Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




IMAM NYA IDE MIDYAI 2:4 - ALLAH NIHYET MEM TUNGWATU NYA

4 Gino tungwagom ba roti di noni kang ei komforti bikuk no bak tuhan lene ma roti ninjep srig tepunti au. Gino noni ba roti nindak bikuk no bak lene ma mini zaitun srigsi. Gino noni ba roti dile bikuk no bak lene ma noni ba mini zaitun bibijos nidip.

အခန်းကိုကြည့်ပါ။ ကော်ပီ




IMAM NYA IDE MIDYAI 2:4
21 ပူးပေါင်းရင်းမြစ်များ  

Ayai tepun di kei-kau di roti ninjep srigsi bi kin mini zaitun ba, abikang roti nindak poi. Lene abikang gi hi di mini zaitun joti bi nindak hi kin bu. Lene akang tepun niken nok roti di nyop leu api aba mini zaitun bidip.


Sapi dima yok yahap iji dem kep nok mindhe singa di yau-yau nyen bittem da.


Noni bon sisar bi sren biris bak tungwatu nya bi sren.


Gima rino ma jicom sisar hagom leu je hak ug. Ma jiris yam cem jingon can cem jingon kinei sut yam cem jipai yam kinei cem bu au.


Yesus dem mem gima yai midyai nok Imam Nibou Ndig biya hacan mem nye lewo ningon kwes-kwau cem yai mun tunggwei bibon sisar hi bi cem ba, kes dihyei di kinei dini ei leu api Allah kon Noni bikui njiriek mpia-bbed him.


“Dingon buhun bidipai mindei bu i? Dipai ‘Arig e, ma anyohou Da ser nhyema jam dima cut igkep Da bi e?’ Noro dikwei ei dihyeisi dini leu binhyepo jam di ttau kwei sut ninghuisi wei dima cut igkep Da.


No di Allah cuk kwei tri tut nihyet di kwei leu Allah lewo Allah kes Nonti Ninnei titut yam ei ningonti.


Gima rino Noni pai biyok “Dingon buhun bibor bidikan bipia dimai ug ri. Ma jigwam nyahan ei mpia dini bijiyai ngkiem ser Da.”


tuhan pai “No dini ne Ditde awak rin ba, dahati tut noni bididimig noni ei cem ba, dingat dingwes ei noniti. Midikes dinnei ei noni dip leu api noni mitri tut ningon sren-srausi bak ngkiai nya gom-gom ei dihyeisi dini hagom.


Lene Musa pai bak Harun kin nipmot bat cin di Eleazar Itamar nya “Juug ket njita nibipai sigyo bak Allahti niken lene ma jiba tepun dima bikang roti dwoi bi leu api jiyem roti dima tirigi jiya kui nimbar hum dok lewo njita nitin ei dima kwes-kwau bibor.


bipai “Suar imam nya ikwen mindhe di ibui mem midut nibiyai nikos ser sisarti kin mindhe di ibui mem midut nikum Allah de ningwamti ba, iba gandum bibon midut njita nibitin ei cem ei sirima. Igyai nok gima leu binhyepo ittei mun di kwes-kwau dima ninghui poi mien biyuug sut ug ei mpia di jo bas hak gi nisai bi. Leu gima bindei ba, limwa nya ingget biyuum mun di buhun.”


tuhan Di Ninyeng Jei Bibor sindem tut da bidimig da lene cuk da kwei cem leu binhyepo ditri tut nihyet di kei bak yo di yuhui mbum nya ba, diwin kep yo di ingon ngguk bibor nya ingonti. Ditri tut bak awak nya bipia igyati kwes. Bak yo di isima ei ig bui nsi bipia yehei bimbut bihigom.


Gino tungwagom mipai sigyo hanyen tug hon nibon midut dini lene ma noni jem mindhe ningut gom bitut roti di roti ninjep srigsi bi kwei. Roti dima ne roti nindak di mini zaitun srigsi kin roti di dile di noni ba mini zaitun bibijos nidip kin roti nyop di mini zaitun srigsi cem.


Ma roti ninjep srig tepunti au. Lewo tuhan yai njita dini bak imam nya nok ide. Roti dini kwes-kwau bibor ba, noyam kin nibon midut nibiyai nikos ser sisarti kin nibon midut nibikum Allah de ningwam.


Lene ma no dima bui mindhe dima ei nimbar hum dok nite bei mpia nijjai. Lene ma imam nya yehek ninggrom bibiprok nimbar hum dok nitta bitaisi.


Mben Israel ijem njita dima ninyeng manna. Manna ninjek dip kep-kau ba, tirigi igyem lene ui-gwang kei dem kep nok roti di ahwei lon ngei srigsi.


Suar yahagom ibam mikwau dima mem mmun dima bigyem kin simeng di mpo kin roti di dwoi bi.


Suar noni ba tepun kin mini zaitun di roti ninjep srigsi bi bikang roti di kimor kin roti di dile di ba mini zaitun bidip leu api yok hagom ei bansi gomti kwei. Bitut gima lene ma noni pwoi mun di imam suar mem nibon midut njita nibipai sigyo bak Allahti kin nibon midut nisiber mini zaitun ei tuhan Noho bei cem kwei.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ