IMAM NYA IDE MIDYAI 12:8 - ALLAH NIHYET MEM TUNGWATU NYA

⁸ Lene gino sop dima nyeng tut domba pmot hi bi lene ma noni krau ha tekukur e, he hakimoi mbrei ningut can e, kwei. Bihi mem nibon midut nindig mindhe titut kep hum lene bihi mem nibon midut nibiyai nikos ser sisarti. Lene suar imam dima bon midut di bindei ciu ser map di kui sop dimati leu binhyepo noni kei hanyen.”

IMAM NYA IDE MIDYAI 12:8 ပူးပေါင်းရင်းမြစ်များ

IMAM NYA IDE MIDYAI 1:14

Gino tungwagom ba nide ha bikuk no bak tuhan lene ma noni krau ha ningut gom leu ha tekukur e, he hakimoi mbrei e, kwei.

IMAM NYA IDE MIDYAI 12:7

Lene ma imam dima bui domba pmot dima ei tuhan Noho bei leu api ba hakimoi can dima bibon midut di bindei ciu ser map di kui sop dimati. Lene sop dima ninghuisi mikwes hanyen. Gima rino suar sop nya igyai nibon midut dini ei niabiati isrek tut imunggwom leu su.

IMAM NYA IDE MIDYAI 13:1

Lene tuhan sok nihyet bak Musa kin Harun bipai,

IMAM NYA IDE MIDYAI 14:21

Ne gino no dima nuhui mbum ba, ttei mun dini yok hagom kwei bak imam mem nibon midut ninghuisi kwes hanyenti dima kan bi lene ma noni jem domba pmot nikre ningut gom kwei nok mun di bon ninyeng mem nibon midut nibikum Allah de ningwam mem imam dima. Lene ma noni kon tepun di mini zaitun srigsi kilo gom kin mini zaitun ningei liter niken kwei.

IMAM NYA IDE MIDYAI 14:22

Lene ma noni krau ha tekukur e, he hakimoi mbrei ningut can e, kwei. Haba gom mem nibon midut nibiyai nikos ser sisarti lene haba gom bu mem nibon midut nindig mindhe titut kep hum.

IMAM NYA IDE MIDYAI 15:14

Lene suar noni krau hakimoi mbrei nibo yo can e, he ma krau ha tekukur nibo yo can buug sut ug ei dimbou tuhan De Prak Meng nuhui bikes bak imam ei njap gi nimuhwindaningai.

IMAM NYA IDE MIDYAI 15:15

Suar imam dima bui ha dima ningut gom bindig kep hum nok mun di ibui bibam mem nibon midut nibiyai nikos ser sisarti. Lene noni bui gi hi dima bibam mem nibon midut nindig ha titut yam kep hum. Tug hon nisinati dima lene imam bon midut nipiap no dima bipwoi ei tuhan Noho bei.

IMAM NYA IDE MIDYAI 15:29

Lene suar noni krau hakimoi mbrei di nibo yo can e, he ma krau ha tekukur di nibo yo can e, buug sut ug ei dimbou tuhan De Prak Meng nuhui bikes bak imam ei njap gi nimuhwindaningai.

IMAM NYA IDE MIDYAI 4:26

Lene ma imam dima ndig nimmau hagom kep hum ei nimbar hum dokti bit leu nok niyai kepti tirigi po noni ndig sapi kep hum mem nibon midut nibiyai ningon kwes kin Allahti pima. Nok gima lene imam mibon midut mem nibou mben Israel nide sisar di noni bon bisinggre bi dima leu binhyepo tuhan mikos ser nide sisar.

IMAM NYA IDE MIDYAI 5:11

Gino no dima ma ha tekukur can kin hakimoi mbrei can bi lene ma noni ug yai tepun kilo can kwei nok mun di biluei sisar dima. Lene ma mini zaitun kin biei nggrai di ui-gwang kei srig tepunti au. Lewo tepun dini mem nibon midut nibiyai nikos ser sisarti lene mem nibon midut njita nibipai sigyo bak Allahti pima bi.

IMAM NYA IDE MIDYAI 5:7

Gino no di bon sisar dima ma domba e, he kambir e, mem gima biluei nide sisar hi bi lene ma noni krau ha tekukur can e, he hakimoi mbrei can e, kwei. Haba gom mem nibon midut nibiyai nikos ser nide sisarti lene haba gom bu mem nibon midut nindig mindhe titut kep hum.

MATIUS 21:12

Lene Yesus coi kikau ug ei Tuhan De Ig leu api jji nitri-nipek kep mun cig nya yahagom leu mpia dima. Noni njei bilen di iluei mitiei eisi kin yo di itri hakimoi nya ide bilen hagom ug ei ansan dip.

KORINTUS GI NICAN 8:9

Jikan tut ide Tuhan Yesus Kristus nisingat tut nyeti di nindig bibor. Mbro nok gino Noni nyeng tut mun nyeng hagom lo, kes mun dima yok hagom ei leu bibibon Nonti nuhui mbum drek dip je leu binhyepo ba nuhui mbumti dima bibindei bijinyeng bibor.