IMAM NYA IDE MIDYAI 17:5 - ALLAH NIHYET MEM TUNGWATU NYA

⁵ Gima ne tuhan ningon kanti tut nicukti dima rin leu binhyepo mben Israel ijem mindhe-ndhe nikwas di ibui kep ei ngoi dumti hagom ug ei tuhan De Prak Mengti. Suar ijem mindhe di ikwas dima bak imam ei dimbou tuhan De Prak Meng nuhui ba, ibui ei sirima mem nibon midut nibiyai ningon kwes kin Allahti.

IMAM NYA IDE MIDYAI 17:5 ပူးပေါင်းရင်းမြစ်များ

NITRITI 21:33

Lene Abraham ta biei tamariska nikioi gom ei Bersyeba. Hon kep njap dima kui lene noni kuk no bak tuhan dino Allah Di Niyaijo Kikau ei sirima.

NITRITI 22:13

Lene Abraham kon nibou bingat lo, domba nikre hi riwar pai nibou nggaiti ei a. Lene ug kat leu api bui bidigo lene ndig kep hum ei nimbar hum dokti biluei nipmot Ishak.

NITRITI 22:2

Lene Allah binut bu bipai “Ma abuwak apmot gom ngat di Ishak di angon ce bi ba, juug ei dihyei Moria. Suar abui noni bit leu nok mindhe-ndhe di abui leu api andig kep hum ei nimbar hum dokti ei mbigdip di midindo binani yo.”

NITRITI 31:54

Lene noni bui mindhe ningut gom bindig kep hum bak Allah ei nungug tou dima. Leu api noni nduk nide limwa nya kwei bigyem njita bit yam. Gima ngwig lene ibong ei sirima binjap kep.

NIBOU NDIG NYA GI NIGOM 14:23

Iwin mpia ttou nsi di mem ikuk yok bak kwar nya eisi ba, iba tig di jei biwin dihim di itas pijum nya di mem ide kwar sop Asyera cem itas kwar nisop dima ei mbigdip nya kin biei di nimeng nggrou nibehei nya cem bikuk yok bak eisi.

NIBOU NDIG NYA GI NIGOM 3:2

Nijam di noni ngot tuhan De Ig bigyo lene nide limwa nya ibon midut nindig mindhe titut ei nimbar hum dokti ei mpia ttou nsi mang bibor.

NIBOU NDIG NYA GI NIGOM 3:3

Mbro nok gino Salomo ningon ngakei tuhan bibit nicuk noti nya hagom lo, noni cem bui mindhe-ndhe mang bibor bibon midut ei nimbar hum dokti bidem mpia ttou nsi dima.

NIBOU NDIG NYA GI NICAN 16:4

Ahas ba nibon midut nindig mindhe ei nimbar hum dokti kin nibon midut nindig biei nggrai di ui-gwang keiti ba, bikuk no bak kwar nya ei mpia di nide limwa nya ikuk yok bak kwar eisi nya ei bibikwop mbigdip kin biei di nimeng nggrou nya nibehei cem.

NIBOU NDIG NYA GI NICAN 17:10

Lene itas kwar nisop Asyera bitut nidihim ngot di ya sren ei bikwop mbigdip nya kin biei di nimeng nggrou nibehei nya cem.

NIBOHON MBEN ISRAEL GI NICAN 28:4

Ahas ba mindhe-ndhe bibon midut ei nimbar hum dokti nya ba, bindig biei nggrai di ui-gwang kei ei nimbar hum ndok nya cem bidem mpia di ikuk yok bak kwar nya eisi ei nungug dip nya kin biei ndig behei di nggrou kei nya.

NEHEI LEUSI 24:5

Lene noni cuk pinai pilei nya ibou poi leu api igyai nibon midut nindig mindhe titut kep humti bak tuhan. Lene ibui sapi nikre hi kin bu mem nibon midut nibiyai ningon kwes kin Allahti.

YEHEZKIEL 20:28

Mpe dino dibuwak yok kwei ei minu di dipreu ei mem yok dini leu api ingat mbigdip di anai nya kin biei di nimeng nggrou nya lene ibon midut nindig mindhe-ndhe ei nimbar hum dokti mem ide kwar di ikuk yok bak ei mpia dima yok. Ibindei ba, digga yok drek dip ide midut dima yok kin anggur di ikwas tut kwar nya di ikuk yok bak.

YEHEZKIEL 22:9

Ade limwa nya bihi iris mun ei hiterti leu binhyepo ibindei ba, itug ndei nimai hak ug. Lene bihi ijoi sut igyem mikwau di ibui di ibikuk yok bak kwar nya ba, bihi bu ibrim ingkek tut nikrar kep sopti nya.

YEHEZKIEL 43:27

Tirigi njap muhwindacan dima kes hon lene suar imam nya ikinyon ei nibon midut gi nindig mindhe-ndhe kin midut nibiyai ningon kwes kin Allahti. Leu api midingon kei sut jahagom. Da di tuhan Di Dinyeng Jei Bibor disimbot dat tu.”

YEHEZKIEL 44:15

tuhan Di Ninyeng Jei Bibor pai “Mpe di mben Israel ikes Da ei lene imam di intun Zadok him iba ingon gom bita ibou ei niyai midyai mem Dani kikau ei Ditde Ig. Gima rino nogindini suar yoni rima ikwei ya ei Doho bei mem gima ittei mindhe di ibui nimmau di ndok bindig ei nimbar hum dokti lene iba ninggrom bigimahap nimbar hum dok ba, ibibon midut mem Da.

IMAM NYA IDE MIDYAI 17:4

lo, jem mindhe dima kwei bak tuhan biya tut kui dimbou ei tuhan De Prak Meng nuhui bi lene no dima ba ninggrom di kiber dima bipigau tuhan nikos tutti nya. Suar jibibon no dima tereu nok no di nggre kin Allah de limwa nya bu bi.

IMAM NYA IDE MIDYAI 17:6

Lene suar imam ba mindhe ninggrom biprok nimbar hum dok nitta ei bei dimbou tuhan De Prak Meng nuhui leu api ndig nimmau kep hum bibindei ba, tuhan mijoi sut ninghap di ngge kei dima.

NINDAT KEP TUHAN NICUKTI NYA 12:2

Tirigi jikieng kep minu jep dima lene suar jicok tut mpia ttou nsi di ngkiai dima yok ikuk yok bak ide nung nya eisi bitut gi hi di jo ei mbigdip nya kin nungug tou nya kin biei di nimeng nggrou ninghousi hagom.