IMAM NYA IDE MIDYAI 17:6 - ALLAH NIHYET MEM TUNGWATU NYA

⁶ Lene suar imam ba mindhe ninggrom biprok nimbar hum dok nitta ei bei dimbou tuhan De Prak Meng nuhui leu api ndig nimmau kep hum bibindei ba, tuhan mijoi sut ninghap di ngge kei dima.

IMAM NYA IDE MIDYAI 17:6 ပူးပေါင်းရင်းမြစ်များ

MBEN ISRAEL IMBUT-MBUT NYEN 18:17

Noro disindui sut ba, iba mitiei bipek sapi kin domba kin kambir nihyen kep nipmot bou hanyen bi. Suar ibui mindhe-ndhe nihyen kep dima mem Dani lewo Ditde nya ri. Lene ma iba ninggrom dima biprok nimbar hum dok nitta leu api indig nimmau kep hum mem nibon midut njita nibipai sigyo bak Allahti. Lene midijoi sut ninghap di ngge kei dima.

IMAM NYA IDE MIDYAI 3:2

Lene ma no dima kes ninda ei sapi nibou dip leu api bui sapi dima ei bei dimbou hui ei tuhan De Prak Meng nuhuigya. Lene ma imam nya yehek ninggrom bibiprok nimbar hum dok nitta bitaisi.

IMAM NYA IDE MIDYAI 4:31

Lene ma imam dima digo nimmau hagom leu bit leu nok gi po noni digo nimmau mem nibon midut nibiyai ningon kwes kin Allahti pima leu api ndig hagom kep huma. Lene tuhan mijoi sut ninghap di ngge kei dima. Nok gima lene imam mibon midut mem limwa gom dima nide sisar di noni bon kin gi bisinggre bi dima leu binhyepo tuhan mikos ser nide sisar.

IMAM NYA IDE MIDYAI 3:16

Lene ma imam dima ndig ninghui dima hagom kep hum ei nimbar hum dokti nok nibon midut nibiyai ningon kwes kin Allahti di no dima bon mem tuhan. Lewo mindhe dima nimmau hagom rinok tuhan de.

IMAM NYA IDE MIDYAI 3:13

Lene ma noni kes ninda ei kambir dima nibou dip bibui hammi Prak Meng nuhui. Lene ma imam nya yehek ninggrom bibiprok nimbar hum dok nitta bitaisi.

IMAM NYA IDE MIDYAI 3:11

Lene ma imam dima ndig ninghui dini hagom kep hum ei nimbar hum dokti nok nibon midut nibiyai ningon kwes kin Allahti di no dima bon mem tuhan.

IMAM NYA IDE MIDYAI 3:8

Lene ma noni kes ninda ei domba dima nibou dip bibui hammi Prak Meng nuhui. Lene ma imam nya yehek ninggrom bibiprok nimbar hum dok nitta bitaisi.

IMAM NYA IDE MIDYAI 3:5

Lene ma imam nya indig ninghui dini hagom kep hum bitut mun di nindigsi nya ei nimbar hum dokti. Lene tuhan mijoi sut ninghap di ngge kei dima.

NEHEI LEUSI 29:18

Lene andig domba dima titut kep hum ei nimbar hum dokti nok nibon midut nindig mindhe titut kep humti. Lene midijoi sut ninghap di ngge kei dima.

NEHEI LEUSI 29:13

Lene akus nimmau hagom leu sapi ninghopti kin nisingau igdo hi di kei bibor kin nikimbu hacem bitut nimmau di joti nya leu api andig hagom kep hum ei nimbar hum dokti nok mun di abikwas tut Da.

IMAM NYA IDE MIDYAI 17:5

Gima ne tuhan ningon kanti tut nicukti dima rin leu binhyepo mben Israel ijem mindhe-ndhe nikwas di ibui kep ei ngoi dumti hagom ug ei tuhan De Prak Mengti. Suar ijem mindhe di ikwas dima bak imam ei dimbou tuhan De Prak Meng nuhui ba, ibui ei sirima mem nibon midut nibiyai ningon kwes kin Allahti.

YEHEZKIEL 44:15

tuhan Di Ninyeng Jei Bibor pai “Mpe di mben Israel ikes Da ei lene imam di intun Zadok him iba ingon gom bita ibou ei niyai midyai mem Dani kikau ei Ditde Ig. Gima rino nogindini suar yoni rima ikwei ya ei Doho bei mem gima ittei mindhe di ibui nimmau di ndok bindig ei nimbar hum dokti lene iba ninggrom bigimahap nimbar hum dok ba, ibibon midut mem Da.