IMAM NYA IDE MIDYAI 17:10 - ALLAH NIHYET MEM TUNGWATU NYA

¹⁰ Gino mben Israel gom e, he ngkiai gom di bong timiei ei mben Israel ikieti e, yem mikwau di ninggrom huisi lene tuhan mikes hukum ei no dima dip. Ma jibibon no dima tereu nok no di nggre kin Allah de limwa bu bi.

IMAM NYA IDE MIDYAI 17:10 ပူးပေါင်းရင်းမြစ်များ

NITRITI 9:4

Noro harin dima jiyem mikwau di ninggrom huisi a. Lewo niyaisi no jo ninggromti.

SAMUEL GI NICAN 23:17

Lene pai “tuhan e, gi mbun didut minyei dini kan bi! Gino didut lene gima noyam kin didut yo di inggok imai eisi dini inggrom ri!” Gima rino Daud dut minyei dima bi sren. Nipui sut nibou tentara ibou ningai di mimbri kui ingkek dima ide niyai munti di mipbor ngat nya ri.

MAZMUR 34:16

tuhan nyohou yo di ingon sren bingig nitingou mem ighyet tirigi yahara Noni.

NEHEI LEUSI 30:33

Tungwa tou rino bibon mini di noyam kin mini dini ba, ttin ampou tut bikiber ei no di imam bi nibou nggram him lene no dima minok Ditde limwa bu bi sren.”

YEREMIA 21:10

Dikos tut bipia dingondut minu ndig dini bu bi noro dibindei sar hagom bitimek bingwig. Nibou ndig minu Babel miya kep minu ndig dini bindig titut yam bitimek bibor. Da di tuhan disimbot dat tu.”

YEREMIA 44:11

Gima rino Da di tuhan Di Disindem Bibor di Allah Israel midihwen je bidibindei timek minu Yehuda titut yam.

YEHEZKIEL 14:8

Midiba nitok bak noni ba, duubon noni nok bindo mem nindigsi nya. Dicom noni leu Ditde limwa nya ikieti leu api yoni mikan tut bipia Dani ne tuhan ri.

YEHEZKIEL 15:7

Midikes hukum ei yok dip. Mbro nok gino illu leu hum tu lo, hum miyem yok bisar. Tirigi dikes hukum ei yok dip ne mporo akan tut bipia Dani ne tuhan ri.

YEHEZKIEL 33:25

Da di tuhan Di Dinyeng Jei Bibor disok dihyet ei na dip bak yo dima, “Jiyem mikwau di ninggrom huisi cem jikuk je bak kwar nya cem jihwen mun cem kikau. Nggon rino jikan bipia dihyei dini nok jide dihyei ninda rom i?

YEHEZKIEL 44:7

Yoni ibindei map kui Ditde Ig tirigi indig kep mindhe-ndhe nimmau ndok kin ninggrom bibikuk yok biDa noro isindui sut ba, ngkiai di ibit midut sunat kin dihyet cem bi icoi kwei ei Ditde Ig a. Tug hon ide nibon munti di bindei ba, diyai ttin ser dima itunggwei Ditde nipreu di dipreu ei mem yok tu.

IMAM NYA IDE MIDYAI 17:11

Bikwop mindhe di ninnei tau nuhwap nsi hagom ninnei no jo ei ninggromti. Gima rino tuhan cuk mben Israel leu binhyepo iba mindhe-ndhe ninggrom hagom biprok nimbar hum dok nidip leu binhyepo bidip tut Nide limwa nya ide sisar hagom. Ninggrom ne ninnei rin ba, ciu ser sisar.

IMAM NYA IDE MIDYAI 19:26

Harin dima jiyem kep mikwau di ninggrom hugsi a. Harin dima jikrau kep yo di inda dut nya ingon kanti a.

IMAM NYA IDE MIDYAI 26:17

Midikes hukum ei jeni dip apino jide siceu nya mibindei timek jeni. Lene yo di isibut tut jeni nya minyeng tak kep je. Mbro nok gino hi huk je bi lo, jingon ttin apino jinang-nang wai.

IMAM NYA IDE MIDYAI 3:17

Harin dima mben Israel igyem kep mindhe dima nimmau kin ninggrom a. Suar yoni kin yo di intun yok him ibit dicuk yokti dini bidem ibongti igwamti bijo ninno bijo kikau.

AMOS 9:4

Gino ide siceu nya ikat yok ug ei ingkiaisi ne midibindei ba, igyai nimai biyok. Dita dibou ei gima dibindei timek yok bingwigti lene dimpu yok bi.”

KISAH 15:20

Noro ma ipas srat di bisok kep yok ser nhyema imbres yok leu mikwau di tungwatu ipigig ser di ibui bak kwar di ikuk yok bak nya kin mindhe di iba kuk bikri kep nikimam di ninggrom huisi kin niyem ninggromti kin nicut tut yamti cem.

KISAH 15:29

Nicukti di bon ninyeng dima rino ma jimbres jenti leu mikwau di tungwatu ipigig ser di ibui bak kwar di ikuk yok bak nya kin niyem ninggromti kin mindhe di iba kuk bikri kep nikimam di ninggrom huisi kin nicut tut yamti. Gino jimbres jenti leu jiyai kepti di kinei dini yok hagom lene gini kei bibor mem je. Jicem o!”

NINDAT KEP TUHAN NICUKTI NYA 12:16

Noro ma jiyem mindhe-ndhe dima ninggrom au. Suar jisiber ninggrom hagom ug ei dihyeiti nok minyei.

NINDAT KEP TUHAN NICUKTI NYA 12:23

Noro ma jiyem mikwau di ninggrom huisi au. Lewo niyaisi no jo ninggromti. Gima rino ma jiyem niyaisi kin mikwau dima bibit yam au.

NINDAT KEP TUHAN NICUKTI NYA 15:23

Ma igyem ninggrom di huisi au. Noro suar ikiber ninggrom ug ei dihyeiti noyam kin isiber minyei.”

IBRANI 10:29

Gi nok ne notou mem no di co kep Munggwom Tungwatu Nipmot i? Notou mem no di bimangkrei ninggrom di tug hon Allah de gi preu nijep di piap noni leu sisar i? Notou mem no di nihyet wer mpiahi tut Allah Ninnei di singat tut nye i? Ayo! No dima mitug ndei hukum nindig bibor dor njiriek bu.

SAMUEL GI NIGOM 14:32

Gima rino ibinang yam bikikam mun di ipos leu ide siceu nya ba, ibui domba nya kin sapi nya bibam leu api igyem mikwau di ninggrom joti yo.

SAMUEL GI NIGOM 14:33

Lene ibou poi ibakilak yok bak Saul bipai binoni “Angat i! Ade limwa nya ibon sisar tut tuhan tug hon mikwau di igyem tut ninggrom di joti.” Lene Saul mbrua ser yok bipai “Jipigau Allah de hanjop tu! Ma jirim tig nindig bibor kwei bida.”