IMAM NYA IDE MIDYAI 13:3 - ALLAH NIHYET MEM TUNGWATU NYA

³ Lene ma imam dima ngig niyai kep no dima nibokti. Gino ninta-nta di joti nya tiei kei ba, nibokti yem ningkek bimui lai-lai de cem lene bras mbrei yem no dima tu. Lene ma imam dima simbot dat bipia map kui no dimati.

IMAM NYA IDE MIDYAI 13:3 ပူးပေါင်းရင်းမြစ်များ

NITRITI 13:3

Noni bong-bong nyen kak puig sinon ndam minu ndig Betel bingkwei hanyen ug ei nide igkumti ei Betel kin Ai ikieti ba,

YEHEZKIEL 16:30

tuhan Di Ninyeng Jei pai “Abon munti dima yok hagom dem kep sop sundal di bit bon kan tut nimmai sut nonti kan bi.

YEHEZKIEL 44:23

Suar imam nya ingginau Ditde limwa nya leu binhyepo ibisrip tut mun di ikwas pijum ei mem tuhan kin mun di ikwas pijum ei mem bi niter leu yamti kin mun di bindei mbut nikwes-kwausi kin mun di map kuisi.

HOSEA 7:9

Ingon guhuk niti tut ide nisindemti di cut leu yok drek dip ide niyok ningon mem ngkiai di ibong ttai yok dima bi sren. Apino ide niyaijo ningwig honti dideu su lo, igikan tut bi sren.

IMAM NYA IDE MIDYAI 10:10

Dipai nok leu binhyepo jimig mbus mun di dinyeng tak kep nya kin mun di ugwai-gwai nya bijo ter leu yam. Ma jimig mbus mun di kwes-kwau kin mun di map kuisi bijo ter leu yam.

IMAM NYA IDE MIDYAI 13:10

Lene ma imam dima ngig niyai kep no dima. Gino noni tugndei nibok-bati di tiei di bindei di ninta-nta di jo nibokti dima cem tiei ba, nuwom ut eisi,

IMAM NYA IDE MIDYAI 13:2

“Gino tungwagom ningkekti bok ba, buhwei com cem bon nitigwapti di bindei dino bras mbrei yem noni lene suar jibuwak noni ug ndam imam di ntun Harun him gom.

IMAM NYA IDE MIDYAI 13:20

Lene ma imam dima ngig niyai kep nibokti. Gino ninta-nta di joti nya tiei kei ba, buhwei dima yem ningkek bimui lai-lai de cem lene ma imam dima simbot dat bipia map kui no dimati. Lewo buhwei dima bindei ba, bras mbrei sindi yem noni.

IMAM NYA IDE MIDYAI 13:4

Ne gino nibokti tiei kei lo, yem ningkek bimui lai-lai de ba, ninta-nta di joti nya tiei kei bi cem lene suar no dima bong ei prak meng gomti binongkom ei minu ting leu nindigsi nya mem mmun-njap muhwindacan.

IMAM NYA IDE MIDYAI 13:8

Gino imam dima ngig niyai kep no dima hanyen bingat lo, nibokti ullen lene ma noni simbot dat bipia map kui no dimati lewo bras mbrei yem noni tu.

IMAM NYA IDE MIDYAI 14:37

Tirigi imam ngig niyai kep nisgwa nutti dima bingat lo, niwer nimahaisi kin ningwoisi dima yem dring bidem kep nok prap yem dring lene,

IMAM NYA IDE MIDYAI 14:54

Gini ne nicukti tut bras mbrei di yem tungwatu nya,

IMAM NYA IDE MIDYAI 14:56

kin buhwei di com tungwatu nya kin yoni ingkek dip di nonti bok bidwoi ri.

IMAM NYA IDE MIDYAI 5:3

Gino tungwagom bisinggre bingget hiter de mun di map kuisi bi lo, hammi tirigi noni kan tut mun di noni yai dima lene map dima kui noniti ba, ningon mui.

HAGAI 2:11

bipai bak “Ma ahig ser imam tut ide nikos tutti tut munhyet dini.

MALEAKHI 2:7

Suar imam nya ingginau ide limwa nya leu binhyepo ingon jo kep Da di tuhan Di Dinyeng Jei Bibor. Suar yo dima ihig ser imam nya tut dingon kanti lewo imam nya igya hacan mem Da.

MATIUS 16:19

Midiyai kusin mem Allah Ninyeng Tak Kepti bina leu binhyepo mun di aggai ser ei dihyeisi dini lene Allah ei gwamti ggai ser. Mun di asindui sut ei dihyeisi dini lene Allah ei gwamti sindui sut.”

YOHANES 20:23

Gino jikos ser tungwatu nya ide sisar lene Allah cem kos ser ide sisar. Gino jikos ser ide sisar bi lene Allah cem kos ser ide sisar bi.”

KISAH 20:28

Ma jinyohou jenti kin jide domba nya di Allah Ninnei ba ningon com je tut cem yahagom. Ma jinyohou jide mbusyamei nya noyam kin gembala di nyohou domba nya lewo Allah bindei ba, Nonti nok niceu mem mbusyamei nya tug hon Nipmot nimaisi.

ROMA 7:7

Gi nok ne ipai mindei i? Ipai Puig Yahudi niggai serti kinei e? E bi! Noro Puig Yahudi niggai serti dima ribindei dino dikan tut sisar. Gino Puig Yahudi niggai serti dima cuon ser sisar ningon pri kep mun di hiter mbunti bi ne dingon hukti tut sisar dima bi.

TIMOTIUS GI NIGOM 1:20

Yo dini bihi nok Himeneus kin Aleksander. Dikes yok ei Bilis nindati leu binhyepo itug ndei hukum leu binhyepo hukum dima bindei ba, ikes hon bikucang Allah bu bi.

2 TIMOTIUS GI NICAN 3:13

yo di isibut kin yo di iris mun ei hiterti nya mibikum ei ide mun di kineiti ba, ibiris bak tungwatu nya kikau lo, yonti cem micut bak yo di iris mun biyok nya ri.

IBRANI 13:7

Ma jiyok ngon kep jide nibou timiei nya di itri tut Allah nihyet bije. Ma jikan-kan nyen tut igyai munti nya kin imaisi bijiyai bram ide niba ningon com Allahti.

NINGAT-HI-NGAT NYA 2:23

Leu api midihwen nide limwa nya cem leu binhyepo mbusyamei nya yahagom ikan tut bipia Dani ne No di yok niyai kep tungwatu nya yahagom ikan-kan nyenti kin ingonti ri. Dibirop hanyen bije bit leu nok jiyai munti nya.