IMAM NYA IDE MIDYAI 17:4 - ALLAH NIHYET MEM TUNGWATU NYA

⁴ lo, jem mindhe dima kwei bak tuhan biya tut kui dimbou ei tuhan De Prak Meng nuhui bi lene no dima ba ninggrom di kiber dima bipigau tuhan nikos tutti nya. Suar jibibon no dima tereu nok no di nggre kin Allah de limwa nya bu bi.

IMAM NYA IDE MIDYAI 17:4 ပူးပေါင်းရင်းမြစ်များ

NITRITI 17:14

Bikwop pinai tou rino yai nibon midut sunat bi lene noni minok Ditde limwa bu bi lewo noni krau kep gi preu dima bi.”

MAZMUR 32:2

Bikwop yo di ibon sisar lo, tuhan yok ngon kep ide sisar bu bi lene yo dima ingon nggei-hi-nggei lewo iba ingon can biris ei hiterti bu bi.

NEHEI LEUSI 12:15

Lene tuhan pai “Ma jiyem roti di dwoi kikau mem njap muhwindacan dima au. Ma jicom roti ninjep leu jide ig bei nya mem njap gi nigom. Leu gino tungwagom yem kep roti di dwoi ei ninsi njap muhwindacan pima lene Noni minok Ditde limwa bu bi.

NEHEI LEUSI 12:19

Ma jicom jide roti ninjep leu jide ig bei nya ei mmun-njap nitindur muhwindacan pima. Gino jigom yem roti di dwoi lene noni minok Ditde limwa bu bi. Dicuk jeti dini mem je di timiei minu Israel kin ngkiai di ibong timiei bit je nya cem.

NEHEI LEUSI 30:33

Tungwa tou rino bibon mini di noyam kin mini dini ba, ttin ampou tut bikiber ei no di imam bi nibou nggram him lene no dima minok Ditde limwa bu bi sren.”

NEHEI LEUSI 30:38

Tungwa tou rino bibon biei nggrai di ui-gwang kei di noyam kin biei nggrai di ui-gwang kei dini mem nonti nok mini ibou lene no dima minok Ditde limwa bu bi sren.”

YESAYA 66:3

Noro mben dima ibon mun bit leu yonti ingon kanti. Ingat Njap Nigwam Kep Ninghuisi tug hon nisinati di bindei ba, diyai ttin. Mem yoni ne midut di ibon nya hagom noyam. Ibon midut nindig sapi nikre noyam kin midut nindig tungwatu ba, ibon midut nindig domba pmot noyam kin ibon midut nidahat nsien nikimam ba, ibon midut nindig gandum ngan noyam kin midut nindig na ninggrom ba, ibon midut nindig biei nggrai di ui-gwang kei noyam kin ibon midut nikuk no bak kwar nya. Midut dima yok ter leu yam bou igyai him bi.

YEHEZKIEL 20:40

Lewo je di mben Israel jahagom mijikuk je biDa ei dihyei Israel kin Ditde nungug dip di kwes cem. Midingon kei sut jeni ei sirima bidijoi sut jide midut nindig mindhe-ndhe nya ei nimbar hum dokti nya kin jide munkwas di kei bibor nya kin jide mun di jiyai pijum biDa nya.

IMAM NYA IDE MIDYAI 1:3

Gino noni jem nide sapi ningut gom kwei lene ma noni dimig nikre di bok-ba bi. Suar noni jem sapi dima kwei ba, ya tut kui dimbou ei tuhan De Prak Meng nuhui leu binhyepo tuhan joi sut noni.

IMAM NYA IDE MIDYAI 17:10

Gino mben Israel gom e, he ngkiai gom di bong timiei ei mben Israel ikieti e, yem mikwau di ninggrom huisi lene tuhan mikes hukum ei no dima dip. Ma jibibon no dima tereu nok no di nggre kin Allah de limwa bu bi.

IMAM NYA IDE MIDYAI 17:14

Bikwop mindhe di ninnei tau nuhwap nsi hagom ninnei no jo ei ninggromti. Gima rino tuhan ggai ser mben Israel dima igyem mikwau di ninggrom hugsi a. Bikwop no di yai kep niyai munti di tuhan ggai ser dini lene ma ibibon noni tereu nok no di nggre kin Allah de limwa nya bu bi.

IMAM NYA IDE MIDYAI 17:3

Gino mben Israel gom bui mindhe nok nide sapi e, he domba e, he kambir e, bak tuhan ei mben Israel ide prak meng yati kin prak meng yati nisai cem,

IMAM NYA IDE MIDYAI 17:5

Gima ne tuhan ningon kanti tut nicukti dima rin leu binhyepo mben Israel ijem mindhe-ndhe nikwas di ibui kep ei ngoi dumti hagom ug ei tuhan De Prak Mengti. Suar ijem mindhe di ikwas dima bak imam ei dimbou tuhan De Prak Meng nuhui ba, ibui ei sirima mem nibon midut nibiyai ningon kwes kin Allahti.

IMAM NYA IDE MIDYAI 17:9

tut tuhan lene suar noni bui mindhe nikwas dima ei bei dimbou tuhan De Prak Meng nuhuigya. Gino noni bui mindhe dima ei mpia ttou nsi hiter lene ma jibibon noni tereu nok no di nggre kin Allah de limwa nya bu bi.

IMAM NYA IDE MIDYAI 18:29

Jikan tut bipia tungwa tou rino bon mun di bindei tungwatu igyai ngkek ttin ser dima nggre kin Allah de limwa nya bu bi.

IMAM NYA IDE MIDYAI 20:16

Gino sop gom yem njita tut mindhe lene suar jikes hukum nimai ei sop dima kin mindhe dima cem dip hak ug. Yoni imai drek dip yonti igyai mun tunggweisi dima.

IMAM NYA IDE MIDYAI 20:18

Gino pinai gom yem njita tut sop gom mpe di sop dima ningkek kan mun lene ma jibibon yoni tereu nok yo di inggre kin Ditde limwa nya bu bi.

IMAM NYA IDE MIDYAI 20:3

No di bui nimunggwom bindig kep hum bikuk no bak Molokh dima bindei ba, map kui Ditde Prak Mengti. Ba, no dima binim kep dinyeng di dia-diau kei cem. Midikes hukum ei noni dip ba, midibibon noni nok no di nggre kin Ditde limwa nya bu bi.

IMAM NYA IDE MIDYAI 3:2

Lene ma no dima kes ninda ei sapi nibou dip leu api bui sapi dima ei bei dimbou hui ei tuhan De Prak Meng nuhuigya. Lene ma imam nya yehek ninggrom bibiprok nimbar hum dok nitta bitaisi.

IMAM NYA IDE MIDYAI 7:18

Gino noni yem mikwau dima mem njap gi niningai lene tuhan mikou sut nide mindhe po noni bui dima lene nibon midut dima mibindei gi kei mem noni bi noro map kuisi. Leu api tungwa tou rino yem kep mikwau dima ningon mui.

YOHANES 10:7

Gima rino Yesus pai biyok hanyen bu “Dipai nijit bije bipia Dani ne dimbou mem domba nya icoi kak ri.

YOHANES 10:9

Dani ne dimbou hui ri. Bikwop no di coi kak Da miyai niteu leu sisar kin niyaijo nijepti. Noni hei-hei nyen biyem njita nok gi dem.

YOHANES 14:6

Yesus buhup “Dani ne puig mem nibikan tut Allah nijit-jausi kin nibiyai niyaijo nijepti ri. Bit bon no di tug hon Da bi ug ei Dicig nidim cem kan bi.

ROMA 4:6

Bit leu nok Daud nihyet tirigi noni tri tut no di yai ningon nggei-hi-nggei drek dip Allah di biyai no dima ningon kwes kin Noni noro drek dip nide niba ningon com niyai munti nyati bi. Daud pai sut no dima,

ROMA 5:13

Nipou tirigi Allah yai Puig Yahudi niggai serti bak Musa bigyo ne tungwatu nya ibon kep sisar. Noro Allah kwop kep ide sisar dima bi lewo Noni yai Puig Yahudi niggai serti biyok bigyo.

ROMA 5:20

Allah Nonti yai Puig Yahudi niggai serti bak mben Yahudi. Mbro nok gino tungwatu nya ibingon mem gima ibit Puig Yahudi niggai serti lo, ikum ei nipigau Puig Yahudi niggai serti ba, ibon sisar ei Allah niyai him. Mbro nok gino ikum ei ide nibon sisarti nindig bibor lo, Allah kum ei nisingat tut yokti nindig bibor bu.

NINDAT KEP TUHAN NICUKTI NYA 21:8

tuhan e, ma akos ser Ade limwa nya di ateu yok bingwes ngun leu minu Mesir ide nitunggweisi. Ma akos ser nyende sisar lene ma abibon nyeni tereu nok yo di itug ndei nibuhunti drek dip no di ningon ngun dini di mai nok nimbiam dini au.’