IMAM NYA IDE MIDYAI 14:10 - ALLAH NIHYET MEM TUNGWATU NYA

¹⁰ Lene ma noni jem domba pmot nikre ningut can kin niwek ningut gom di ide njap ug ei ari bingwam gom ba, bok-ba bi kwei ba, ttei tepun di mini zaitun srigsi kilo ningai kin mini zaitun ningei liter niken kwei mem njap gi nimuhwindaningai.

IMAM NYA IDE MIDYAI 14:10 ပူးပေါင်းရင်းမြစ်များ

IMAM NYA IDE MIDYAI 2:1

Gino tungwagom ba nide njita hi nok gandum ngat bikuk no bak tuhan lene ma noni kes gandum dima ei tig gilingti bibon nok tepun. Lene ma noni ttin ampou tut mini zaitun bikiber hi eisi leu api ba biei nggrai di ui-gwang kei poi mien bigimahap nidip.

LUKAS 5:14

Lene Yesus cuon ser noni “Amiap e, ma aug mbot kep tut bras dima bak nindigsi nya au. Noro aug ndo nanti bak imam leu binhyepo noni bimian ser angkek dip. Leu api abon midut bit leu nok Musa nicuk nyeti nok bindo bak tungwatu yahagom bipia akei hanyen tu.”

MARKUS 1:44

“Amiap e, aug ba, ambot kep tut bras dima bak nindigsi nya au. Noro aug ndo nanti bak no di imam leu binhyepo noni bimian angkek dip. Leu api ayai mun bit leu nok Puig Yahudi nicukti pai binye nok bindo bak tungwatu nya yahagom bipia akei hanyen tu.”

MATIUS 8:4

Lene Yesus cuon ser noni “Amiap e, ma aug mbot kep tut mun di pek kep mem na dima bak nindigsi nya au. Noro aug ndo nanti bak imam leu binhyepo bimian ser angkek dip. Leu api abon midut bit leu nok Musa nicuk nyeti nok bindo bak tungwatu yahagom bipia akei hanyen tu.”

IMAM NYA IDE MIDYAI 14:21

Ne gino no dima nuhui mbum ba, ttei mun dini yok hagom kwei bak imam mem nibon midut ninghuisi kwes hanyenti dima kan bi lene ma noni jem domba pmot nikre ningut gom kwei nok mun di bon ninyeng mem nibon midut nibikum Allah de ningwam mem imam dima. Lene ma noni kon tepun di mini zaitun srigsi kilo gom kin mini zaitun ningei liter niken kwei.

IMAM NYA IDE MIDYAI 14:15

Lene ma noni hug mini zaitun pima poi mien ei nonti ninda biabei ei ninda prak.

IMAM NYA IDE MIDYAI 14:12

Lene ma imam dima yai domba pmot nikre ningut gom bitut mini zaitun niken ba, yok ei mem nibon midut nibikum Allah de ningwam. Lene ma noni pigig sut mun di bon ninyeng ei tuhan niyai him dini ei mem imam dima.

PETRUS GI NIGOM 1:19

Noro Noni ba Kristus ninggrom di tereu nok midut nibikos ser sisarti bipek je hanyen lewo Kristus ne domba di bon nimuhweisi ba, nirom kuisi rin bi.

YOHANES 6:51

Dani ne roti di yai niyaijo nijep di juk kwei leu gwamti ri. No di yem roti dini miyai niyaijo nijep di jo kikau. Roti di diyai binoni ne dinghui rin ba, diyai roti dini bak tungwatu nya leu binhyepo igyai niyaijo nijep.”

YOHANES 6:33

Lewo roti di Allah yai bije dima ne No di juk kwei leu gwamti biyai niyaijo nijep bak tungwatu dihyeisi dini nya ri.”

YOHANES 1:29

Njapti kui bu ne Yohanes ngat igbit Yesus tirigi ttau kwei. Noni pai biyok “Jingat i! Domba Pmot Allah de di kos ser tungwatu dihyeisi dini ide sisar No rima!

MBEN ISRAEL IMBUT-MBUT NYEN 28:20

Lene suar ittei tepun di iba mini zaitun bisrigsi mem nibon midut njita nibipai sigyo bak Allahti. Tepun kilo ningai mem bikwop sapi nikre ningut gom-gom lene tepun kilo can mem domba nikre,

MBEN ISRAEL IMBUT-MBUT NYEN 6:14

Lene bijem mindhe nihyen kep di kinei bi ningut ningai bak tuhan. Domba pmot nikre di nide njap ug ei ari bingwam gom ningut gom mem nibon midut nindig mindhe titut kep humti kin domba pmot niwek di nide njap ug ei ari bingwam gom ningut gom mem nibon midut nibiyai nikos ser sisarti kin domba nikre ningut gom mem nibon midut nibiyai ningon kwes kin tuhanti.

IMAM NYA IDE MIDYAI 23:13

Bitut tepun di nibuhunti kilo can di mini zaitun srigsi cem. Lene midijoi sut ninghap di ngge kei dima. Mpe dima cem ma jitau ba anggur ningei ampou nuut gom kwei biDa.

IMAM NYA IDE MIDYAI 9:1

Tirigi nibon midut nita imam nya pima ngwig leu su lene Musa hig Harun kin nipmot bat nya kin nibou mben Israel yahagom kwei mem njap di hyep.

IMAM NYA IDE MIDYAI 4:32

Ne gino no dima jem domba ningut gom kwei mem nibon midut nibiyai nide nikos ser sisarti dima lene ma domba dima niwek di bok-ba bi.

IMAM NYA IDE MIDYAI 2:13

Suar inden nsim ba, igimahap bidem ei roti ninyeng hagom di ibikuk yok bak dip lewo nsim rinok mun di bindo tut mun po tuhan preu ei mem yok pima. Suar inden nsim ba, igimahap bidem ei mun nyeng di ibikuk yok bak hagom.

IMAM NYA IDE MIDYAI 2:11

Tut roti nyeng hagom di igyai bak tuhan lene ma roti ninjep kin ahwei lon ngei srig tepunti au. Lewo Noni sindui sut gima indig roti ninjep kin ahwei lon ngei srig tepunti kep hum bak Noni bi.

IMAM NYA IDE MIDYAI 1:10

Gino tungwagom ba nide domba ningut gom e, he kambir ningut gom e, bikuk no bak tuhan lene ma noni dimig nikre di bok-ba bi.

NEHEI LEUSI 29:40

Tirigi indig domba ningut kep hum mem njap bigyokti lene ikwas ide tepun di kei-kau kilo gom kin mini zaitun di kei-kau cem liter gom srigsi. Lene ikwas ba anggur ngei liter gom tut Da.

IMAM NYA IDE MIDYAI 14:11

Lene imam dima mibuwak no dima bitut mun di noni ttei kwei dima hagom biya kui dimbou ei tuhan De Prak Meng nuhuigya.

IMAM NYA IDE MIDYAI 1:3

Gino noni jem nide sapi ningut gom kwei lene ma noni dimig nikre di bok-ba bi. Suar noni jem sapi dima kwei ba, ya tut kui dimbou ei tuhan De Prak Meng nuhui leu binhyepo tuhan joi sut noni.