IMAM NYA IDE MIDYAI 20:8 - ALLAH NIHYET MEM TUNGWATU NYA

⁸ Ma jibit dicuk jeti nya lewo Dani ne tuhan rin ba, dinyeng tak kep jeni pijum.”

IMAM NYA IDE MIDYAI 20:8 ပူးပေါင်းရင်းမြစ်များ

NEHEI LEUSI 31:13

bak mben Israel bipai “Ma jidimig jide njap gi nimuhwindacan ei leu binhyepo jigwam kep jinghuisi bit leu nok dicuk jeti tu. Njap dima ne njap nibiyok ngon kep ei mben Israel kin Dani nikieti bijo ninno bijo kikau ri. Leu binhyepo mijo nibreisi mem je bipia Dani ne tuhan rin ba, dinyeng tak kep je bijinok Ditde limwa nya.

YEHEZKIEL 20:12

Dicuk yok leu binhyepo igyok ngon kep Njap Nigwam Kep Ninghuisi di bindo tut gi preu di dipreu ei mem yok. Lewo gima bisok kep yok leu binhyepo igyok ngon kep bipia Da di tuhan didimig yok pijum ei mem Da.

YEHEZKIEL 37:28

Tirigi diwin Ditde Ig di jo ninno bijo kikau ei ikieti lene mijo nibreisi mem ngkiai nya yahagom bipia Da di tuhan didimig mben Israel ei ba, inok Ditde limwa nya.”

IMAM NYA IDE MIDYAI 19:19

Suar jibit dihyet hagom. Harin dima jikes mindhe-ndhe di ter leu yam nya bit yam bipri gau yam a. Harin dima jindim ningan ninyeng can ei miai ngoisi gom a. Harin dima jijuk sinsun di iba mong ninyeng can binap ei jeti a.

IMAM NYA IDE MIDYAI 19:37

Suar jibit Ditde nicukti nya kin dikos tutti nya lewo Dani ne tuhan ri.”

IMAM NYA IDE MIDYAI 20:26

Didimig jeni leu mben hiter nya ikieti leu binhyepo dijem je bou Da nok Ditde. Suar jingon kwes lewo Dani ne tuhan rin ba, dikwes-kwau.

IMAM NYA IDE MIDYAI 21:8

Suar mben Israel igyok ngon kep bipia dinyeng tak kep imam pijum lewo noni nyohou dimig nibon midut njita nibipai sigyo bak Allahti bou diyai him. Dani ne tuhan ri. Dani dingon kwes ba, dibindei Ditde limwa nya cem ingon kwes.

IMAM NYA IDE MIDYAI 22:32

Ma jibimangkrei dinyeng di kwes-kwau au. Suar mben Israel yahagom ikuk yok bak Dani nok Allah Di Kwes-Kwau. Dani ne tuhan rin ba, dibindei jingon kwes.

MATIUS 12:50

Lewo no di yai igbit Dicig ei gwamti ningon kanti ne dikinjoi kin dikwohop kin dipmem ri.”

MATIUS 23:17

Jingon mbum ba, jiyai tu! Gi tou ribon ninyeng i? Mas e, he Tuhan De Ig di bindei ba, mas dima kwes e?

MATIUS 5:19

Gima rino no di pigau niggai serti dima poi mien leu api ngginau hiter cem tut nok migwam ei nohon keti ei Allah Ninyeng Tak Kepti. Noro no di bit niggai serti dima bingginau hiter cem tut nok miyai ninyeng di jei bibor ei Allah Ninyeng Tak Kepti.

MATIUS 7:24

“Bikwop no di miap kep dihyet bibit hagom lene no dima dem kep tukan di ningon ki di ngot ig ei tig di nok cou nipmem dip.

YOHANES 13:17

Gino jingon dorti tut dihyet dini hagom bijibit lene jingon nggei-hi-nggei.

KORINTUS GI NIGOM 1:30

Allah Nonti bindei ba, jinok gom kin Kristus Yesus. Igyai ningon kiti tug hon Kristus cem tu. Allah bindei ba, igyai ingon di kwes kin Noni tug hon Kristus ba, inok Nide limwa di ingon kwes-kwau nya ba, Noni kwek nye leu ide sisar cem tu.

TESALONIKA GI NIGOM 5:23

Handei kon ba, Allah di bindei ba, ibong kei igwam kei yai jingon kwes-kwau. Handei kon ba, Noni nyohou jenti njem bitut jinnei kin jingon kin jingut leu binhyepo mun di kinei hi rap je bi ei mpe dino ide Tuhan Yesus Kristus kwei hanyen.

TESALONIKA GI NICAN 2:13

Disut bat jen, suar nijem sigyo bak Allah bikwop njap-njap tut je dino Allah ningon ngakei je. Lewo Noni dimig je ei leu binhyepo jiyai niteu leu sisarti kin niyaijo nijep bibie mem nindigsi nya tug hon Allah Ninnei de nisindemti di bibon je bijinok Nide limwa di ingon kwes nya bijiba jingon com nihyet di nijit.

YAKOBUS 1:22

Suar jibit Allah nicuk jeti lene ma jimiap kep nicuk jeti he au. Leu gi nok lene jiris jenti hak ug.

NINGAT-HI-NGAT NYA 22:14

Yo di itot ide sinsun bipwoi kei dima ingon nggei-hi-nggei apino icoi kak dimbou hui ug ei minu ndig dima ba, idem mem gima igyem kep biei di bindei bigyai niyaijo ningat a.