IMAM NYA IDE MIDYAI 20:5 - ALLAH NIHYET MEM TUNGWATU NYA

⁵ lene Danti midikes hukum nimai ei noni dip bitut nide ig bei nsi nya kin yo di itti kin noni yahagom di iba inghim bak Dani leu ba, ikuk yok bak kwar Molokh. Midibibon yoni nok yo di inggre kin Ditde limwa nya bu bi.

IMAM NYA IDE MIDYAI 20:5 ပူးပေါင်းရင်းမြစ်များ

NIBOHON MBEN ISRAEL GI NICAN 21:11

Apino noni win mpia di ikuk yok bak kwar eisi nya ei nungug him ei minu Yehuda ug a. Apino gima bindei dino timiei Yehuda kin timiei Yerusalem nya ibon sisar tut tuhan.

MAZMUR 106:39

Ibon munti dima yok bindei ba, map kui yoti. Ingon gom tut Allah bi.

NEHEI LEUSI 20:5

Harin dima jikuk je bak kwar nya a. Lewo Dani ne tuhan ba, dinok jide Allah rin ba, dikou sut kwar di tungwatu nya ikuk yok bak nya. Mem yo di ingon kinei sut Da lene midikes hukum ei yok dip kikau ug bipek imunggwom bat nya kin ignyon bat-idrot bat nya kikau ug bipek ide nintun him yamti di bram yam nya nimpung gi niningai kin nibitai bu.

YEREMIA 3:2

Jikon jibou bijimian kui ug ei mbigdip ninggram him nya! Ba, jingat mpia di tou rino juug ei di jicut ei sisar nikrar kep yamti bigyo i? Jiyai munti dima dem kep mben Arab ei iggum ndigsi. Jigwam sir puig ninghas bijimem kep ser no di kwei yem njita tut sop di nikrar jut. Jibindei ba, map kui minu dini tug hon jide nicut ei sisar niyem njita tut sop hiterti kin jide nibon mun di kinei biborti cem.

YEREMIA 32:39

Midibindei ba, ikos tut ingon kanti gom ngat. Ingon kanti gom ngat di ikos tut dima rino ibou cut bak Dani bijo ninno bijo kikau. Ide nikos tutti dima mibindei ba, mun di kei mipek kep mem yonti kin ide nintun him yamti di bram yam nya yo.

YEREMIA 44:11

Gima rino Da di tuhan Di Disindem Bibor di Allah Israel midihwen je bidibindei timek minu Yehuda titut yam.

HOSEA 2:13

Midikes hukum ei noni dip bit leu njap ngwa hagom di noni ndig biei nggrai di ui-gwang kei bak Baal lene ba nide mas kin perak bimau nonti buhuk bram pinai di cut tut noni. Da di tuhan disimbot dat tu.”

HOSEA 2:5

Jipmem ne sop di nikrar jut di kan nimmaisi bi ri. Noni pai ‘Suug ngat pinai di icut tut sa nya leu binhyepo siyem njita ba, sidut ndia ngei bit yok. Leu api yoni migyai minyahas wol kin linen kin mini zaitun kin ba anggur ngei bisa.’

IMAM NYA IDE MIDYAI 17:10

Gino mben Israel gom e, he ngkiai gom di bong timiei ei mben Israel ikieti e, yem mikwau di ninggrom huisi lene tuhan mikes hukum ei no dima dip. Ma jibibon no dima tereu nok no di nggre kin Allah de limwa bu bi.

IMAM NYA IDE MIDYAI 17:7

Suar mben Israel igyai ingon gom bak tuhan kikau lene ma ibui mindhe-ndhe ei ngoi dumti nya mem ibikuk yok bak nung di isibut nya au. Suar ibit nicukti dima bijo ninno bijo kikau.

IMAM NYA IDE MIDYAI 20:4

Gino limwa nya iba igyai ngat no dima niyai munti ba, ikes hukum nimai ei noni dip bi,

IMAM NYA IDE MIDYAI 20:6

Tungwa tou rino bisau ndam no di nung kui di mbrap kep bit nimai ngwes nya igkei ba, no mbrap bit nimai ngwes hi lene midikes hukum ei noni dip ba, midibibon noni nok no di nggre kin Ditde limwa nya bu bi.