IMAM NYA IDE MIDYAI 2:10 - ALLAH NIHYET MEM TUNGWATU NYA

¹⁰ Lene roti niken mijo mem imam nya bigyem. Njita dima kwes-kwau lewo imam pigig sut ei mem tuhan.

IMAM NYA IDE MIDYAI 2:10 ပူးပေါင်းရင်းမြစ်များ

NIBOHON MBEN ISRAEL GI NICAN 31:14

Ikon Kore di Yimna nipmot bindo midyai bak leu binhyepo su ninda mem munkwas di ibikuk yok bak tuhan biyok hagom keyam. Leu api mikwas tut tungwatu nya bu. Kore ntun keret Lewi him ba, noni rinok nibou mem yo di igya ser Dimbou Pmem Nite Bei Mpia Nipriti.

EZRA 2:63

Nibou hanjop Yehuda di ninyeng jei gom ggai ser yok apino igiyem njita di imam nindigsi ikwas tut yam di ibui mem gima ibikuk yok bak Allah bi ug a. Lene nok gima kikau bibou imam gom hig ser tuhan tut ba, tuhan buhup nihyet tug hon Urim kin Tumim nipou ug e.

YEHEZKIEL 44:29

Suar itug ndei mun di bahati tut yok tug hon midut njita nibipai sigyo bak Allahti kin midut nibiyai nikos ser sisarti kin midut nibikum Allah de ningwamti di ibon mem mben Israel bitut mun nyeng hagom di ide limwa nya ikwas pijum tut Da. Ba, gima yok hagom ne ide mun di bahati tut yok ri.

YEHEZKIEL 46:20

bipai “Suar imam nya ikwen mindhe di ibui mem midut nibiyai nikos ser sisarti kin mindhe di ibui mem midut nikum Allah de ningwamti ba, iba gandum bibon midut njita nibitin ei cem ei sirima. Igyai nok gima leu binhyepo ittei mun di kwes-kwau dima ninghui poi mien biyuug sut ug ei mpia di jo bas hak gi nisai bi. Leu gima bindei ba, limwa nya ingget biyuum mun di buhun.”

IMAM NYA IDE MIDYAI 10:12

Lene Musa pai bak Harun kin nipmot bat cin di Eleazar Itamar nya “Juug ket njita nibipai sigyo bak Allahti niken lene ma jiba tepun dima bikang roti dwoi bi leu api jiyem roti dima tirigi jiya kui nimbar hum dok lewo njita nitin ei dima kwes-kwau bibor.

IMAM NYA IDE MIDYAI 14:13

Lene ma imam dima bui domba pima ei mpia ttou nsi di kwes di ibui mindhe mem nibon midut nibiyai nikos ser sisarti kin nibon midut nindig mindhe titut kep humti eisi. Suar noni yai nok gima lewo mindhe di mem nibon midut nibikum Allah de ningwam kwes-kwau bibor noyam kin mindhe mem nibon midut nibiyai nikos ser sisarti pima lene ninghui mijo mem imam nya igyem.

IMAM NYA IDE MIDYAI 2:3

Lene njita dima niken mijo mem imam nya igyem kep. Njita dima kwes-kwau lewo imam dima pigig sut ei mem tuhan.

IMAM NYA IDE MIDYAI 21:22

Noro disindui sut ba, noni yem kep njita di leu nibon midut njita nibipai sigyo bak Allahti di kwes kin njita gi nitin eisi di kwes-kwau cem.

IMAM NYA IDE MIDYAI 5:13

Gima rino imam dima mibon midut leu binhyepo tuhan mikos ser no dima nide sisar. Lene ma tepun niken jo mem imam nya igyem kep bit leu nok gi po tuhan nicukti tut gandum ngat di indig kep hum pima.

IMAM NYA IDE MIDYAI 6:16

Lene niken mijo mem Harun kin nipmot bat nya bigyem kep. Suar yoni ikang roti di roti ninjep srigsi bi dini bigyem ei mpia ttou nsi gom di kwes-kwau kui Ditde Prak Meng nuhui.

IMAM NYA IDE MIDYAI 6:23

Harin dima imam nya igyem kep roti di yoni igyai bak tuhan dini a. Noro ma indig hagom kep hum.

IMAM NYA IDE MIDYAI 6:9

leu binhyepo noni yai nicukti bak Harun kin nipmot bat nya tut gi indig mindhe titut kep hum. Suar ikon mindhe ei nimbar hum dokti ba, indig kep hum mem mmun kikau binjap kep.

IMAM NYA IDE MIDYAI 7:7

Nicukti tut nibon midut nibiyai nikos ser sisarti kin nicukti tut nibon midut nibikum Allah de ningwam hacem noyam. Ma imam di bon midut dini hacem ma mikwau dima biyem kep.

MBEN ISRAEL IMBUT-MBUT NYEN 18:9

Munkwas di kwes-kwau nya mem nibon midut njita nibipai sigyo bak Allahti kin nibon midut nibiyai nikos ser sisarti kin nibon midut nibikum tuhan de ningwam cem di indig ei nimbar hum dokti bi pima lene nani kin apmot bat nya jima bou je nok jide.

SAMUEL GI NIGOM 2:28

Didimig nide keret leu keret mben Israel nindigsi nya hagom ei leu binhyepo igyai kep midyai nok imam mem Da ba, igya kui nimbar hum dok ba, indig kep biei nggrai di ui-gwang kei ba, ijuk sinsun efod gi bindo tut dingon kanti cem. Lene disindui sut yok bigyai mikwau ninghui ninggriet gom leu bikwop mindhe di tungwatu nya ijem kwei mem nibon midut nindig kep hum ei nimbar hum dokti hagom.