IMAM NYA IDE MIDYAI 10:3 - ALLAH NIHYET MEM TUNGWATU NYA

³ Lene Musa pai bak Harun “Mun di cut igkep yo dima bit leu nok gi po tuhan sok kep nye tut tirigi po Noni pai bipia suar yo di igyai kep Nide midyai ikuk yok bak Nide nikwes-kwausi. Noni mindo Nide nikei-kau-keisi bak Nide limwa nya yahagom pima.” Pai nok noro Harun kum nuhui kep bibuhup bi.

IMAM NYA IDE MIDYAI 10:3 ပူးပေါင်းရင်းမြစ်များ

NITRITI 18:25

Dem mem gima acok tut yo di ingon ngun kin yo di ingon mui yahagom srig yamti bi. Gima igbit bi! Bit bon ayai nok gima bi! Gino ayai nok lene yo di ingon ngun nya mitug ndei hukum noyam kin yo di ingon mui nya lene gini dem tut bi. Suar no di nok nikei mem mpia-bbed him kin dihyeisi dini ba ningon sren biyai nibou tut.”

AYUB 2:10

Noro Ayub buhup “Mbenjen! Ambrap nok mibbwe mbrapti! Mpe di Allah njei mun di kei bak sani lene siyai leu Noni lo, mpe di Noni yai mun di buhun bisa lene sikou sut e?” Mbro nok gino mun di buhun bibor cut igkep Ayub tu lo, nihyet wer mpiahi tut Allah bi sren.

MAZMUR 119:120

Didigit lewo dittin tut Nani ba, didigit tut Ade nikos tutti nya.

MAZMUR 148:14

Noni ribindei dino Nide limwa nya inok mben di isindem bibor leu binhyepo Nide limwa di ningon kieti nya minggei sut Noni. Jikwei ba, inggei sut tuhan!

MAZMUR 39:10

Digwam nyahan bidimmou kei ba, dahap diji bi lewo Nani rino attem da.

MAZMUR 39:9

Ateu da leu ditde sisar nya hagom lene ma asindui sut ba, yo di ingon mbum nya iba da bikek au.

MAZMUR 46:10

Noni bindei ba, tungwatu dihyeisi dini hagom ikes hon ba, ikon pran bu bi. Noni dahat hampiap nya kin micim nya bingwig bindig mun di ibipukep ser tibor ninggwenti nya hagom kep hum.

MAZMUR 89:7

tuhan e, hiter noyam kin Nani ei mpia-bbed him bi. Ade awak di apai tes nya ei gwamti hi dem kep nok Nani bi.

MAZMUR 93:5

tuhan e, akos tutti nya jo ninghig-niker. Ade Ig kwes-kwau cem bijo ninno bijo kikau.

NEHEI LEUSI 14:17

Midibindei ba, mben Mesir ingkek ndok bibor apino yoni miyuhuk bram je di mben Israel kak muk tti leusi. Leu api midindo Ditde nisindemti brei bak Firaun kin nide tentara nya kin nide kroba pran nya kin nide yo di ibri bikrau nya.

NEHEI LEUSI 14:4

Mpe dima lene midibindei ba, Firaun ningkek ndok bibor bu leu api noni muhuk bram je. Noro midindo Ditde nisindemti brei binoni kin nide tentara tirigi dibindei timek yok. Leu binhyepo yoni mikan tut bipia Dani ne tuhan ri.” Lene mben Israel igyai hagom bit leu nok tuhan nicuk yoti.

NEHEI LEUSI 19:22

Gino imam bihi ikwei dideu Da lene suar ibon midut ser ma map kui yokti bi. Gi bi lene midikes hukum ei yok dip.”

NEHEI LEUSI 19:24

Lene tuhan buhup “Ma ajuk ba, abuwak Harun hanyen bikui kwei bit na. Noro ma imam nya kin ide limwa nya ipigau hanjop bikui kwei ndam Dani au. Gino ipigau hanjop lene midikes hukum ei yok dip.”

NEHEI LEUSI 30:30

Lene attin ampou tut mini ba, akiber ei Harun kin nipmot bat nya ibou nggram him ba, ata yok nok imam di igyai kep midyai mem Da.

YESAYA 39:8

Lene Nibou Ndig Hizkia buhup “tuhan nisokti di apai sut bida dima kei.” Hizkia buhup nok gima lewo kan “Gino side ninyeng tak kepti jo nyahan ba, side nibong kei nigwam keisi mbut kikau mem nijam di siyaijo ei dihyeisi dini yo lene gima dem.”

YESAYA 49:3

Noni pai bida “Na di mben Israel e, duubon na nok awak mem Da. Tungwatu dihyeisi dini minggei sut Da drek dip na.”

YESAYA 52:11

Je di jittei tuhan De Ig nimbumbati nya bijikwei sut e, ma jikes minu Babel ei ba, jikwei leu! Ma jingget mun di map kuisi au. Lene ma jitin ei jingon di kwes kei nipou tirigi jikwei krau bigyo.

YEHEZKIEL 20:41

Niabiati bu tirigi dibuwak je kwei leu minu di dibindei ntek gimahap je ug eisi nya tu ne midiba je bicom yam. Midijoi sut jide midut nindig mindhe-ndhe ei nimbar hum dokti nya. Leu api ngkiai nya yahagom mikan tut bipia Da dini ne Allah Di Kwes-Kwau ri.

YEHEZKIEL 28:22

Atri tut bak timiei nya bipia Da di tuhan Di Dinyeng Jei Bibor dipai ‘Minu ndig Sidon e, Da dini ne ade nitok ri. Tungwatu nya mikon dinyeng tug hon Ditde niyai nibou tut nati. Mpe dino dikes hukum ei ade timiei nya dip ne ikan tut bipia Dani ne tuhan di Kwes-Kwau ri.

YEHEZKIEL 38:16

Leu api acoi ba, ahwen Ditde limwa di mben Israel. Ahwen yokti dem kep nok hou sigau di cut di hwen dihyeisi dini. Gino nitutti dem ne midipinak na mem gima ayai Ditde dihyei ba, ayati. Nibou ndig Gog e, midihwen yok tug hon na leu api tungwatu nya yahagom mikan tut bipia dinyeng rino Allah di Kwes-Kwau.

YEHEZKIEL 40:46

Ba, ig jibei di ikiek dimbou hui ndam bei mpia nijjai dima mem imam nya di igyai midyai kui nimbar hum dokti. Suar imam dima yok yahagom leu yo di intun Zadok him. Lewo Lewi ne pung di Zadok ntun him rin ba, yo dima he rima igya ei tuhan Noho bei mem gima ibiyai midyai nibikuk yok bak Noni.

YEHEZKIEL 42:13

Lene no dima pai bida, “Ig cin dima kwes-kwau. Imam nya di igya ei tuhan Noho bei he rima icoi ug eisi bigyem kep mindhe di ibui ninghui di kwes bindig ei nimbar hum dokti bak tuhan. Ba, ikes mun di ibibon midut njita nibipai sigyo bak Allahti kin midut nibiyai nikos ser sisarti kin midut nibikum Allah de ningwamti hagom bak tuhan di kwes-kwau nya ei sirima.

IMAM NYA IDE MIDYAI 21:15

Gino imam dima tunggwei nicukti dima lene mibindei ba, map kui nimunggwom bat di suar ingon kwes nyati. Dani ne tuhan rin ba, dinyeng tak kep noni pijum nok Imam Nibou Ndig.”

IMAM NYA IDE MIDYAI 21:17

bak Harun, “Harin dima ade nintun him di bram yam nya di bon ningut nimbumbati gom kinei nyohou dimig nibon midut njita nibipai sigyo bak Allahti bou diyai him a. Nicukti dima bijo ninno bijo kikau.

IMAM NYA IDE MIDYAI 21:21

Harin dima no di ntun Harun him di bon ningut nimbumbati gom kinei dima nyohou dimig nibon midut njita nibipai sigyo bak Allahti bou diyai him a.

IMAM NYA IDE MIDYAI 21:6

Dinyeng tak kep noni pijum ba, harin dima noni bibon dinyeng kinei a. Noni nyohou dimig nibon midut njita nibipai sigyo bak Allahti bou diyai him. Gima rino suar ningon kwes.

IMAM NYA IDE MIDYAI 21:8

Suar mben Israel igyok ngon kep bipia dinyeng tak kep imam pijum lewo noni nyohou dimig nibon midut njita nibipai sigyo bak Allahti bou diyai him. Dani ne tuhan ri. Dani dingon kwes ba, dibindei Ditde limwa nya cem ingon kwes.

IMAM NYA IDE MIDYAI 22:9

Suar je di imam jahagom jibit nicukti nya dini di ditri tut bak jeni. Gino jibit bi lene jitunggwei sut ba, mijimai drek dip lewo jitunggwei sut nicukti nya di kwes dima yok. Dani ne tuhan rin ba, dinyeng tak kep jeni pijum.

IMAM NYA IDE MIDYAI 8:35

Suar jibong ser dimbou hui kui Prak Meng dini mem mmun-njap nitindur muhwindacan bijibit leu tuhan nicuk jeti nya. Gi bi lene mijimai hak. Dicuk jeti dini hagom tibim kwei leu tuhan Nonti nuhui him.”

MBEN ISRAEL IMBUT-MBUT NYEN 16:5

Leu api pai bak Korah kin yo di igya kui noni “Njap di hyep bu mem mpia tekti api tuhan mindo igbit Nide imam di ninyeng tak kep pijum. tuhan misindui sut imam di Noni ndo ei su dima nongkom ya dideu Noni ei bei nimbar hum dok.

MBEN ISRAEL IMBUT-MBUT NYEN 20:12

Noro tuhan srep tut Musa kin Harun bipai “Jiba jingon com Da haigtu ba, jindo Ditde nisindemti di kwes-kwau brei ei mben Israel igyai him bi. Gima rino midice tut gima jibuwak mben Israel ug ei minu po dipreu ei mem yok pima bi.”

MATIUS 10:37

No di ningon ngakei nicig kin nipmem nindig dor njiriek ningon ngakei Dati ne dem mem noni ya kui Da bi. No di ningon ngakei nipmot kin nipmisop nindig dor njiriek ningon ngakei Dati ne dem mem noni ya kui Da bi.

YOHANES 12:28

Arig e, akum ei Ade ninyeng jei biborti o!” Yesus pai nok rino nihyet gom tibim kwei leu gwamti bibuhup “Dikum ei Ditde ninyeng jei biborti tu ba, midibikum eisi hanyen bu.”

YOHANES 14:13

Mun nyeng dino jahara Da tut tug hon dinyeng lene midibirop hanyen bije leu binhyepo Dicig de nikei-kau-keisi jo nibreisi tug hon Nipmot di Dani.

NINDAT KEP TUHAN NICUKTI NYA 32:51

Lewo jahacem jingon gom tut Da ba, jikon dinyeng ei mben Israel yoho bei bi tirigi po jingat rin ei minyei bousi Meriba di jo dideu Kades ei iggum ndigsi Zin pima.

TESALONIKA GI NICAN 1:10

Ba, gini hagom mipek kep mem njap dino Noni kwei hanyen leu api Nide limwa nya yahagom inggei sut Noni bikon ninyeng cem. Jeni cem jicoi bit yo dima lewo jingon jo kep nihyet di nitri tut bije tu.

PETRUS GI NIGOM 4:17

Nijam mem Allah mbus tungwatu nya ingonti dideu su. Noni mimbus Nide limwa nya ingonti bibie. Gino Noni kinyon ei nimbus ingonti bibie ne notou mem yo di ingon jo kep Allah Nihyet Di Kei bi nya i?

SAMUEL GI NIGOM 2:30

Dani ne tuhan bidinok mben Israel ide Allah rin ba, dipreu ei mem jide keret nya nipou su bipia nani kin yo di intun nani him mijiyai kep midyai nok imam mem Da bijo ninno bijo kikau. Noro nogindini midiluei dingonti tut dipreu eisi pima ug ri. Hon kep ammani kui lene midijoi sut yo di ikuk yok biDa lo, midingon mpo tut yo di ingon mpo tut Da.

SAMUEL GI NIGOM 3:18

Gima rino Samuel pai sut hagom brei bak Eli biku mun nyeng gom ei ningonti bi. Leu api Eli pai “Noni ne tuhan rin ba, miyai hagom bit leu Nonti ningon kanti mem nye.”

SAMUEL GI NIGOM 6:20

Lene mben Bet-Semes ipai biyam “Nyeni ne dem mem gima tuhan ningat rin ei nyeni ikieti bi. Ma ipinak Nide Brua Gi Preu ug ei sitou leu binhyepo jo minu ting bibor leu nye i?”