IMAM NYA IDE MIDYAI 20:2 - ALLAH NIHYET MEM TUNGWATU NYA

² bipai sut nicukti dini bak mben Israel, “Bikwop no di leu jikieti kin ngkiai nya di ibong timiei ei jikieti cem di bui nimunggwom di ndig kep hum bikuk no bak kwar Molokh lene suar limwa nya yahagom iba tig bihwen bimai hak ug.

IMAM NYA IDE MIDYAI 20:2 ပူးပေါင်းရင်းမြစ်များ

NIBOU NDIG NYA GI NIGOM 11:7

Noni win mpia ttou nsi gom mem ide kwar Kamos di mben Moab ikuk yok bak ide kwar kin mpia ttou nsi ei mbigdip gom ei minu ndig Yerusalem nite bei mpia nipriti mem Molokh di mben Amon ide kwar cem. Kwar cin dima bindei ba, nide limwa nya ingon him muwei sut.

NIBOU NDIG NYA GI NICAN 17:17

Iba imunggwom bat nya di idat bindig kep hum ei nimbar hum dokti bikuk yok bak kwar nya cem. Ita ibou ei niyai nisindemti di bindei ba, ikan tut mimun nya tug hon gi yuug ngat yo di nung kui yok di imbrap bit ninnei di kinei nya leu binhyepo ninnei dima yok indo ingon kanti biyok. Ibrim ingkek mem mun nyeng mang bibor di bindei ba, tuhan ningon kei sut yok bi.

NIBOU NDIG NYA GI NICAN 23:10

Noni bindei ba, map kui Tofet ei Mbang Briep Hinom di nok mpia di mem ibon midut bak kwar Molokh eisi ser nhyepo hi ndig nimunggwom kep hum eisi bak kwar dima bu bi.

NIBOHON MBEN ISRAEL GI NICAN 28:3

bindig biei nggrai di ui-gwang kei ei Mbang Briep Hinom cem. Noni bui nonti nipmot bindig ei nimbar hum dokti ba, bikuk no bak kwar nya. Bon nok gima ba, bibit leu yo po tuhan jji yok leu minu Kanaan pima ibon kepti di kinei bibor nya. tuhan jji yok mpe di po mben Israel icoi bikieng kep minu Kanaan.

NIBOHON MBEN ISRAEL GI NICAN 33:6

Noni bui munggwom nide nya bikes bak kwar nya ei Mbang Briep Hinom dem kep nok mun di ibui bindig titut ei nimbar hum dokti ba, brim ningkek mem nung nya igyai kepti nya kin nipui mun tut nibirop hanyenti tug hon ham mpia-bbed him ba, bikan huk mun di ingat bou igyai him bi nya binggok tut ninnei di sibut nya leu binhyepo indo bindo binoni cem. Manasye bindei ba, tuhan gga bibor tug hon nide sisar nindig bibor di noni bibon tut tuhan.

MAZMUR 106:38

Isiber imunggwom bat nya di ibon mun tunggwei bi nya inggrom bindig yok kep hum ei nimbar hum dokti bak kwar nya. Igyaisi dima ribindei di map kui minu dimati a.

YEREMIA 32:35

Ba, iwin nimbar hum dok nya mem ibikuk yok bak Baal ei Mbang Briep Hinom bibui munggwom di ide nya bindig ei nimbar hum dokti dima yok ba, ibikuk yok bak Kwar Molokh. Digicuk yok mem gima ibon sisar di kinei bibor dima ba, ibindei dino ide limwa di mben Yehuda nya cem ibon sisar dima bi sren. Dikan-kan nyenti di nok gima hi jo dibou ngwakti bi sren.”

YEREMIA 7:31

Ba, ibon nimbar hum dok Tofet ei Mbang Briep Hinom leu binhyepo indig imunggwom bat nya tut igyai noha kep hum eisi. Dicuk yok tut nibon munti dima bi ba, ningon kanti dima jo dibou ngwakti cem bi sren.

YEHEZKIEL 20:26

Disindui sut ba, ibindei bimap kui yokti tug hon ide midut di indig ei nimbar hum dokti nya. Ba, ibui ide munggwom pinai mighumbou nya bindig yok ei nimbar hum dokti bak ide kwar di ikuk yok bak nya. Dikes hukum ei yok dip tug hon nisinati dima leu binhyepo ikan tut bipia Ide tuhan riDani.

YEHEZKIEL 20:31

Jibindei ba, map kui jeti tug hon midut nikwas mun tut Da kin midut nindig jimunggwom bat nya ei nimbar hum dokti bak kwar di jikuk je bak cem kikau kwei bipek njap di ammani kep. Leu api jibrim jingkek kep da bijihig ser Da tut dingon kanti mem jeni e? Dipai tug hon Da di Allah di niyaijo kin tuhan Di Ninyeng Jei Bibor dinyeng bipia midice tut gima jahara da bidindo puig bije bi.

YEHEZKIEL 23:37

Icut ei sisar nicut tut yamti ba, ibiyai nimai bak tungwatu nya. Icut tut kwar nya di ikuk yok bak ba, ibiyai nimai bak munggwom nya di igyai biDa cem tu. Iba munggwom dima yok bibon midut nindig yok ei nimbar hum dokti bak ide kwar di ikuk yok bak nya.

YEHEZKIEL 23:39

Lene njap di igyai nimai bak imunggwom bat nya di igyai biDa pima ba, indig ingut ei nimbar hum dokti bak ide kwar nya di ikuk yok bak pima rino nikindig-nikinjoi nya dima ikwei ei Ditde Ig bibindei ba, map kuisi!

IMAM NYA IDE MIDYAI 17:13

Gino mben Israel gom e, he ngkiai gom di bong timiei ei mben Israel ikieti kat ha kin mindhe-ndhe hiter cem di dipigig ser bi lene suar no dima bindei hei mindhe dima ninggrom ei dihyeisi leu api tig dihyei kep.

IMAM NYA IDE MIDYAI 17:15

Bikwop mben Israel gom e, he ngkiai gom e, di yem mindhe di nonti mai ei ninghui kin mindhe di mai drek dip mindhe di niten-pos di ttem ninghui lene suar no dima tot nide sinsun bikek minyeti tut. Suar noni gwam kikau ug bipek mpia nicutti kep leu api map kui noti bu bi.

IMAM NYA IDE MIDYAI 17:8

Gino mben Israel gom e, he ngkiai gom di bong timiei ei mben Israel ikieti e, ikwas mindhe mem nibon midut nindig mindhe kep humti kin nibon midut hiterti cem,

IMAM NYA IDE MIDYAI 18:21

Harin dima akes amunggwom bat hi ei mem gima ibui ba, ibikuk yok bak kwar Molokh a. Lewo nibon munti dima binim kep tuhan di nok jide Allah ninyenga.

IMAM NYA IDE MIDYAI 20:1

tuhan cuk Musa,

IMAM NYA IDE MIDYAI 20:27

Bikwop pinai kin sop tou rimbrap bit njungwes lene suar jiba tig bihwen no dima bimai kep. No dima mai drek dip nonti niyai mun tunggweisi dima.”

IMAM NYA IDE MIDYAI 24:14

“Ma abuwak no dima ug ei prak meng yati nisai lene suar bikwop yo di imiap nisigionti pima yahagom ikes inda ei no dima nibou nggram him dip nok bindo di bindo bipia no dima bon mun tunggwei su. Leu api suar limwa nya yahagom iba tig bihwen noni bimai hak.

IMAM NYA IDE MIDYAI 24:16

tug ndei hukum nimai. Bikwop tungwa tou rino sigion tuhan lene suar limwa Israel yahagom iba tig bihwen bimai hak. Hukum dima micut igkep mben Israel kin ngkiai nya di ibong timiei ei Israel yahagom drek dip ide nisigion tuhanti.

IMAM NYA IDE MIDYAI 24:23

Lene tirigi Musa tri tut nihyet dima bak mben Israel leu su lene yoni ibuwak no di sigion Allah pima ug ei prak meng yati nisai leu api iba tig bihwen noni bimai. Tug hon nisinati dima lene mben Israel ibit tuhan nicuk Musati tu.

KISAH 7:43

Jibiang prak meng di jibikuk je bak jide kwar Molokh eisi kin ham Refan di nok jide kwar cem ba, jibibon kwar dima yok hagom bou jinda him mem jikuk je bak. Gima rino midicom je ug ei jingkiaisi njiriek minu Babel.’

NINDAT KEP TUHAN NICUKTI NYA 12:31

Ma jikuk je bak tuhan di nok jide Allah bit leu nok yoni ikuk yok bak ide nung nyati au. Lewo tirigi ikuk yok bak ide nung nya lene igyai munti nya kinei bibor bibindei ba, tuhan ningon mpo tut yok. Mbenjen! Indig imunggwom bat nya tut igyai noha kep hum ei ide nimbar hum dokti!

NINDAT KEP TUHAN NICUKTI NYA 17:2

Tirigino jimiap tut bipia bihi no ibon sisar tut jide tuhan Allah ei minu ndig gom drek dip gi igyai mun tunggwei Nide nipreu ei mem jeti,

NINDAT KEP TUHAN NICUKTI NYA 18:10

Ma tungwa hi kwas nimunggwom bat nya nok mun di ibui bindig kep hum ei nimbar hum dokti au. Ma hi bon midut nikrau kep nihyet di dut ba, hi ninda dut ba, hi ba seig ngei bipijuk tungwatu nya ba,

NINDAT KEP TUHAN NICUKTI NYA 21:21

Leu api suar timiei minu ndig dima iba tig bihwen munggwom dima kikau bimai ug. Tug hon nisinati dima mijicok tut mun di kinei dima leu jikieti. Apino limwa mben Israel mimiap tut mun di cut igkep no dima ba, yahagom ittin tut.”

NINDAT KEP TUHAN NICUKTI NYA 22:21

lene suar ibuwak sop dima ug ei nide ndigpoi ide dimbou hui a. Suar ndigpoi nya leu minu dima iba tig bihwen noni ei mpia dima kikau bimai hak. Sop dima bibon mun di biyai nimmai bak ide mben tug hon niyem njita tut pinaisi mem nijam di noni bong bit nide ndigpoi nipou tirigi wak nijjep bigyo. Tug hon nisinati dima mijicok tut sisar di kinei dima leu jikieti.