IMAM NYA IDE MIDYAI 2:1 - ALLAH NIHYET MEM TUNGWATU NYA

¹ Gino tungwagom ba nide njita hi nok gandum ngat bikuk no bak tuhan lene ma noni kes gandum dima ei tig gilingti bibon nok tepun. Lene ma noni ttin ampou tut mini zaitun bikiber hi eisi leu api ba biei nggrai di ui-gwang kei poi mien bigimahap nidip.

IMAM NYA IDE MIDYAI 2:1 ပူးပေါင်းရင်းမြစ်များ

NEHEI LEUSI 29:2

Ayai tepun di kei-kau di roti ninjep srigsi bi kin mini zaitun ba, abikang roti nindak poi. Lene abikang gi hi di mini zaitun joti bi nindak hi kin bu. Lene akang tepun niken nok roti di nyop leu api aba mini zaitun bidip.

YESAYA 43:23

Dikak tut midut di jibikuk je biDa ba, dibidip huk je tut biei nggrai di ui-gwang kei bi. Noro jiba jikou bindig domba nya ei nimbar hum dokti lene jiba mun di jibikuk je biDa bikon dinyeng bi.

YESAYA 66:20

Yoni mibuwak jisut bat di jide mben nya yahagom hanyen leu minu dima yok kwei nok mun di kei di injei biDa. Yoni miba kuda kin keledai kin unta kin kroba pran kin kroba nitu di kuda kri bibuwak yo dima kwei ei Ditde nungug di kwes-kwau ei minu ndig Yerusalem. Igyaisi dima noyam kin mben Israel igyai kepti di iba bokor di nirom kuisi bi bittei gandum di ikwas tut Da kwei ei Ditde Ig ri.

YEHEZKIEL 46:20

bipai “Suar imam nya ikwen mindhe di ibui mem midut nibiyai nikos ser sisarti kin mindhe di ibui mem midut nikum Allah de ningwamti ba, iba gandum bibon midut njita nibitin ei cem ei sirima. Igyai nok gima leu binhyepo ittei mun di kwes-kwau dima ninghui poi mien biyuug sut ug ei mpia di jo bas hak gi nisai bi. Leu gima bindei ba, limwa nya ingget biyuum mun di buhun.”

YOEL 1:9

Gandum ningat kin ba anggur ngei ngwig leu midut nya di ibon ei tuhan De Ig tu. Gima rino imam nya di iba ingon gom bibon midut nya bak tuhan yahagom ingon ngguk tut.

YOEL 2:14

Mpaba tuhan di nok jide Allah miluei ningonti lene bindei ba, jide beisi nya hagom minnum kei hanyen e? Gi nok ne mijikwas jide ba anggur ngei kin jide gandum ngat ndrim hi tut Noni.

IMAM NYA IDE MIDYAI 14:10

Lene ma noni jem domba pmot nikre ningut can kin niwek ningut gom di ide njap ug ei ari bingwam gom ba, bok-ba bi kwei ba, ttei tepun di mini zaitun srigsi kilo ningai kin mini zaitun ningei liter niken kwei mem njap gi nimuhwindaningai.

IMAM NYA IDE MIDYAI 24:7

Ma jikes biei nggrai di ui-gwang kei ei roti nipuig can pima dip nok mun di bindo tut bipia roti dima ndrim hi leu nibon midut njita nibipai sigyo bak Allahti bou tuhan niyai him.

IMAM NYA IDE MIDYAI 5:11

Gino no dima ma ha tekukur can kin hakimoi mbrei can bi lene ma noni ug yai tepun kilo can kwei nok mun di biluei sisar dima. Lene ma mini zaitun kin biei nggrai di ui-gwang kei srig tepunti au. Lewo tepun dini mem nibon midut nibiyai nikos ser sisarti lene mem nibon midut njita nibipai sigyo bak Allahti pima bi.

IMAM NYA IDE MIDYAI 6:7

Lene ma imam bon midut nibiyai nikos ser sisarti dima mem no dima leu binhyepo tuhan mikos ser no dima nide sisar.

IMAM NYA IDE MIDYAI 9:17

Gima ngwig lene noni tin ei nibon midut njita nibipai sigyo bak Allahti. Noni kam tepun ei ninda bia bei gom bindig kep hum ei nimbar hum dokti. Gini ne mun di bikum ei nibon midut nindig mindhe titut kep hum po mbut bikwop njap pima ri.

IMAM NYA IDE MIDYAI 9:4

Kin sapi nikre ningut gom kin domba nikre ningut gom mem nibon midut nibiyai ningon kwes kin Allahti kwei. Lene ma ibui mindhe dini yok hagom bitut roti di mini zaitun srigsi bak tuhan. Suar igyai hagom bit leu nok dicuk yokti lewo tuhan mindo Nonti brei biyok mem njap di ammani.”

MALEAKHI 1:11

Mben dihyeisi dini nisurti-nipekti hagom inggei sut Da. Yoni indig biei nggrai di ui-gwang kei bibikon dinyeng lene iba mun di ibikuk yok biDa bibon midut igbit bidem minu lewo yahagom ikon dinyenga!

MBEN ISRAEL IMBUT-MBUT NYEN 18:9

Munkwas di kwes-kwau nya mem nibon midut njita nibipai sigyo bak Allahti kin nibon midut nibiyai nikos ser sisarti kin nibon midut nibikum tuhan de ningwam cem di indig ei nimbar hum dokti bi pima lene nani kin apmot bat nya jima bou je nok jide.

MBEN ISRAEL IMBUT-MBUT NYEN 28:5

Nimangti nok gini. Tepun di kei bibor kilo gom di iba mini zaitun liter gom bisrigsi ba, ibikrau kin domba pmot pima gom-gom.

MBEN ISRAEL IMBUT-MBUT NYEN 29:18

Ma iba munkwas di noyam kin gi itin ei mem njap gi nigom pima bikum ei nibon midut nibui mindhe-ndhe dimati.

MBEN ISRAEL IMBUT-MBUT NYEN 8:8

Leu api acuk yok ba, ijem sapi nikre di nipmot bo ningut gom kwei bigyai njita nibipai sigyoti di iba tepun kin mini bibon di ibikuk yok bak tuhan cem kwei. Leu api aug jem sapi nikre ningut gom kin bu kwei mem nibon midut nibiyai nikos ser sisarti.

YOHANES 6:35

Yesus pai biyok “Dinok roti di bindei ba, tungwatu nya igyai niyaijo nijep. No di bit Da minggum bu bi ba, no di ba ningon com Da minggobiau cem bi.

YOHANES GI NIGOM 2:20

Noro jiyai Allah Ninnei di Yesus Kristus kes nyahan ei jingonti tu gima rino jahagom jingon dorti tut nihyet di nijit.

YOHANES GI NIGOM 2:27

Noro tut jenti ne Kristus kes Allah Ninnei nyahan ei jingonti tu ba, jisuar hiter mem gima pingok jingonti tut mun nyeng hi kin bi. Allah Ninnei ne nijit rin bipingok jingonti tut mun nyeng hagom. Nibicumti srig Nide nipingokti dima bi sren. Gima rino ma jibit Allah Ninnei nipingok jeti ba, jiyaijo nok gom kin Kristus.

YUDAS 1:20

Noro disut bat jen, ma jiba jide niba ningon com Yesus Kristusti di kwes-kwau bingot jide niyaijoti noyam kin jingot igya. Lene jibingat nadi kin nisindemti di kwei leu Ninnei Gi Kwes.

NINGAT-HI-NGAT NYA 8:3

Malaikati gom kin bu krau bokor mas mem indig biei nggrai di ui-gwang kei eisi bikwei ya simiak nimbar hum ndok. Noni yai biei nggrai di ui-gwang kei mang bibor mem gima bikum ei Allah de limwa nya ide naditi bindig biei nggrai dima ei nimbar hum ndok di iba mas binggai di jo banggo mbrei nibiho.