IMAM NYA IDE MIDYAI 19:4 - ALLAH NIHYET MEM TUNGWATU NYA

⁴ Harin dima jikes Da ei bijikuk je bak kwar di jibon bou jinda him a. Harin dima jiba ngkimom nitu bibon kwar bou jinda him bijikuk je bak a. Dani ne tuhan bidinok jide Allah ri.

IMAM NYA IDE MIDYAI 19:4 ပူးပေါင်းရင်းမြစ်များ

NIBOU NDIG NYA GI NIGOM 14:9

Noro tut nani ne abon mun di kinei nindig bibor dor tunggwei mun di kinei di yo di inyeng tak kep mben Israel ibonti nya pima nipou tirigi anyeng tak kep yok bigyo. Aba anghim bak Dani lene abindei ba, digga bibor tug hon gino abindei ba, tungwatu nya iba ngkimom nitu bibon kwar nya ba, ikuk yok bak cem tu.

NIBOHON MBEN ISRAEL GI NIGOM 16:26

Mben hiter nya ide kwar nya di ikuk yok bak ne kwar nya he ri. Noro tuhan ne No di pai tes mpia-bbed him titut yam ri.

NIBOHON MBEN ISRAEL GI NICAN 28:2

Niyai munti nya noyam kin nibou ndig mben Israel nya. Noni cuk tungwatu nya ba, iba ngkimom nitu bibon kwar Baal nya mang bibor ba,

MAZMUR 96:5

Ngkiai nya ide mun di ikuk yok bak nya ne kwar he. Noro tuhan pai tes mpia-bbed him.

NEHEI LEUSI 20:23

Ma jiba perak kin mas bibon kwar nya mem gima jibikuk je bak njiriek Da au.

NEHEI LEUSI 32:4

Lene noni mbus hagom biba hum bibindei jet leu api siber ei tig ningwakti di noni bon noyam kin sapi nikre di nehen pap ningut. Lene nide limwa nya yahagom ipai biyam “Mben Israel jen, gini ne ide mun di ikuk nye bak di buwak nye kwei leu minu Mesir pima ri!”

NEHEI LEUSI 34:17

Harin dima jiba ngkimom nitu bibon nung nya bijikuk je bak a.

IMAM NYA IDE MIDYAI 11:44

Dani ne tuhan bidinok jide Allah ri. Gima rino suar jikinding jenti bijikwes-kwau lewo Dani dikwes-kwau.

IMAM NYA IDE MIDYAI 19:25

Ug ei ari bingwam gi nimuhwi lene ma jipuk biei ngat dima bijiyem hak ug. Gino jibit dicuk jeti dini igbit lene jide biei nya mingat ningat nindig bibor bikum eisi bu. Dani ne tuhan bidinok jide Allah ri.

IMAM NYA IDE MIDYAI 19:5

Tirigi jibui mindhe mem nibon midut gi ningon kwes kin Allahti lene ma jiyok ngon kep dicuk jeti nya di ditri tut bije tu apino midingon cut hon nibon midut dima.

IMAM NYA IDE MIDYAI 26:1

Lene tuhan pai “Harin dima jibon kwar bou jinda him ba, jiwin kwar kin nidihim tig di jikilis mem gima jikuk je bak a. Dani ne tuhan ba, jide Allah ri.

HAGAI 2:18

Jiprion tig pmem mem Ditde Ig nikiou biput ei bed nimuhwindatai ba, njap nyatungwagom bitai lo, njap dima ne njap di ammani ri! Ma jingig jiyai kep mun di mipek kep mem je ei nitutti di njap di ammani bikui.

KORINTUS GI NIGOM 10:14

Gima rino disut bat di dingon kieti jen e, ma jimbres jenti leu nikuk je bak kwarti nya.

NINDAT KEP TUHAN NICUKTI NYA 27:15

Suar keret Lewi nya itri tut ‘Ma tuhan sigion yo di iba tig kin biei kin ngkimom nitu bibon kwar ba, ikuk yok bak niku lewo tuhan ningon mpo tut nikuk yo bak kwarti nya!’ Lene ma limwa nya yahagom ibuhup ‘Igbit ri!’

NINDAT KEP TUHAN NICUKTI NYA 4:16

Gima rino ma jingon sok kep jenti leu binhyepo jibihi jibon kwar di nok nipinai kin nisop,

NINDAT KEP TUHAN NICUKTI NYA 7:25

Ma jindig ide kwar di ikuk yok bak nya kep huma. Ma jingon pri kep perak kin mas di jo kin ide kwar nya bijiyai mem jenti au. Gino jiyai mun dima yok mem jenti lene mijitug ndei nimai drek dip lewo tuhan di nok jide Allah ningon mpo tut yo di ikuk yok bak kwar nya.

YOHANES GI NIGOM 5:21

He dimunggwom bat jen, ma jimbres jenti leu kwar nya!