IMAM NYA IDE MIDYAI 19:3 - ALLAH NIHYET MEM TUNGWATU NYA

³ Suar jeni bikwop tungwagom-gom kuk no bak nicig bat nipmem bat nya bibit ighyet. Suar jikes tut Njap Nigwam Kep Ninghuisi ei mem Da bit leu nok dicuk jeti tu. Dani ne tuhan bidinok jide Allah ri.

IMAM NYA IDE MIDYAI 19:3 ပူးပေါင်းရင်းမြစ်များ

NITRITI 48:12

Lene Yusuf kon yok leu Yakub nimigsi bikuk no ei nicig noho bei lene ba ningwak bikik mpia.

NEHEMIA 9:14

Apingok ingonti tut Njap Nigwam Kep Ninghuisi leu binhyepo ipigig sut ei mem Na di tuhan. Ba, ayai Ade nikos tutti nya bak yoni tug hon Ade awak di Musa.

NEHEI LEUSI 16:29

Ma je di mben Israel jiyok ngon kep bipia Da di tuhan dindo njap gom mem gima jigwam kep jinghuisi. Gima rino midiyai njita bije nok gi dem mem njap nitindur can ei njap gi nimuhwindagom. Suar jahagom jigwam hak ei jide prak meng yati hak mem njap gi nimuhwindacan ba, juug ei nisai au.”

NEHEI LEUSI 20:12

Ma jibou cut bak jicig bat-jipmem bat nya bijibit ighyet. Leu binhyepo mijibong kei mijigwam kei mem nijam di jei ei minu di dindo ei mem je tu.

NEHEI LEUSI 20:8

Suar jahati tut jide Njap Nigwam Kep Ninghuisi bikwes-kwau kei mem Da.

NEHEI LEUSI 21:15

Gino tungwagom bui nicig kin nipmem lene je di nindigsi jikes hukum nimai ei noni dip.

NEHEI LEUSI 21:17

Tungwa tou rino sriman nicig nipmem nya lene je di nindigsi jikes hukum nimai ei noni dip.

NIPINGOK NINGONTI 1:8

Dimunggwom na e, ma apwoi acig-apmem nya ingona.

NIPINGOK NINGONTI 23:22

Ma abit acig nihyet. Leu gino abon acig bi lene bit bon nani cem angat rin bi. Gino apmem wer sindig-ndau lene ma abon mun di bindo bipia angon ngakei noni.

NIPINGOK NINGONTI 30:11

Tungwatu nya bihi ighyet wer mpiahi tut icig bat nya ba, ingkek ndok tut ipmem bat nya.

NIPINGOK NINGONTI 30:17

Gino tungwagom nihyet wer mpiahi tut nicig-nipmem nya di inghim koi su lene ma tungwatu nya injei noni ug ei nisai leu binhyepo mini wou nya ipuk niyai njep leu ba, hacam krubri nya ipuk ningut nok ide mun di igyem.

YESAYA 58:13

tuhan pai “Ma jahati tut Njap Nigwam Kep Ninghuisi nok njap di kwes-kwau. Ma jinyohou dimig mun di bitut jenti mem njap dima au. Jibindei ba, njap dima bon ninyeng mem je. Ma jinggei sut tuhan de njap dima tug hon gi jimbut ei minu ting cem jiyai kep jide midyai nya cem jimbrap tut mun di ugwai-gwai nya cem au.

YEHEZKIEL 20:12

Dicuk yok leu binhyepo igyok ngon kep Njap Nigwam Kep Ninghuisi di bindo tut gi preu di dipreu ei mem yok. Lewo gima bisok kep yok leu binhyepo igyok ngon kep bipia Da di tuhan didimig yok pijum ei mem Da.

IMAM NYA IDE MIDYAI 11:44

Dani ne tuhan bidinok jide Allah ri. Gima rino suar jikinding jenti bijikwes-kwau lewo Dani dikwes-kwau.

IMAM NYA IDE MIDYAI 19:25

Ug ei ari bingwam gi nimuhwi lene ma jipuk biei ngat dima bijiyem hak ug. Gino jibit dicuk jeti dini igbit lene jide biei nya mingat ningat nindig bibor bikum eisi bu. Dani ne tuhan bidinok jide Allah ri.

IMAM NYA IDE MIDYAI 19:30

Suar jikes tut Njap Nigwam Kep Ninghuisi ei mem Da lene suar jinyohou gumihyep di jindo ei mem gima jibikuk je biDa eisi. Dani ne tuhan bidinok jide Allah ri.

IMAM NYA IDE MIDYAI 19:31

Harin dima juug cem kep yo di nung kui yok nya bipingok kep jingonti a. Leu gi nok lene map mikui jeti. Dani ne tuhan bidinok jide Allah ri.

IMAM NYA IDE MIDYAI 19:34

Ma jibibon yok noyam kin jisut bat mben Israel ba, jingon ngakei yok bit leu nok jingon ngakei jenti cem. Ma jiyok ngon kep bipia jibong jingkiaisi ei minu Mesir nipou su. Dani ne tuhan bidinok jide Allah ri.

IMAM NYA IDE MIDYAI 23:3

Ma jiyai kep jide midyai nya ei njap nitindur muhwindagom. Lene ma jiyok ngon kep bipia njap gi nimuhwindacan ne Njap Nigwam Kep Ninghuisi mem gima jigwam kep jinghuisi ri. Harin dima jiyai kep jide midyai nya mem njap dima a. Noro ma jinduk yam ei bijikuk je ei Doho bei. Njap gi nimuhwindacan nok Ditde njap mem je ei jibong kepti nya hagom.

IMAM NYA IDE MIDYAI 26:2

Ma jibit Njap Nigwam Kep Ninghuisi kin njap ndig nindigsi nya nicukti nya. Lene ma jiba jibou coi mem Dani ei gumihyep di jimbus pijum ei mem jikuk je bak Dani eisi. Dani ne tuhan ri.

MALEAKHI 1:6

tuhan Di Sindem Bibor pai bak imam nya “Nipmot kuk no bak nicig lene awak kuk no bak niceu. Dani ne jicig ri. Nggon rino jikuk je biDa bi i? Dani ne jiceu ri. Nggon rino jittin tut Da bi i? Jingwes pri gau Da noro jihig ser Da ‘Notou ningwes pri gau Na i?’

NINDAT KEP TUHAN NICUKTI NYA 27:16

‘Ma tuhan sigion No di kon nicig kin nipmem inyeng bi bisindui sut yok ba, iwer nikinei-kinau.’ Lene ma limwa nya yahagom ibuhup ‘Igbit ri!’

NINDAT KEP TUHAN NICUKTI NYA 5:16

Ma jikon jicig bat-jipmem bat nya inyeng ba, jinyohou yok. Gini ne jide tuhan Allah nicuk jeti rin leu binhyepo jibong kei jigwam kei ba, jide njap jei ei minu di midikwas tut je.

IBRANI 12:9

Ibon icig bat nya di ittem nye leu api ikuk nye bak yoni drek dip. Suar ikuk nye bak Icig ei gwamti nindig bibor dor njiriek bu leu binhyepo igyai niyaijo nijep di jo kikau.