IMAM NYA IDE MIDYAI 19:17 - ALLAH NIHYET MEM TUNGWATU NYA

¹⁷ Harin dima jingon koi kep nindigsi nya a. Ma jimbus yam ngonti leu binhyepo jingon kwes kin yam apino mijicut ei sisarti drek dip yam bi.

IMAM NYA IDE MIDYAI 19:17 ပူးပေါင်းရင်းမြစ်များ

YOHANES GI NIGOM 2:9

Ba, no di pai sut nonti bipia mbut mem nipigati lo, ba nitok bak nisut no di Kresten lene no dima mbut mem nidinditi kikau kwei bipek ammani kep yo.

LUKAS 17:3

Ma jingon sok kep jenti! Gino asut bon sisar tut na lene ma apingok ningonti tut hak ug. Gino noni ttin ser sisar dima lene ma akos ser sisar dima hak ug.

YOHANES GI NIGOM 2:11

Noro no di ba nitok bak nisut no di Kresten ningat rin ei nidinditi. Noni mbut mem nidinditi leu api srawir lewo nidinditi bindei ba, niyai tu.

GALATIA 6:1

Disut bat jen, gino jigom ttau kep tungwagom tirigi sisar sindi srou noni lene ma je di jibit Allah Ninnei nibie tut jeti jiba jingon di nggriu bibrim no dima hanyen kwei ei puig di nijitti. Lene ma jingon sok kep jenti ser nhyema jisindui sut ba, sisar dima srou jeni au.

EFESUS 5:11

Ma jiyai bram tungwatu nya igyai kepti di bon ninyeng bi nya au. Lewo igyai kepti dima yok ntun ingon di dindi him. Noro ma jiba nipigati bipiga digai hagom. (

ROMA 1:32

Mbro nok gino yo dima ikan tut bipia Allah nihyet pai ser yok bipia yo di ibon sisar dima yok mitug ndei nimai lo, igyai kikep mun di kinei dima hagom he bi noro ice tut yo di igyai bram igyaisi cem.

NIPINGOK NINGONTI 9:8

Ma asok kep no di llei-lau au. Lewo miningon mpo tut na. Ne gino ando no di ningon ki nitunggweisi bak lene ningon mikei sut na.

TITUS 2:15

Suar aba anyeng di tak kep yok bitri tut mun dini yok hagom. Abiwin kep yo di ingon jo kep nya ingonti ba, asok kep yok ngkiem cem. Ma asindui sut ba, tungwa hi ningwes om kep nani au.

TITUS 1:13

Nipaisi dima igbit. Gima rino ma asok kep yok ngkiem leu binhyepo ikrau kep ningginausi di nijit ba,

2 TIMOTIUS GI NICAN 4:2

ma atri tut Allah nihyet ba, abidip huk yok leu binhyepo intu kep ahyet mem mpe di ijoi sut e, he ijoi sut bi e, cem. Aba angon di jo nyahan binyohou ngginau yok leu binhyepo abiyai bingon nddong. Ma ando itunggweisi biyok ba, abiwin kep ingonti cem.

TIMOTIUS GI NIGOM 5:22

Ma abisau sut gino ata hi nok nibou mbusyamei au. Leu gino noni dem mem midyai dima bigyo lo, ata noni sisrau ne gima dem kep nok apriet kin nide sisar. Ma angon sok kep nanti ser nhyema angon kwes kei.

TIMOTIUS GI NIGOM 5:20

Bikwop nibou di ingon mui nya ne ma asok kep yok ngkiem ser ei yo di mbusyamei yahagom igyai him leu binhyepo nindigsi nya ittin ser.

KORINTUS GI NIGOM 5:2

Mbro nok gima lo, jingon jei. Noro ma jingon ngguk tut sisar dima bijiciu ser no dima ninyeng leu daptar yo di mbusyamei nya leu binhyepo srig jikieti bu bi.

MAZMUR 141:5

Disindui sut gino no di ningon kwes ttem da ne ba ningon sren bisok kep da cem lewo gima noyam kin mini di ui-gwang kei mem da. Midirok no dima ei bi. Gino yo di isibut imbuk tut da lo, midingat nadi tindei yok kikau.

NITRITI 27:41

Gima rino Esau ningon dindi bibor tut Yakub drek dip gi nicig njei mun di kei nya hagom bak noni leu su. Apino noni kan-kan nyen “Son dideu sicig niyaijo ningwig honti tu ba, mpe dino nijam mem singon ngguk bram noni ngwig leu su lene misiyai nimai bak Yakub.”

SAMUEL GI NICAN 13:22

Absalom ningon kinei sut Amnon nindig bibor ba, kou ser gi mbrap bit noni bu cem drek dip gi kat nikwohop biyem njita tut pima.

NEHEMIA 13:17

Lene dinjei mun dima yok hagom kep nibou Yehuda nya ba, dibipai biyok “Apo jingon hukti tut gi jibon mun di kinei bibor tug hon gi jibindei di map kui Njap Nigwam Kep Ninghuisi bi e?