IMAM NYA IDE MIDYAI 14:13 - ALLAH NIHYET MEM TUNGWATU NYA

¹³ Lene ma imam dima bui domba pima ei mpia ttou nsi di kwes di ibui mindhe mem nibon midut nibiyai nikos ser sisarti kin nibon midut nindig mindhe titut kep humti eisi. Suar noni yai nok gima lewo mindhe di mem nibon midut nibikum Allah de ningwam kwes-kwau bibor noyam kin mindhe mem nibon midut nibiyai nikos ser sisarti pima lene ninghui mijo mem imam nya igyem.

IMAM NYA IDE MIDYAI 14:13 ပူးပေါင်းရင်းမြစ်များ

NEHEI LEUSI 29:11

Lene abui sapi dima ei Doho bei hammi dimbou hui ei Prak Meng nuhui.

YEHEZKIEL 42:13

Lene no dima pai bida, “Ig cin dima kwes-kwau. Imam nya di igya ei tuhan Noho bei he rima icoi ug eisi bigyem kep mindhe di ibui ninghui di kwes bindig ei nimbar hum dokti bak tuhan. Ba, ikes mun di ibibon midut njita nibipai sigyo bak Allahti kin midut nibiyai nikos ser sisarti kin midut nibikum Allah de ningwamti hagom bak tuhan di kwes-kwau nya ei sirima.

IMAM NYA IDE MIDYAI 1:11

Lene ma no dima bui mindhe dima ei nimbar hum dok nite bei mpia nijjai. Lene ma imam nya yehek ninggrom bibiprok nimbar hum dok nitta bitaisi.

IMAM NYA IDE MIDYAI 1:5

Lene ma noni bui sapi dima ei dimbou hui ei Prak Meng niyati leu api imam nya di intun Harun him migyai ninggrom bak tuhan leu api ibiprok nimbar hum dok di jo hammi dimbou hui ei Prak Meng niyati dima nitta bitaisi.

IMAM NYA IDE MIDYAI 10:17

“Nggon rino jiyem mikwau leu nibon midut nibiyai nikos ser sisarti pima ei mpia ttou nsi di kwes-kwau bi i? Lewo mikwau dima kwes-kwau bibor. tuhan sok nihyet tut nibon midut dima bak je di mben Israel leu binhyepo jahagom jibiyai nibikos ser jide sisar.

IMAM NYA IDE MIDYAI 2:10

Lene roti niken mijo mem imam nya bigyem. Njita dima kwes-kwau lewo imam pigig sut ei mem tuhan.

IMAM NYA IDE MIDYAI 2:3

Lene njita dima niken mijo mem imam nya igyem kep. Njita dima kwes-kwau lewo imam dima pigig sut ei mem tuhan.

IMAM NYA IDE MIDYAI 21:22

Noro disindui sut ba, noni yem kep njita di leu nibon midut njita nibipai sigyo bak Allahti di kwes kin njita gi nitin eisi di kwes-kwau cem.

IMAM NYA IDE MIDYAI 4:24

Ma noni kes ninda ei kambir nibou dip bibui ei nimbar hum dok nite bei mpia nijjai ei mpia ttou nsi gom di imam nya idigo mindhe bindig titut kikep eisi.

IMAM NYA IDE MIDYAI 4:4

Ma noni jem sapi dima kwei biya tut kui dimbou ei tuhan De Prak Meng nuhuigya. Lene ma noni kes ninda ei sapi dima nibou dip bibui ei bei Prak Meng nuhui.

IMAM NYA IDE MIDYAI 7:2

Suar imam gom bui mindhe dima ei nimbar hum dok nite bei mpia nijjai ei mpia ttou nsi di ibon midut nindig mindhe titut kep hum eisi. Lene ma noni hek ninggrom bibiprok nimbar hum dok nitta bitaisi.