IMAM NYA IDE MIDYAI 17:11 - ALLAH NIHYET MEM TUNGWATU NYA

¹¹ Bikwop mindhe di ninnei tau nuhwap nsi hagom ninnei no jo ei ninggromti. Gima rino tuhan cuk mben Israel leu binhyepo iba mindhe-ndhe ninggrom hagom biprok nimbar hum dok nidip leu binhyepo bidip tut Nide limwa nya ide sisar hagom. Ninggrom ne ninnei rin ba, ciu ser sisar.

IMAM NYA IDE MIDYAI 17:11 ပူးပေါင်းရင်းမြစ်များ

NITRITI 9:4

Noro harin dima jiyem mikwau di ninggrom huisi a. Lewo niyaisi no jo ninggromti.

IMAM NYA IDE MIDYAI 1:5

Lene ma noni bui sapi dima ei dimbou hui ei Prak Meng niyati leu api imam nya di intun Harun him migyai ninggrom bak tuhan leu api ibiprok nimbar hum dok di jo hammi dimbou hui ei Prak Meng niyati dima nitta bitaisi.

IMAM NYA IDE MIDYAI 16:11

Tirigi Harun bui sapi nikre pima mem nibon midut nibikos ser nide sisar kin nide bat nya ide sisar,

IMAM NYA IDE MIDYAI 17:12

Gima rino harin dima mben Israel kin ngkiai nya di ibong timiei ei mben Israel ikieti cem igyem mikwau di ninggrom huisi a.

IMAM NYA IDE MIDYAI 17:14

Bikwop mindhe di ninnei tau nuhwap nsi hagom ninnei no jo ei ninggromti. Gima rino tuhan ggai ser mben Israel dima igyem mikwau di ninggrom hugsi a. Bikwop no di yai kep niyai munti di tuhan ggai ser dini lene ma ibibon noni tereu nok no di nggre kin Allah de limwa nya bu bi.

IMAM NYA IDE MIDYAI 4:25

Lene ma imam gom tur ninda pijum ei kambir dima ninggromti bibidip ninggai nya di tug nimbar hum dok nuhuisi bitaisi him leu api siber niken ei nikiou.

IMAM NYA IDE MIDYAI 4:26

Lene ma imam dima ndig nimmau hagom kep hum ei nimbar hum dokti bit leu nok niyai kepti tirigi po noni ndig sapi kep hum mem nibon midut nibiyai ningon kwes kin Allahti pima. Nok gima lene imam mibon midut mem nibou mben Israel nide sisar di noni bon bisinggre bi dima leu binhyepo tuhan mikos ser nide sisar.

IMAM NYA IDE MIDYAI 8:15

Lene Musa bui sapi behek ninggrom poi leu api tur ninda pijum eisi bibidip nimbar hum dok ninggai nya leu binhyepo piga gima ba, tug hon nisinati dima lene noni piga nimbar dima ei mem tuhan bibindei ba, nimbar kwes-kwau.

MATIUS 20:28

Bit leu nok Munggwom Tungwatu Nipmot di kwei leu binhyepo tungwatu nya inyohou Noni bi noro kwei leu binhyepo nyohou tungwatu nya leu api kes ninnei ei mem bikwek imang bibor leu mun di kat yok.”

MATIUS 26:28

Lewo gini ne dinggrom di tak buk ser Allah de gi preu nijep rin ba, dinggrom di siber kos ser tungwatu nya imang bibor ide sisar.

MARKUS 14:24

Gima ngwig lene Noni pai biyok “Gini ne dinggrom di tak buk ser Allah de gi preu nijep rin ba, dinggrom di siber mem tungwatu nya imang bibor ri.

ROMA 3:25

Allah sindui sut Kristus Yesus ei leu api Yesus mai nok nimbiam bibindei ba, tungwatu igyai gi kos ser ide sisar drek dip ide niba ningon com Noniti. Allah yai nok gima leu binhyepo ndo ningon di sren-srau brei binye. Gi nipou kwei bipek ammani kep ne Allah om ningon tut tungwatu nya ide sisar bikes hukum ei yok dip bi.

ROMA 5:9

Nogindini igyai ingon kwes kin Allah tug hon Kristus nimaisi. Gima rino jo nibreisi bipia Noni miteu nye leu hukum di Allah mikes ei tungwatu nya dip.

EFESUS 1:7

Lewo Allah kwek nye leu sisar tug hon Kristus nimaisi leu api bindei kos ser ide sisar.

NINDAT KEP TUHAN NICUKTI NYA 12:23

Noro ma jiyem mikwau di ninggrom huisi au. Lewo niyaisi no jo ninggromti. Gima rino ma jiyem niyaisi kin mikwau dima bibit yam au.

KOLOSE 1:14

Allah Nipmot kwek nye leu mun di kat nye di bindo tut nikos ser ide sisarti.

KOLOSE 1:20

Allah kos tut bipia Noni ba Nipmot bibakei nipai testi nya hagom bitut mun di jo ei dihyeisi dini kin mun di jo ei mpia-bbed him cem kin Noni hanyen. Noni bakei mun dima yok hagomti tug hon Nipmot nimai ei biei salibti.

IBRANI 13:12

Gima rino Yesus cem ug mai ei minu ndig nisai ma kwei leu binhyepo ba ninggrom bipiap Nide limwa nya leu ide sisar.

IBRANI 9:22

Ningat ne bit leu nok Puig Yahudi niggai serti lene suar iba ninggrom bipiap mun nyeng hagom bipwoi. Leu gino ninggrom siber bi lene bit bon Allah kos ser sisar kan bi.

PETRUS GI NIGOM 1:2

Icig Allah dimig je ei bit leu nikos tutti leu binhyepo jinok Nide limwa di ingon kwes nya tug hon Allah Ninnei ba, jibit Yesus Kristus nihyet cem bijiyai ningon kwes kin Noniti tug hon nimai ei biei salibti. Handei kon ba, Allah singat tut je bibor ba, biyai jingon di jo nyahan kei bikum eisi bu.

YOHANES GI NIGOM 1:7

Gino ikak puig nipigati bit Allah di ningat rin ei nipigati lene ingon kwes kin yam ba, Nipmot Yesus ninggrom piap nye leu sisar ninyeng hagom.

YOHANES GI NIGOM 2:2

Allah kos ser ide sisar tug hon Kristus Nonti di bindei dino ide sisar pror hak ba, gini mem nyengkom ide sisar he bi noro mem tungwatu nya yahagom ide sisar.

NINGAT-HI-NGAT NYA 1:5

kin Yesus Kristus di ba ningon gom bitri tut mun di Noni ngat bou niyai him. Noni ne mot mighumbou di kiju hanyen leu nimai eisi rin ba, ninyeng tak kep nibou ndig nya ei dihyeisi dini hagom. Noni ningon ngakei nye bikwek nye leu ide sisar tug hon nimaisi,