IMAM NYA IDE MIDYAI 10:14 - ALLAH NIHYET MEM TUNGWATU NYA

¹⁴ Lene Noni sindui sut gima jeni kin jide bat nya jahagom jiyem mindhe ningget kin nindimuhum di nok mun di bon ninyeng mem Noni di Noni yai hanyen bak imam nya. Ma jiyem mikwau dima kui mpia ttou nsi di kwes-kwau he. Mikwau dima ne mun di tuhan yai leu mben Israel ide nibon midut nibiyai ningon kwes kin Allahti rin ba, yai hanyen bak jeni kin jimunggwom bat nya leu binhyepo jima nok jide.

IMAM NYA IDE MIDYAI 10:14 ပူးပေါင်းရင်းမြစ်များ

NEHEI LEUSI 29:33

Igyem mun di indig kep hum ei nimbar hum dokti mem nibon midut nibiyai nikos ser sisarti pima tirigi ata Harun nok imam. Apigig ser mun di indig kep hum nok gima ei ba, imam nya yongkom igyem kep.

YEHEZKIEL 42:13

Lene no dima pai bida, “Ig cin dima kwes-kwau. Imam nya di igya ei tuhan Noho bei he rima icoi ug eisi bigyem kep mindhe di ibui ninghui di kwes bindig ei nimbar hum dokti bak tuhan. Ba, ikes mun di ibibon midut njita nibipai sigyo bak Allahti kin midut nibiyai nikos ser sisarti kin midut nibikum Allah de ningwamti hagom bak tuhan di kwes-kwau nya ei sirima.

IMAM NYA IDE MIDYAI 10:13

Ma jiyem roti dima tirigi jiya kui mpia ttou nsi di kwes-kwau. Roti dima kwei leu nibon midut njita nibipai sigyo bak Allahti. Ma nani kin apmot bat nya jengkom jima roti dima bit leu nok tuhan nicuk dati.

IMAM NYA IDE MIDYAI 22:13

Noro tut nipmisop di wer kibom tu kin gi hi di nijjep kes ei di bon nimunggwom hi bi di ngkwei hanyen bibong bit nicig ei nide ig ba, nicig ninyeng tak kep lene disindui sut ba, yem njita nikwas di je di imam jima bou je dima ug. Jide ig bei nsi nya he rima igyem njita nikwas dima.

IMAM NYA IDE MIDYAI 9:21

yai ningget hacem kin nindimuhum bei nite ninda com hacem bak imam nindigsi nya nok mun di bon ninyeng mem tuhan bit leu nok Musa nicuk noti.

MBEN ISRAEL IMBUT-MBUT NYEN 18:11

Munkwas nindigsi di ter leu gi pima di mben Israel ibikuk yok bak Dani hagom ne jide ri. Diyai gima bak nani kin apmot bat-apmisop bat nya. Nicukti dima jo kep bijo ninno bijo kikau. Noro disindui sut ba, bikwop ade bat nya di map kui yok bi cem igyem kep.

MBEN ISRAEL IMBUT-MBUT NYEN 5:9

Lene imam di ya hacan mem no dima nongkom ma mitiei nigo nibuhupti dima bou no nok nide. Gima ne nicukti tut mun di mben Israel ikwas pijum ei di ter leu nibon midut niyai kepti nya ri.

YOHANES 4:34

Lene Yesus pai biyok “Gino dibit Allah di cuk Da kwei ningon kanti bidiyai Nide midyai nya cem biput lene gima ne njita di diyem ri.