IMAM NYA IDE MIDYAI 16:29 - ALLAH NIHYET MEM TUNGWATU NYA

²⁹ Suar mben Israel ibit dicuk yokti dini bijo ninno bijo kikau. Ug ei njap gi nisimnai ei bed gi nimuhwindacan lene ma yoni kin ngkiai nya di ibong bit yok yahagom isindui njita mem nituti poi lene inda jo kep ide midyai nya cem au.

IMAM NYA IDE MIDYAI 16:29 ပူးပေါင်းရင်းမြစ်များ

YESAYA 58:3

Ihig yam “Nggon rino nyeni igyem njita bi mem nituti poi gino tuhan tou kep nye bi i? Nggon rino iba ibou coi mem Noni gino Noni ngig niyai kep nye bi i?” tuhan buhup “Ningat ne tirigi jiyem njita bi mem nituti poi lene jibrim jingkek mem jide mun di bitut jenti bijico kep jide awak nya.

MBEN ISRAEL IMBUT-MBUT NYEN 29:7

Suar induk yam ei mem njap ngon bou gi nisimnai ei bed nimuhwindacan bikuk yok bak tuhan. Ma igyem njita bi mem njap dima cem ba, harin dima igyai midyai di buhun a.

DANIEL 10:12

Leu api noni pai bida “Daniel e, ma attin tut au. Lewo Allah miap ade nadi habiei leu njap gi nigom po akos tut mem gima aom nanti leu binhyepo angon dorti tut mun di pek kep nya. Dikwei nok nibuhup ade naditi ri.

YESAYA 58:5

Tirigi jiyem njita bi mem nituti poi lene jihwen bit jenti bijindun bou dem kep nok minta di nimeng hun ba, jidis sinsun kron bijigimahap atriem eisi bijibong dip. Jikan bipia niyem njita bi mem nituti poi dima ne nijit rin e? Jikan bipia dijoi sut jiyai munti dima e?

MAZMUR 35:13

Noro mpe dino yo dima icut ei ninggwenti ne dingon ngguk tut yok lene diyem njita cem bi ba, duhuk bou bidingat nadi tindei yok,

IMAM NYA IDE MIDYAI 23:36

Ma jibon midut njita nibipai sigyo bak Allahti bikwop njap kikau mem njap nitindur muhwindacan. Ug ei njap gi nimuhwindaningai lene ma jinduk yam ei bijikuk je biDa ba, jibon midut njita nibipai sigyo bak Allahti mbigom kin bu cem. Njap dima cem ma jinda jo kep jide midyai di buhun nya au.

IMAM NYA IDE MIDYAI 23:21

Harin dima jiyai kep jide midyai di buhun nya mem njap dima a. Noro ma jinduk yam ei bijikuk je biDa. Suar dicuk jeti dini jo kikau mem jide nintun him yamti di bram yam nya cem leu binhyepo ibit ei ibong kepti nya hagom bijo ninno bijo kikau.

NEHEI LEUSI 20:10

Noro njap gi nimuhwindacan ne njap di jigwam kep jinghuisi. Ma jibet njap dima ei mem Da. Harin dima jiyai kep jide midyai nya mem njap gi nimuhwindacan a. Bitut jeni kin jimunggwom bat nya cem jide awak nya cem jide mindhe-ndhe nya cem ngkiai nya di ibong srig jikieti cem jahagom.

IBRANI 4:10

Lewo tungwa tou rino yai nibong kep ninghuisi dima bit leu nok Allah nipreu eisi tu ne no dima mikes ninda tut nide midyai nya noyam kin Allah di kes ninda tut Nide midyai nya.

KORINTUS GI NIGOM 11:31

Gino imbus nyenti ingonti nipou ug e lene Allah kes hukum ei nye dip bi.

DANIEL 10:3

Diyem njita di mmau kei kin mikwau bi bididut ba anggur ngei bi mem nijam ari nitindur ningai. Dipri dibou mem nijam dima cem bi.

YESAYA 58:13

tuhan pai “Ma jahati tut Njap Nigwam Kep Ninghuisi nok njap di kwes-kwau. Ma jinyohou dimig mun di bitut jenti mem njap dima au. Jibindei ba, njap dima bon ninyeng mem je. Ma jinggei sut tuhan de njap dima tug hon gi jimbut ei minu ting cem jiyai kep jide midyai nya cem jimbrap tut mun di ugwai-gwai nya cem au.

MAZMUR 69:10

Dingon ngakei Ade Ig ba, gima nok hum di cig-cai ei dingonti. Nihyet nitigut Nati ndei dani cem dingonti.

EZRA 3:1

Ug ei bed nimuhwindacan lene mben Israel yahagom ingot ide ig bibong ser itimieisi hanyen tu. Lene yahagom induk yam kwei ei minu ndig Yerusalem.

NIBOU NDIG NYA GI NIGOM 8:2

Lene yahagom induk yam kwei ei Bed Etanim tirigi tto bou dem mem Njap Ndig Ig Jibei Mpam Meng.

IMAM NYA IDE MIDYAI 23:3

Ma jiyai kep jide midyai nya ei njap nitindur muhwindagom. Lene ma jiyok ngon kep bipia njap gi nimuhwindacan ne Njap Nigwam Kep Ninghuisi mem gima jigwam kep jinghuisi ri. Harin dima jiyai kep jide midyai nya mem njap dima a. Noro ma jinduk yam ei bijikuk je ei Doho bei. Njap gi nimuhwindacan nok Ditde njap mem je ei jibong kepti nya hagom.

NEHEI LEUSI 30:10

Ma Harun bon midut di bindei di nimbar hum dok dini kwes-kwau tug hon nisinati dini. Noni ba mindhe po indig kep hum mem nibon midut nibiyai nikos ser sisarti pima ninggrom biprok nimbar ninggai bitai mbigom mem ari bingwam gom mbigom mem ari bingwam gom lene nok bijo ninno bijo kikau. Apiga nimbar dini ba, kwes-kwau kei mem Da di Allah.”

NEHEI LEUSI 12:16

Ma jidem yam ei mem jikuk je biDa mem njap gi nigom kin njap gi nimuhwindacan. Suar jikes jinda tut jide midyai nya mem njap dini yok lo, tut njita di jingei mem jenti lene dipai ser bi.

KISAH 27:9

Mpe dima ne Njap Ndig Midut Nibiyai Ningon Kwes Kin Allah njiriek tu. Kibar nimbutti yem nijam di jei bibor bingwig leu nye lene bon nituti dima kibar mbut mem mpia nimbum-brati hi bu bi. Gima rino Paulus sok kep timiei kibarti nya bipai biyok,

NEHEI LEUSI 31:14

Suar jinyohou njap dima nok njap di kwes mem gima jigwam kep jinghuisi. Tungwa tou rino gwam kep ninghuisi bi noro yai kep midyai mem njap dima mitug ndei hukum nimai.

NEHEI LEUSI 31:15

Ma jiyai kep jide midyai mem njap nitindur muhwindagom noro njap gi nimuhwindacan dima ne njap ndig rin ba, didimig njap dima ei mem Dani. Tungwa tou rino gwam kep ninghuisi bi noro yai kep midyai mem njap dima mitug ndei hukum nimai.

IMAM NYA IDE MIDYAI 3:17

Harin dima mben Israel igyem kep mindhe dima nimmau kin ninggrom a. Suar yoni kin yo di intun yok him ibit dicuk yokti dini bidem ibongti igwamti bijo ninno bijo kikau.

SAMUEL GI NIGOM 7:6

Gima rino yahagom induk yam kwei ei Mizpa ba, ibon midut nitau nisiber minyei ei Allah Noho bei. Leu api igyem njita bi ei ninsi njap nitindur gom dima. Yahagom ice tut yam bipai “Nibon sisar tut Allah tu.” (Ei minu Mizpa ne Samuel sindi gwam nok nikei ba, mbus mben Israel di iba ighyet dahat yam ingonti.)

EZRA 8:21

Mpe dima lene ditri tut bipia suar yo di idem yam ei minyei pimat dima yahagom igyem njita bi mem nituti poi ba, yoom yonti ei Allah Noho bei bingat nadi leu binhyepo Allah bie tut nye cem nyohou nyeni kin nimunggwom bat nya kin ndigban nyende nya hagom cem kak nimbutti dima.

IMAM NYA IDE MIDYAI 25:9

Leu api ug ei ngon bou gi nisimnai ba, bed gi nimuhwindacan di nok njap nibon midut nibiyai nikos ser mben Israel yahagom ide sisarti lene ma acuk tungwagom miep pun mbrei tirima-tirima bidem minu dima nisurti-nipekti.