IMAM NYA IDE MIDYAI 16:13 - ALLAH NIHYET MEM TUNGWATU NYA

¹³ Lene ma noni ndig biei nggrai di ui-gwang kei dima ei hum mbomti ei Doho bei leu binhyepo nimmup di brou kui binggai kep ser Brua Gi Preu nibeng ba, bit bon Harun ngat nibeng bou niyai him bimai bi. Leu gino noni ngat lene noni mimai.

IMAM NYA IDE MIDYAI 16:13 ပူးပေါင်းရင်းမြစ်များ

NEHEI LEUSI 25:21

Lene akes tig mma can pima ei Brua Gi Preuti ba, akibou kep hanyen.

NEHEI LEUSI 30:1

Mpe dima lene tuhan pai bu bak Musa “Ma aba biei meng dia bibon nimbar hum dok mem gima andig biei nggrai di ui-gwang kei nipriot eisi.

IBRANI 9:24

Lewo Kristus coi ug ei Ninsi Di Kwes-Kwau di tungwatu nya ibon bou inda him di dat Ninsi di jo kikauti bi. Noro noni coi kikau ug ei gwamti biya ei Allah Noho bei leu binhyepo ya hacan mem nye.

IBRANI 7:25

Gima rino Noni sindem mem gima teu tungwatu nya di ikwei kuk yok bak Allah tug hon Noni leu ide sisar biyai niyaijo nijep biyok bijo ninno-bijo kikau lewo Noni niyaijo kikau biya hacan mem yok ei Allah Noho bei.

MBEN ISRAEL IMBUT-MBUT NYEN 16:46

leu api Musa pai bak Harun “Ayai ade srier di mem hum mbom ba, aket hum mbom leu nimbar hum dokti ei niti lene akes biei nggrai di ui-gwang kei ei nidip a. Ma abipbur ba, aug ei limwa nya ikieti lene aba hum mbom dima bibon midut nibiyai nikos ser sisarti gau yoni. Abrim amig hak ug! Lewo tuhan nigga biborti cig-cai tu ba, nsuwer ajar cem sindi hwen yok.”

MBEN ISRAEL IMBUT-MBUT NYEN 16:18

Nok lene njap di hyep bu bikwop tungwagom-gom krau nide srier bikes hum mbom kin biei nggrai di ui-gwang kei eisi lene ya tut kui dimbou ei tuhan De Prak Meng hui bit Musa kin Harun.

MBEN ISRAEL IMBUT-MBUT NYEN 16:7

jiket hum mbom kin biei di ui-gwang kei bijiyok eisi mem njap tekti ba, jittei ug ei nimbar hum dokti. Mpe dima ne nyeni ibingat igbit imam di tuhan ninyeng tak kep pijum dima. Je di jintun keret Lewi him e, cobi! Jiyai hon tiri!”

IMAM NYA IDE MIDYAI 22:9

Suar je di imam jahagom jibit nicukti nya dini di ditri tut bak jeni. Gino jibit bi lene jitunggwei sut ba, mijimai drek dip lewo jitunggwei sut nicukti nya di kwes dima yok. Dani ne tuhan rin ba, dinyeng tak kep jeni pijum.

NEHEI LEUSI 28:43

Suar Harun kin nide nintun him yamti di bram yam nya ijuk sinsun bopen dini mpe dino icoi ug ei Ditde Prak Meng nsi kin mpe dino igya kui nimbar hum dok bigyai kep midyai nok imam di micoi ug ei Ditde Ninsi Di Kwes-Kwau cem. Nok ser nhyepo itug ndei nimai drek dip immai joti di jo brei ei tungwatu igyai him bi.”

MBEN ISRAEL IMBUT-MBUT NYEN 4:15

Tirigi jam dem mem jilet jide prak meng nya bijipri leu mpia ttou nsi gom lene suar Harun kin nipmot bat nya icoi ug ei Ditde Prak Meng nsi ba, iba minyahas binggai ndigban hagom kin nimbumbati hagom ei sirima. Gima leu ug api Kehat nide bat nya ikwei mem gima ittei ba, yuug sut. Noro ma ingget mun di kwes-kwau dima yok au. Gino ingget mun nyeng gom lene imai drek dip. Gima ne Kehat nide bat nya ide midyai di igyai ei mpe dino jilet Ditde Prak Meng bijimbut tut ri.

MBEN ISRAEL IMBUT-MBUT NYEN 4:20

Leu gino Kehat nide bat nya icoi ug ei Prak Meng nsi dima bingat lo, imam nya no igya kep nimbumbati di inggai kep bingwig bigyo dima bou igyai him lene yoni mitug ndei hukum nimai drek dip.”

NINDAT KEP TUHAN NICUKTI NYA 33:10

Yoni mingginau Ade limwa nya leu binhyepo ibit Ade nicukti nya. Yoni mibui mindhe-ndhe nya bindig kep hum ei nimbar hum dokti.