Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




IMAM NYA IDE MIDYAI 19:16 - ALLAH NIHYET MEM TUNGWATU NYA

16 Harin dima jiba jimbuk bikkin kep nindigsi nya inghapti a. Leu binhyepo gino bon nituti lene ma jimbrap gau no di ya nikei noho bei ser nhyepo noni tug ndei hukum nimai bi. Dani ne tuhan ri.

အခန်းကိုကြည့်ပါ။ ကော်ပီ




IMAM NYA IDE MIDYAI 19:16
24 ပူးပေါင်းရင်းမြစ်များ  

“Ma jitri tut nihyet hou ba, jahati tut no di ningon mui tug hon gi joom ser mem noni au.


Ma jimbres jenti leu yo di ipai kep tungwatu nya ugwai-gwai. Lene jibindei hukum nimai cut igkep no di ningon ngun au. Lewo dikou sut yo di ibon mun di kinei bibor di nok gima.


Bit bon yo di ittei mumpui ei yamti iku mimun ei ingonti kan bi. Ma ambres nanti leu yo di ikibou bei mbrai nya.


Ade limwa nya bihi iris mun ei hiterti leu binhyepo ibindei ba, itug ndei nimai hak ug. Lene bihi ijoi sut igyem mikwau di ibui di ibikuk yok bak kwar nya ba, bihi bu ibrim ingkek tut nikrar kep sopti nya.


Suar bikwop tungwatu nya ingon sok kep yonti tut isut bat nya. Gi mbun adig-ajoi ningat-ngat nya cem iba ingon com yam kan bi. Lewo idem kep Yakub ba, bikwop yahagom iris bak ide adig-ajoi nya. Bikwop tungwatu nya ibindei hi ninyeng kinei ba, iris mun cem.


Yahagom yaham imbuk kep Da ba, ingkek ndok noyam kin ngkimom-tembaga kin ngkimom nitu. Yahagom igyai munti nya mpiei bibor ba, ittei mumpui ei yamti.


Bit bon hi ba ningon com no di tri tut nihyet hou bidigek kep mpia kan bi. Noro dem mem aba angon com no di ningon gom lewo no dima mikimut nuhui tut munhyet.


Gima rino ma jicom sisar hagom leu je hak ug. Ma jiris yam cem jingon can cem jingon kinei sut yam cem jipai yam kinei cem bu au.


di kkin kep hiter ninghapti bi di bon mun tunggwei sut nide bat kin nisut bat nya bi di nihyet tigut yo di ninttig-tta nya bi,


Harin dima jiris mun ei yo di hiter nya dip a.


Nok gima cem ma apingok sindig-ndau nya ingonti leu binhyepo igyai munti nya dem kep nok sop di ingon kwes kin Allah. Ma ikkin kep tungwatu nya inghapti bikuk yok bak mun di pu yok au. Noro ma iba ningginausi di nijit,


ingondut yam cem bi ikos ser mun di igyai tunggwei sut yam biyam cem bi ikkin kep yam nghapti cem yoom kep ingonti kan bi cem iten-pos cem ingon mpo tut mun di kei hagom cem,


Nok gima cem suar itnem bat nya ingon kwes. Ma ipai kep tungwatu nya inghapti bidut mun di pu yok au. Noro suar iba ingon di gom biyai kep ide midyai nya hagom.


bipai biyok “Dibon sisar tug hon gi ditri No di ningon ngun pima apino Noni miyai nimai drek dip!” Noro ibuhup “Nyeni ningon a tut gima bi. Suar abiang ayai munti dima nibuhunti hak ug!”


‘Ma tuhan sigion no di su ninda mem mitiei nibingot kep noti leu binhyepo bisinggre biyai nimai bak no di ningon ngun.’ Lene ma limwa nya yahagom ibuhup ‘Igbit ri!’


Bit leu nihyet nibiti nindati di pai bipia tungwagom bakilak nisut bat nya mem biyai mitiei lene nonti nimunggwom bat nya mibiang icig niyai munti dima nibuhunti.


bipai binoni “Nggon rino na di Andigpoi aba angon com yo di itri tut bipia midimbuk tut na ighyet i?


Jitindei ser nituti tirigi jiris mun ei jide adig-ajoi nya dip bijipai yok kinei-kinau cem.


Midibindei sar yo di yahamui nyahan bikin kep hiter ninghapti ba, midiba diyai ngat yo di ikon yonti inyeng kin yo di ingon llei-lau bi.


No di ku nigga biborti ne no di ris kep mun igkei ri. No di ttei mumpui ei tungwatu nyati di bibon inyeng kinei ne ningon mbum.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ