IMAM NYA IDE MIDYAI 19:10 - ALLAH NIHYET MEM TUNGWATU NYA

¹⁰ Nok gima cem ma jingkwei hanyen ug ei jide miai ba anggur nghousi leu binhyepo jipuk ningat di jingat bi nya ba, jikam ningat di cut ug ei dihyeisi au. Ma jibet niken dima hagom ei mem yo di yuhui mbum nya kin ngkiai nya. Dani ne Tuhan bidinok jide Allah ri.

IMAM NYA IDE MIDYAI 19:10 ပူးပေါင်းရင်းမြစ်များ

YESAYA 24:13

Mun dima yok hagom micut igkep dihyeisi dini titut yam bitut mben nya hagom ba, noyam kin gi pek kep ei nijam niyai ningat leu miaisi kui ig. Noyam kin mpe di ipuk biei zaitun ningat kin ba anggur ningat hagom bingwig leu miaisi nya.

YESAYA 17:6

Mben Israel ibou poi he mingwes ngun ba, gima noyam kin biei zaitun di ipuk ningat nya bingwig leu. Noro ningat poi he di jo igbit ninggrupti nya. Da di tuhan Allah Israel disimbot dat tu.”

IMAM NYA IDE MIDYAI 25:6

Mbro nok gima lo, njita ningat mintun him ei sidumti dima lene tuhan sindui sut ba, jeni kin awak jide nya kin yo di itug ndei imuhup tug hon midyai di igyai mem jeni kin ngkiai nya di ibong timiei ei jikieti nya ba, jipuk bijiyem ningat di ntun him sindam mikuisi.

MIKHA 7:1

Buhun bibor mem da! Dinok no di nggum di nggok biei ngat di ntun biei him nya kin ba anggur ngat di ntun ba anggur him niabiati nijam njiriek tu lo, ningat hi jo him bi. Tungwatu nya ipuk ba anggur ningat kin biei ara ningat hagom bingwig leu su.

OBAJA 1:5

Tirigi ninggimang mun cig kin nipos mun cig nya ikwei mem mmun lene ipos mun di ingon pri kep nya he. Yo di ipuk ba anggur ngat ei miaisi lene iba inda om ningat poi bijo. Noro jide nitok nya icok tut je ningwig a.

YEREMIA 49:9

Gino tungwatu ipuk ba anggur ngat lene iba inda om bihi bijo ei. Gino no di nggimang igkei kwei nggimang mem mmun lene puk igbit nijoi sutti he.

NIJAM NIKEI NYA 8:2

Noro Gideon buhup “Mun di niyai bon ninyeng bi gino dibinai hagom kin mun di jeni jiyai su. Mbro nok gino jimpu nye wer nimien lo, hagom bon ninyeng dor njiriek mun di dani kin ditde limwa titut yam niyai su.

IMAM NYA IDE MIDYAI 19:9

Tirigi jikos jide gandum ei beisi lene ma jikos gandum niken di jo ninghas him au. Ma jingkwei hanyen bijimbus gandum dima mbican bram yam au.

IMAM NYA IDE MIDYAI 19:11

Harin dima jinggimang mun ba, jiris yam ba, jipai-pai wai cem a.

IMAM NYA IDE MIDYAI 23:22

Tirigi jike jide gandum barli nintam kin yam ei beisi lene ma johom nintam nikenti di jo ninghas him au. Lene ma jingkwei hanyen bijike barli nintam dima mbican bram yam au. Noro ma jibet niken dima hagom ei mem yo di yuhui mbum nya kin ngkiai nya. Dani ne tuhan bidinok jide Allah ri.

NINDAT KEP TUHAN NICUKTI NYA 24:19

Tirigi jikos jide gandum ei beisi lene ma jiba jiyai ngat hi lo, ma jingkwei hanyen bijimbus gi hi dima au. Ma jisindui sut bijo ei mem ngkiai nya kin moibihi nya kin kibom nya leu binhyepo tuhan di nok jide Allah miyai gi kei bije bimpu je tut jide midyai nya hagom.

NINDAT KEP TUHAN NICUKTI NYA 24:20

Tirigi jipuk jide biei zaitun ningat mbigom tu lene ma jingkwei hanyen bijipuk bram gi hi di jiba jiyai ngat ei au. Gi hi dima jo ei mem ngkiai nya kin moibihi nya kin kibom nya.

SRAT RUT 2:2

Njap gom lene Rut pai bak Naomi “Gino ace tut lene duug ei beisi bidimbus gandum di awak nya di igyai kikep midyai dima iba igyai ngat ei di iba inda mbres ei nya. Dingon ngkiem tut bipia awak gom misindui sut gima dimbus gandum nikenti bram noni.” Lene Naomi buhup “Kei! Ambut ug.”

IMAM NYA IDE MIDYAI 11:44

Dani ne tuhan bidinok jide Allah ri. Gima rino suar jikinding jenti bijikwes-kwau lewo Dani dikwes-kwau.

IMAM NYA IDE MIDYAI 19:25

Ug ei ari bingwam gi nimuhwi lene ma jipuk biei ngat dima bijiyem hak ug. Gino jibit dicuk jeti dini igbit lene jide biei nya mingat ningat nindig bibor bikum eisi bu. Dani ne tuhan bidinok jide Allah ri.

NINDAT KEP TUHAN NICUKTI NYA 24:21

Tirigi jipuk jide ba anggur ningat mbigom tu lene ma jingkwei hanyen bijipuk bram gi hi di jiba jiyai ngat ei au. Gi hi dima jo ei mem ngkiai nya kin moibihi nya kin kibom nya.