IMAM NYA IDE MIDYAI 18:30 - ALLAH NIHYET MEM TUNGWATU NYA

³⁰ Gima rino tuhan pai “Ma jibit dicuk jeti nya di diyai bije lene ma jiyai bram yo di ibong ei minu Kanaan nipou jeni bigyo nya igyai kepti nya au. Ma jibindei ba, map kui jeti tug hon nibon munti dima yok au. Dani ne tuhan ba, jide Allah ri.”

IMAM NYA IDE MIDYAI 18:30 ပူးပေါင်းရင်းမြစ်များ

NIBOU NDIG NYA GI NIGOM 14:24

Ibon nicut tut yamti ei mpia ttou nsi dima yok leu binhyepo iba nisinati dima bikuk yok bak kwar nya. Pinai nya cem ibon yonti nok sundal ei mpia dima. Timiei Yehuda ibon kep sisar di kinei bibor ninyeng hagom noyam kin timiei minu dima ibon kepti nya tirigi po tuhan jji yok leu itimieisi ei mpe di mben Israel icoi bigyai bigyati pima.

NIBOU NDIG NYA GI NIGOM 21:26

Ahab bon sisar di mpiei bibor tirigi noni kuk no bak kwar nya noyam kin mben Amori po Allah jji yok bingwig leu ide dihyei hanjop nsi tirigi mben Israel sindi ikieng kep minu Kanaan pima.

EZRA 9:1

Tirigi ibon mun nyeng dima yok hagom biput tu lene nibou mben Israel ibou poi ikwei pai bida bipia limwa Israel nya bitut imam nya kin Lewi nya igimbres yonti leu mben ngkiai di ibong ttai yok nya bi. Ngkiai dima yok ne mben Amon kin Moab kin Mesir kin Kanaan kin Het kin Feris kin Yebus kin Amori ri. Ningat ne imam kin Lewi nya igyai bram mun di kinei-kinau di ngkiai dima yok ibon kep nya.

IMAM NYA IDE MIDYAI 18:29

Jikan tut bipia tungwa tou rino bon mun di bindei tungwatu igyai ngkek ttin ser dima nggre kin Allah de limwa nya bu bi.

IMAM NYA IDE MIDYAI 19:1

Lene tuhan sok nihyet dini ei Musa dip bak,

IMAM NYA IDE MIDYAI 20:23

Ma jiyai bram yo di ingon tindur di ibong ei sirima igyai kepti nya au. Lewo iba igyai kepti di kinei bibindei ba, dingon him muwei sut yok. Gima rino dijji yok leu ba, dibon nituti mem jeni jicoi ug ei itimieisi dima.

IMAM NYA IDE MIDYAI 22:9

Suar je di imam jahagom jibit nicukti nya dini di ditri tut bak jeni. Gino jibit bi lene jitunggwei sut ba, mijimai drek dip lewo jitunggwei sut nicukti nya di kwes dima yok. Dani ne tuhan rin ba, dinyeng tak kep jeni pijum.

NINDAT KEP TUHAN NICUKTI NYA 11:1

“Ma jingon ngakei jide tuhan Allah ba, jice tut jibit nicuk jeti nya hagom.

NINDAT KEP TUHAN NICUKTI NYA 12:30

Niabiati Noni cok tut yok bingwig lene ma jingon sok kep jenti ser nhyema jiyai bram yo dima ide nibon midutti nya au. Leu gi nok lene mijimai bijingwig. Ma jinggok tut notou ikuk yonti bak ide nung nyati ba, jiyai bram igyaisi dima au.

NINDAT KEP TUHAN NICUKTI NYA 12:31

Ma jikuk je bak tuhan di nok jide Allah bit leu nok yoni ikuk yok bak ide nung nyati au. Lewo tirigi ikuk yok bak ide nung nya lene igyai munti nya kinei bibor bibindei ba, tuhan ningon mpo tut yok. Mbenjen! Indig imunggwom bat nya tut igyai noha kep hum ei ide nimbar hum dokti!

NIJAM NIKEI NYA 20:6

Apino diyai ningut di didigo kukiau lene dipinak ninggriet gom-gom bidem ide keret mben Israel simnaibrimigcan bikwop keret gom-gom. Diyai nok gima lewo mben Gibea dima ibon mun nyeng di kinei bibor ei nyeni ikieti ba, ibinim kep nye di mben Israel.