IMAM NYA IDE MIDYAI 16:31 - ALLAH NIHYET MEM TUNGWATU NYA

³¹ Njap dima ne njap nindig rin dem kep nok jide Njap Nigwam Kep Ninghuisi. Suar mben Israel yahagom isindui njita mem nituti poi ei njap dima lene inda jo kep ide midyai nya au. Suar mben Israel ibit dicuk yokti dini bijo ninno bijo kikau.

IMAM NYA IDE MIDYAI 16:31 ပူးပေါင်းရင်းမြစ်များ

EZRA 8:21

Mpe dima lene ditri tut bipia suar yo di idem yam ei minyei pimat dima yahagom igyem njita bi mem nituti poi ba, yoom yonti ei Allah Noho bei bingat nadi leu binhyepo Allah bie tut nye cem nyohou nyeni kin nimunggwom bat nya kin ndigban nyende nya hagom cem kak nimbutti dima.

NEHEI LEUSI 31:15

Ma jiyai kep jide midyai mem njap nitindur muhwindagom noro njap gi nimuhwindacan dima ne njap ndig rin ba, didimig njap dima ei mem Dani. Tungwa tou rino gwam kep ninghuisi bi noro yai kep midyai mem njap dima mitug ndei hukum nimai.

NEHEI LEUSI 35:2

Ma jiyai kep jide midyai mem njap nitindur muhwindagom noro njap gi nimuhwindacan ne njap ndig rin ba, Allah dimig njap dima ei mem Nonti. Tungwa tou rino gwam kep ninghuisi bi noro yai kep midyai mem njap dima mitug ndei hukum nimai.

YESAYA 58:3

Ihig yam “Nggon rino nyeni igyem njita bi mem nituti poi gino tuhan tou kep nye bi i? Nggon rino iba ibou coi mem Noni gino Noni ngig niyai kep nye bi i?” tuhan buhup “Ningat ne tirigi jiyem njita bi mem nituti poi lene jibrim jingkek mem jide mun di bitut jenti bijico kep jide awak nya.

YESAYA 58:5

Tirigi jiyem njita bi mem nituti poi lene jihwen bit jenti bijindun bou dem kep nok minta di nimeng hun ba, jidis sinsun kron bijigimahap atriem eisi bijibong dip. Jikan bipia niyem njita bi mem nituti poi dima ne nijit rin e? Jikan bipia dijoi sut jiyai munti dima e?

DANIEL 10:12

Leu api noni pai bida “Daniel e, ma attin tut au. Lewo Allah miap ade nadi habiei leu njap gi nigom po akos tut mem gima aom nanti leu binhyepo angon dorti tut mun di pek kep nya. Dikwei nok nibuhup ade naditi ri.

IMAM NYA IDE MIDYAI 23:32

Tirigi mpia kimbasti mem njap gi nimuhwindatai kikau mpia kimbasti mem njap gi nisimnai lene ma jiyok ngon kep njap dima nok Njap Nigwam Kep Ninghuisi leu binhyepo jigwam kep jinghuisi ba, jisindui njita mem njap dima cem.

IMAM NYA IDE MIDYAI 25:4

Noro bikwop ari bingwam gi nimuhwindacan lene suar jikes sidumti dima pijum hak ei mem tuhan. Ba, suar jisindui sut ba, sidumti dima jo hak ei nijam ari bingwam nitindur gom dima bijiyai miai eisi ba, jindim njita bou eisi ba, jipe jide ba anggur ninda di mui nya cem au.