IMAM NYA IDE MIDYAI 10:9 - ALLAH NIHYET MEM TUNGWATU NYA

⁹ “Tirigi niabiati jidut ba anggur ngei kin mun ngei di pu yok bingwig leu su lene harin dima nani kin apmot bat nya jicoi ug ei Ditde Prak Meng nsi a. Gino jipigau nicukti dini lene mijimai hak ri. Suar ade nintun him yamti di bram yam nya cem yahagom ibit dicuk jeti dini kikau.

IMAM NYA IDE MIDYAI 10:9 ပူးပေါင်းရင်းမြစ်များ

NEHEI LEUSI 27:21

Ma Harun kin nipmot bat nya itin mini njeng dima mem mmunti binjeng kikau ug bipek njap bigyoti ei Prak Meng di dittau kep je eisi. Ma ikes mini njeng nidihim dima bijo bei ban mbrawin nisai ba, Brua Gi Preu cem jo ei sirima ei ban mbrawin nite dima kwei. Suar mben Israel kin ide nintun him yamti di bram yam nya yahagom igyai bit leu nok dicuk nati dini bijo ninno bijo kikau.”

NIPINGOK NINGONTI 20:1

No di dut pes di pu no ningkek ndok lewo nidut pesti bindei ba, tungwatu nya iliriem yam ba, ibui yam drek dip.

YESAYA 28:7

Nabi nya kin imam nya cem idut anggur ngei kin pes di pu yok bibor. Yoni imbut bitti-tti nyen ba, indrat mpia lewo ibou buwei bibor. Apino bit bon nabi nya ingon dorti tut ningat-hi-ngat di Allah yai biyok kan bi. Bit bon imam nya igwam nok nikei bimbus tungwatu nya ingonti tut ide munhyet kan bi.

YEHEZKIEL 44:21

Nipou tirigi icoi ug ei mpia di jo bas hak gi ninsi bigyo lene ma idut ba anggur ngei au.

HOSEA 4:11

tuhan pai “Ditde limwa jen, ba anggur nitimiei kin nijep bindei ba, nisindemti mem jikan-kan nyenti di kei pren leu je.

IMAM NYA IDE MIDYAI 10:8

Lene tuhan pai bak Harun,

IMAM NYA IDE MIDYAI 3:17

Harin dima mben Israel igyem kep mindhe dima nimmau kin ninggrom a. Suar yoni kin yo di intun yok him ibit dicuk yokti dini bidem ibongti igwamti bijo ninno bijo kikau.

MBEN ISRAEL IMBUT-MBUT NYEN 6:20

Leu api imam su njita dima nok mun di ipigig sut pijum ei bak tuhan. Gi hi dima ne mun di kwes-kwau di imam ma bou no nok nide. Ba, gini kum ei domba nikre ningget kin nindimuhum di imam ma bou no nok nide bit leu nicukti nindoti. Gima leu ug api isindui sut ba, no di nggre kin nimpung nazir pima midut ba anggur ngei hanyen.

MBEN ISRAEL IMBUT-MBUT NYEN 6:3

lene ma no dima dut ba anggur ngei kin pes di ten di iba ba anggur ngat kin biei ngat nindigsi nya bibon au. Ma noni yem ba anggur ngat di ngun kin gi ngak cem au. Lene ma yem mun nyeng hagom di iba ba anggur ngat bibon,

LUKAS 1:15

Noni miyai ninyeng di jei ei Allah niyai him. Ma noni dut ba anggur ngei kin mun di pu tungwatu nya au. Ninnei Gi Kwes misrek kwei ei ningonti nipou tirigi nipmem srek tut bigyo.

EFESUS 5:18

Ma jisindui sut ba anggur ningei pu je au. Lewo gima bindei ba, jiyaijoti kinei bibor. Noro ma jiyai jingon di mpung tut Allah Ninnei nisindemti.

TIMOTIUS GI NIGOM 3:3

Suar noni mbres nonti leu mun di pu tungwatu nya. Ma noni gga igkei au. Noro ma ningon jo nyahan. Ma noni ngat ningwes ei mitieiti au.

TIMOTIUS GI NIGOM 3:8

Suar yo di igya kui nibou nya ingon kwes ba, ingon gom cem. Ma idut ba anggur ngei nindig di pu yok au lene ma ingon pri kep mitiei nindig bibor au.

TIMOTIUS GI NIGOM 5:23

Ma adut minyei he au. Noro ma adut ba anggur ngei poi mien cem ser anghop di dut lewo anggwen-nggwen nyen.

TITUS 1:7

Suar nibou mbusyamei ningon gom lewo ninyeng tak kep Allah de midyai nya. Ma ningon jei cem gga-gga wai cem dut mun di pu noni cem bui tungwatu nya cem ningon pri kep mitiei nindig bibor cem au.