IMAM NYA IDE MIDYAI 22:13 - ALLAH NIHYET MEM TUNGWATU NYA

¹³ Noro tut nipmisop di wer kibom tu kin gi hi di nijjep kes ei di bon nimunggwom hi bi di ngkwei hanyen bibong bit nicig ei nide ig ba, nicig ninyeng tak kep lene disindui sut ba, yem njita nikwas di je di imam jima bou je dima ug. Jide ig bei nsi nya he rima igyem njita nikwas dima.

IMAM NYA IDE MIDYAI 22:13 ပူးပေါင်းရင်းမြစ်များ

NITRITI 38:11

Lene Yehuda pai bak nignyot “Nna ba angkwei hanyen ug ei acig de ig bei ba, anok sop kibom sri bibou dipmot Syela mahan ug e.” Noni pai bitak kep nok lewo kan “Mpaba tuhan mikes hukum ei Syela cem dip bimai hak bit leu nok nikindig bat cin pima e?” Lene Tamar ngkwei hanyen bibong bit nide bat nya.

EZRA 2:63

Nibou hanjop Yehuda di ninyeng jei gom ggai ser yok apino igiyem njita di imam nindigsi ikwas tut yam di ibui mem gima ibikuk yok bak Allah bi ug a. Lene nok gima kikau bibou imam gom hig ser tuhan tut ba, tuhan buhup nihyet tug hon Urim kin Tumim nipou ug e.

NEHEI LEUSI 12:43

Lene tuhan pai bak Musa kin Harun “Ditri tut nicukti tut Njap Ndig Paskah nok gini. Harin dima ngkiai di ibit je igyem domba nghui di jibui bijindig kep hum mem Njap Ndig Paskah a.

NEHEI LEUSI 29:33

Igyem mun di indig kep hum ei nimbar hum dokti mem nibon midut nibiyai nikos ser sisarti pima tirigi ata Harun nok imam. Apigig ser mun di indig kep hum nok gima ei ba, imam nya yongkom igyem kep.

YEHEZKIEL 44:8

Yongkom he rino ibon kep midut di kwes-kwau nya ei Ditde Ig bi noro isindui sut ba, ngkiai nya rino ibon kep midut dima yok a.

IMAM NYA IDE MIDYAI 10:14

Lene Noni sindui sut gima jeni kin jide bat nya jahagom jiyem mindhe ningget kin nindimuhum di nok mun di bon ninyeng mem Noni di Noni yai hanyen bak imam nya. Ma jiyem mikwau dima kui mpia ttou nsi di kwes-kwau he. Mikwau dima ne mun di tuhan yai leu mben Israel ide nibon midut nibiyai ningon kwes kin Allahti rin ba, yai hanyen bak jeni kin jimunggwom bat nya leu binhyepo jima nok jide.

IMAM NYA IDE MIDYAI 22:10

Ma je di imam kin jide ig bei nsi nya he jiyem njita di limwa nya ikwas pijum tut Dani. Harin dima hiter kin no di bong bit jeni kin no di tug ndei nimuhup tug hon midyai di yai mem jeni igyem njita nikwas dima a.

IMAM NYA IDE MIDYAI 22:12

Harin dima imam nipmisop di wak tungwagom di nok imam bi yem njita nikwas dima a.

NINDAT KEP TUHAN NICUKTI NYA 24:2

Lene ei nidipti bu hiter wak sop dima.

SAMUEL GI NIGOM 21:7

Njap dima ne Doeg di nok nibou mem yo di ighyen kep Saul de mindhe-ndhe nya ningat rin ei mpia dima mem gima bit midut di yai kep ngan-ngan tu gom. No dini nitimieisi leu Edom.)