IMAM NYA IDE MIDYAI 11:8 - ALLAH NIHYET MEM TUNGWATU NYA

⁸ Mindhe-ndhe ninyeng bitai dini ne ma jiyem inghui ba, jingget ingut cem au. Lewo map kui hagomti.

IMAM NYA IDE MIDYAI 11:8 ပူးပေါင်းရင်းမြစ်များ

IBRANI 9:10

Mun dima yok hagom bindo tut mun di pror yon nok njita di igyem kin ndia ngei di idut kin nidimig sutti tut nipiap nindati kin nipiap njitati cem. Nidimig sutti dima yok hagom mbut kikau bi noro mipror yon mpe dino Allah bindei mun nyeng hagom nijep bu.

KOLOSE 2:16

Gima rino ma jisindui sut tungwatu nya ba, iba ighyet biyai je drek dip njita di jiyem kin ndia ngei di jidut kin njap nindig nya kin pesta di jibon kep bed jep nya kin Njap Nigwam Kep Ninghuisi au.

HOSEA 9:3

Je di mben Israel e, mijibong kikau ei minu di tuhan yai bije bi. Suar jingkwei hanyen ug ei minu Mesir. Lene suar jiyem njita nipigig ser di bindei ba, map kui jeti ei minu Asyur.

YESAYA 52:11

Je di jittei tuhan De Ig nimbumbati nya bijikwei sut e, ma jikes minu Babel ei ba, jikwei leu! Ma jingget mun di map kuisi au. Lene ma jitin ei jingon di kwes kei nipou tirigi jikwei krau bigyo.

IMAM NYA IDE MIDYAI 5:2

Gino tungwagom bisinggre bingget mun di map kuisi nok mindhe ningut di mpiei bi lo, hammi tirigi noni kan tut mun di noni yai dima rino map dima kui noniti ba, ningon mui.

EFESUS 5:11

Ma jiyai bram tungwatu nya igyai kepti di bon ninyeng bi nya au. Lewo igyai kepti dima yok ntun ingon di dindi him. Noro ma jiba nipigati bipiga digai hagom. (

EFESUS 5:7

Gima rino ma jimbres jenti leu yo dima.

KORINTUS GI NICAN 6:17

Gima rino ma jikes yo di ingon jo kep bi nya bijimbres jenti leu yok. Ma jipriet kin mun di bindei di map kui jeti au. Leu api diya um je.

KORINTUS GI NIGOM 8:8

Ningat ne njita bikum ei ide ningon kwes kin Allahti bi. Gino igyem njita lene gima bindei ba, itug ndei mun di kei hi bi. Gino igyem njita bi lene gima bindei ba, ikrau tunggwei mun di kei cem bi.

ROMA 14:21

Gi kei mem jimbres jenti leu mikwau di jiyem kin ba anggur ningei di jidut kin jiyai munti nindigsi nya di bindei dino jisut no di ningon jo kep cut ei sisarti.

KISAH 15:29

Nicukti di bon ninyeng dima rino ma jimbres jenti leu mikwau di tungwatu ipigig ser di ibui bak kwar di ikuk yok bak nya kin niyem ninggromti kin mindhe di iba kuk bikri kep nikimam di ninggrom huisi kin nicut tut yamti. Gino jimbres jenti leu jiyai kepti di kinei dini yok hagom lene gini kei bibor mem je. Jicem o!”

KISAH 10:28

Lene noni pai biyok “Jo nibreisi mem je bipia mben Yahudi ide nicukti ggai ser nye bipai bipia harin dima nuug cem kep ngkiai nya ide ig ba, nisrig ikieti cem a. Noro Allah pingok dingonti leu binhyepo dimbus nggok tungwatu nya ba, dingat bihi nok yo di nirom kuisi au.

MARKUS 7:18

Gima rino Noni buhup “Jeni cem jingon dorti bi e? Jikan tut bipia mun di coi ug ei tungwagom ninsi bindei ba, map kui noti bi, bi e?

MARKUS 7:15

Mun di coi ug ei tungwatu nya insi bindei ba, map kui yok bi noro mun di tibim kwei leu yuhui him he bindei ba, map kui yok.” [

MARKUS 7:2

Yoni ingat lo, yo di igya kui Noni ipiap inda bit leu Puig Yahudi nidimig sutti leu api igyem njita bi.

MATIUS 15:20

Mun dima yok bindei ba, map kui yokti. Noro tut gi iba inda di ipiap haigtu bi bigyem njita ne gima bindei ba, map kui yokti bi.”

MATIUS 15:11

Mun di coi ei tungwatu nya insi bindei ba, map kui yokti bi. Noro mun di tibim kwei leu yuhui him he rino bindei di map kui yokti.”

IMAM NYA IDE MIDYAI 11:7

Lene ma jiyem na nghui au. Lewo map kui na nyati drek dip gi injou nggram noro itai-tai nyen njita bi.

IMAM NYA IDE MIDYAI 11:9

Ma jiyem wau di bon nikra kin ninnan hagom inghuigya.