38

Njap ndig dini yok ter leu jide Njap Nigwam Kep Ninghuisi nya. Nibon midut dini yok ter leu mindhe-ndhe nya di jibui biDa bikwop njap-njap kin mun di jipreu ei mem Da tug hon neheng kin mun di jiyai biDa mikuisi.

IMAM NYA IDE MIDYAI 7:16

Gino tungwagom jem nide mindhe kwei mem nibon midut nibiyai ningon kwes kin Allahti drek dip mun di noni preu ei tug hon gi heng ba, yai mikuisi cem lo, noni yem kep mikwau dima hagom mem njap di imam bui mikwau dima bindig kep hum bingwig bigyo leu api yem niken mem njap di hyep bu lene dem.

AMOS 4:5

Nnaba jikwas roti nok mun di jibikuk je biDa tirigi jipai sigyo hanyen tut Da hak ug. Nnaba jinsi bbet tut gi jipai mijikum ei mun di jibikuk je biDati hak ug. Jo nibreisi bipia jingon llei sut jide midyai dima!

YUNUS 1:16

Hon kep gima rino timiei kibar nsi nya ittin tuhan nindig bibor apino tirigi yuug krau mam bei lene ibui mindhe tut ninggrom bibikuk yok biNoni leu api igyai mun bit leu nok ipreu sut ei mem Noni.

YUNUS 2:9

Noro midipai doia ba, dibinggei sut Na bidibui mindhe tut ninggrom ei Aho bei bidiyai igbit mun di dipreu ei mem Na hagom cem. Nani ne tuhan di teu tungwatu nya leu mun di buhun tak yok ri!”

NAHUM 1:15

Angat i! Dipinak tungwagom di kak puig ei nungug him kwei ba, mikwei sut nihyet di kei. Nihyet di kei dima bindei timek siceu nya. Timiei minu Yehuda e, ma jibon midut kep jide njap ndig ba, jigo jide nitto ei mem Allahti. Yo di isibut nya minyeng tak kep jide minu bu bi. Lewo itimek bingwig bibor bihigom tu.

MALEAKHI 1:14

Midisigion niris mun cig di nyeng tut nide mindhe di pap-nap kei bibor di noni bet ei mem Da noro ris lene ba mindhe di kinei bibor biluei bu leu api ttei gima mem bikuk no biDa! Lewo Dani ne Nibou Ndig Di Dinyeng Jei ba, mben dihyeisi dini hagom inggei sut Da.”

MBEN ISRAEL IMBUT-MBUT NYEN 15:3

Ma jiba sapi nikre kin domba nikre kin domba pmot nikre kin kambir bikuk je bak tuhan mem nibon midut nindig mindhe titut kep hum kin nibon midut nibigo nehengti kin nibon midut nikwas mun mikuisi tut Allahti kin nibon midut di jibon kikep ngan-nganti nya. Lene mikwau di jindig dima ngge kei bipwoi tuhan ningona.

KISAH 18:18

Gima ngwig lene Paulus bong ei minu ndig Korintus mem bed poi. Leu api noni kes yo di ingon jo kep nya leu lene bri kibar minyei bit Priskila kin Akwila nya biba kibar bitot minyei ngwa dip bingkwei hanyen ug ei hanjop Siria. Noro nipou tirigi noni bri kibar minyei ei minu mien Kengkrea bigyo lene noni kak nibou nta di bet bijei drek dip nipreu mun ei mem Allahti.

NINDAT KEP TUHAN NICUKTI NYA 12:17

Ma jiyem mun di jipigig sut ei mem tuhan ei jide biyati kin jide minu au. Nok jide gandum kin ba anggur ningei kin mini zaitun di jikwas gom leu ningot gom lene nok kin mun di jihyen kep nipmot bou nya cem mun di jipreu ei mem tuhan nipou su kin mindhe-ndhe di jikwas tut Noni mikuisi kin mun nyeng hiter di jikwas.

NINDAT KEP TUHAN NICUKTI NYA 12:6

Ma jibui mindhe-ndhe nya bijindig kep hum ei nimbar hum dokti. Ma jibui mindhe-ndhe nya tug hon nibon midut nindigsi nya leu api ma jikwas gom leu ningot gom, gom leu ningot gom lene nok. Ma jikwas mitiei nindigsi kin mun di jipreu ei mem tuhan nipou su kin jide mun di jihyen kep nya nipmot bou nya tut tuhan ei minu ttou nsi gom ngat dima he.

NINDAT KEP TUHAN NICUKTI NYA 16:10

leu api jibon midut Njap Ndig Nike Gandumti mem gima jibikon jide tuhan Allah ninyenga. Njap dima lene ma jittei mun di jibikuk je bak tuhan bit leu jijoi sutti bak Noni dem kep mun di kei di tuhan yai di binyohou jiyaisi nimangti.