IMAM NYA IDE MIDYAI 20:26 - ALLAH NIHYET MEM TUNGWATU NYA

²⁶ Didimig jeni leu mben hiter nya ikieti leu binhyepo dijem je bou Da nok Ditde. Suar jingon kwes lewo Dani ne tuhan rin ba, dikwes-kwau.

IMAM NYA IDE MIDYAI 20:26 ပူးပေါင်းရင်းမြစ်များ

IMAM NYA IDE MIDYAI 20:7

Ma jinyohou jingon kwesti lewo Dani ne tuhan ba, jide Allah ri.

IMAM NYA IDE MIDYAI 20:24

Dipreu kep jeni tut minu di bon ninnumti di kei bibor dima tu. Ba, diyai dihyei dima bije ba, jima bou je nok jide. Dani ne tuhan ba, jide Allah rin ba, didimig jeni bijo ter leu ngkiai nya ikieti.

TITUS 2:14

Noni kes niyaisi ei mem nye biteu nye leu sisar ninyeng hagom leu api biyai ingon di kwes kin Noni cem inok Nide limwa di ijem iceu bit Nongkom he cem ba, ibrim ingkek mem igyai munti di kei bibor nya.

IMAM NYA IDE MIDYAI 19:2

mben Israel “Suar jingon kwes-kwau lewo Dani ne tuhan bidinok jide Allah rin ba, dingon kwes-kwau.

NINDAT KEP TUHAN NICUKTI NYA 7:6

Ma jiyai gini hagom igbit lewo tuhan di nok jide Allah ninyeng tak kep je. Noni dimig je leu mben dihyeisi dini hagom leu binhyepo jinok Nide mben di ningon kieti.

NINDAT KEP TUHAN NICUKTI NYA 14:2

Jide tuhan Allah ninyeng tak kep je. Noni mbus jengkom bijinok Nide limwa nya leu mben nindigsi di ingat rin ei dihyei njek dip dini hagom.”

YESAYA 6:3

Lene yahagom ighyet kui yam bipai, “tuhan Di Sindem Bibor kwes-kwau o! Kwes-kwau o! Kwes-kwau o! Dihyeisi dini mpung tut nikei-kau-keisi o.”

NINGAT-HI-NGAT NYA 4:8

Mindhe ningut bitai dima ibon inyehei nya muhwindagom bikwop yok ba, igyai njep mang bibor ntun him bei inyehei nya kin ingkek dip cem. Ipai doia bikwop mmun-njap ba, ikes ighyet tut bi sren. Doia di ipai dima “Allah di Sindem Bibor kwes-kwau o kwes-kwau o kwes-kwau o! Noni ningat rin ammani kin annani lene mikwei hanyen yo cem!”

NINGAT-HI-NGAT NYA 3:7

“Apas srat dini bak malaikati di buhup tut mbusyamei ei minu ndig Filadelfia. Nipas kepti dini kwei leu No di kwes-kwau di ningon gom. Noni krau kusin di Daud krau. Gino Noni kau dimbou ne bit bon hi nggam mbou hanyen kan bi. Gino Noni nggam mbou ne bit bon hi kau dimbou dima hanyen kan bi.

MAZMUR 99:9

Ma jikon ide tuhan Allah ninyeng bijo anai. Jikuk je biNoni ei Nide mbigdip di Noni dimig ei mem Nonti lewo ide tuhan Allah ningon kwes-kwau.

MAZMUR 99:5

Jikwei ba, ikon ide tuhan Allah ninyeng bijo nai ba, ikuk nye ei Nide banggo mbrei nuhui. Noni kwes-kwau!

YESAYA 30:11

Ma jitti bileu ba, jikak puig hiter leu. Ma jiba mben Israel ide Allah di kwes-kwau bindin nye bu au.”

NEHEI LEUSI 33:16

Gino abit nye bi lene ngkiai nya mikan tut gino ajoi sut dani kin ditde limwa dini yok bi. Gino angat rin ei nyeni nikieti lene yo dima mikan tut bipia nyeni ter leu mben nindigsi bidem dihyei nisurti-nipekti hagom.”

YOSUA 24:19

Lene Yosua pai biyok “Krop kei mem jikuk je bak Noni bi. Suar jiba jingon titut bibit nihyet lewo Noni ningon sren-srau. Bit bon Noni kos ser jide sisar dino,

IMAM NYA IDE MIDYAI 11:44

Dani ne tuhan bidinok jide Allah ri. Gima rino suar jikinding jenti bijikwes-kwau lewo Dani dikwes-kwau.

IMAM NYA IDE MIDYAI 20:8

Ma jibit dicuk jeti nya lewo Dani ne tuhan rin ba, dinyeng tak kep jeni pijum.”

NEHEMIA 10:29

nahagom nibicom yam bit nyende nibou nya ba, nahagom niba neheng bipreu ei mem gima niba nyeni niyai munti nya bibit Allah Nicukti di niyai tug hon Nide awak di Musa. Gino niyai bipek kep mun di nipreu sut ei Allah Noho bei dini bi lene ma Noni sigion nye hak ug. Nyeni niba neheng bice tut mem gima nibit nyende tuhan Allah nicuk nyeti nya kin Nide nikos tutti nya kin ningginau nyeti nya hagom.