IMAM NYA IDE MIDYAI 10:6 - ALLAH NIHYET MEM TUNGWATU NYA

⁶ Lene Musa pai bak Harun kin nipmot bat cin di Eleazar Itamar nya “Ma jibou jo hak ba, jirik jide sinsun rok him cem nok bindo bipia jingon ngguk tut nimai au. Gino jisrep tut dicuk jeti dini lene mijimai hak leu api tuhan ningon misibui sut nye di mben Israel yahagom ri. Noro nna ba mben Israel nindigsi nya ingon ngguk tut bipim kep yo cin di tuhan de hum yem yok dini.

IMAM NYA IDE MIDYAI 10:6 ပူးပေါင်းရင်းမြစ်များ

SAMUEL GI NICAN 24:1

Mpe di gom bu ne tuhan gga mben Israel apino Noni bindei ba, mun di buhun bibor cut igkep yok drek dip Daud ningon kanti. Nok rino tuhan pai binoni “Apas kep tentara Israel kin Yehuda nya inyeng ba, akwop imangti.”

NEHEI LEUSI 33:5

Lewo tuhan sok nihyet ei Musa dip mem yoni bipai “Jingkek ndok bibor. Nok gino dingat rin bit je jei bi lo, midicok tut je bijingwig. Gima rino ma jipas jide mun di jindei hagom leu api midikos tut dingon kanti mem je.”

NEHEI LEUSI 6:23

Lene Korah yai nipmot bat nya ibou ningai di inyeng rino Asir kin Elkana kin Abiasaf. Yo dini ne pung di Korah de keret nya intun him ri.

YEREMIA 7:29

tuhan pai “Je di timiei minu ndig Yerusalem e, ma jingon ngguk bibor! Ma jikak jibou nta bijicom! Ma jipim bijibikiek nimai nya ei mbigdip nya lewo Da di tuhan dingon sibui sut je ba, dikou sut jahagom.

IMAM NYA IDE MIDYAI 13:45

Suar yo di bras mbrei yem yok ijuk sinsun di rik-ta ba, ibou jo hak cem iba sinsun nghas binggai kep ser ihwap kin yuhui cem yahara kikau bipia “Map kui dati o! Map kui dati o!” lene nok.

MIKHA 1:16

Je di mben Yehuda e, ma jikos jibou nta nok mun di bindo bipia jingon ngguk tut jimunggwom bat di jingon ngakei yok nya. Ma jikak jibou nta bidia kei noyam kin ha di nindig krop di yem kep mun di mai nya lewo jide siceu nya mikat jimunggwom bat nya ug ei ingkiaisi.

MBEN ISRAEL IMBUT-MBUT NYEN 1:53

Noro suar yo di intun keret Lewi him yohok ide prak meng bikrop ttai Ditde Prak Meng dima. Lene igya ser leu binhyepo tungwa hi dideu bi. Leu gi nok lene gima mibindei ba, digga yok bidikes hukum ei mben Israel dip.”

MBEN ISRAEL IMBUT-MBUT NYEN 14:6

Lene Yosua di Nun nipmot kin Kaleb di Yefune nipmot po ibit yo di imbris nyahan biyuug yok itta kep minu Kanaan pima irik ide sinsun nok bindo bipia ingon buhun bibor.

MBEN ISRAEL IMBUT-MBUT NYEN 16:22

Noro Musa kin Harun ikuk yok lene iba ingwak bikik dihyei leu api yahara “Allah e, Nani ne nibousi mem mun di yai niyaijoti nya hagom. Gino tungwagom ngat he bon sisar lene ma agga limwa nya yahagom e?”

MBEN ISRAEL IMBUT-MBUT NYEN 18:5

Suar na di Harun kin apmot bat nya he rima jiyai jibou tut midyai nya ei Ninsi Di Kwes kin gi ei nimbar hum dok leu binhyepo digga mben Israel hanyen bu bi.

MBEN ISRAEL IMBUT-MBUT NYEN 20:25

Ma abuwak Harun kin nipmot Eleazar bijikui ug ei Nungug Hor.

MBEN ISRAEL IMBUT-MBUT NYEN 5:18

Leu api kwek minyahas di nggai kep sop dima nibou nta leu lene kes tepun nikwas nibindat niba ningon ko pima ei nindati ba, imam nonti krau minyei mpo-mpam di bindei nisigion sop dima ei nindati.

NINDAT KEP TUHAN NICUKTI NYA 33:9

Yoni ingon gom tut Nani nindig bibor leu gima ingon gom tut icig bat-ipmem bat nya kin ikindig bat-ikinjoi bat nya kin imunggwom bat nya yahagom. Yoni ibit acuk yokti nya ba, ingon gom tut mun po apreu ei mem yok pima.

YOSUA 22:18

Nogindini mijiba jinghim bak tuhan bu e? Gino njap di ammani jikiek ba, jaham jimbuk kep tuhan lene njap di hyep bu Noni migga mben Israel yahagom ttei yam drek dip.

YOSUA 22:20

Ma jiyok ngon kep Akhan di Zerah nipmot po kou sut gi bit tuhan nicukti tut ndigban di suar ibindei sar hagom pima apino ningat mindei rintun him i? tuhan kes hukum ei mben Israel dip ttei yam drek dip. Akhan nongkom ngat he rino bon sisar noro nongkom ngat he rino tug ndei nimai drek dip bi.”

YOSUA 7:1

tuhan pai bak mben Israel tu bipia suar ibindei sar ndigban hagom ei minu ndig Yerikho bihigom lene ma igyai mun nyeng gom mem yonti au. Noro ibit nicukti dima bi. Apino tuhan gga limwa mben Israel bibor drek dip pinai gom di ninyeng Akhan bon mun tunggwei nicukti dima. (Akhan nicig ninyeng rino Karmi ba, nignyon ninyeng rino Zabdi leu Zerah ninsi de ei keret Yehuda.)

YOSUA 7:11

Mben Israel ibon sisar tu! Dicuk yok leu binhyepo ibit gi preu di yoni kin Dani nipreu ei biyam tu noro igyai mun tunggwei sut! Lewo ipos ndigban di suar ibindei sar pima hi nyahan ba, inggimang lene iku nyahan ei ndigban nggreti di ide nya leu binhyepo hi kan tut bi.