IMAM NYA IDE MIDYAI 10:1 - ALLAH NIHYET MEM TUNGWATU NYA

¹ Mpe di gom bu lene Harun nipmot bat cin Nadab Abihu nya igyai ide srier hum bikes hum mbom eisi. Lene ibigimahap biei nggrai di ui-gwang kei eisi bimbut tut ug ei tuhan Noho bei. Noro hum dima ne hum di map kuisi rin ba, igyai mun njiriek tuhan nicuk yokti.

IMAM NYA IDE MIDYAI 10:1 ပူးပေါင်းရင်းမြစ်များ

NIBOU NDIG NYA GI NIGOM 18:38

Ngat nadi nok rino tuhan kes hum di ninjeng srei kwei leu mpia-bbed him kros leu api hum dima yem sapi ninghui kin biei hum kin tig nya hagom leu api cig-cai ug ei dihyei ninjek dip bibindei ba, minyei di jo got nsi pima hagom pingge.

MAZMUR 141:2

Ayai ditde nadi tereu nok biei nggrai di ui-gwang kei di dindig ei nimbar hum dokti kin dinda di disu tereu nok midut nindig mindhe titut kep humti mem mmun.

NEHEI LEUSI 24:1

Lene tuhan pai bak Musa “Ma akui nungug dini kwei ba, angat Da lo, abuwak Harun kin Nadab kin Abihu kin nibou mben Israel ibou ningot muhwindacan cem kwei. Noro nipou tirigi jikwei dideu Da bigyo lene jahagom jikuk je bijinggei sut Da.

NEHEI LEUSI 24:9

Lene noni kin Harun kin Nadab kin Abihu kin nibou nya ibou ningot muhwindacan yahagom ikui ug ei nungug dip dima.

NEHEI LEUSI 27:3

Lene aba ngkimom-tembaga bibon bokor kin sikop kin mok kin hot nggram kin srier nya hagom mem hum mbom.

NEHEI LEUSI 28:1

Lene Allah pai bak Musa “Ma ahig akindig Harun kin nipmot bat Nadab kin Abihu kin Eleazar kin Itamar nya kwei. Lene adimig yok bijo ter leu binhyepo igyai kep midyai nok imam mem Da.

NEHEI LEUSI 31:11

kin mini nibon midut kin biei nggrai di ui-gwang kei mem Ninsi Di Kwes. Suar abon mun dini yok hagom bit leu nok dicuk nati tu.”

NEHEI LEUSI 37:29

Lene Bezaleel bon mini nibon midut kin biei nggrai di ui-gwang kei di noyam kin mini ibou mem nimbar hum dok.

NEHEI LEUSI 38:3

Lene noni ba ngkimom-tembaga bibon bokor kin sikop kin mok kin hot nggram kin srier mem hum mbom nya hagom.

NEHEI LEUSI 40:27

Lene indig biei nggrai di ui-gwang kei eisi bit leu nok tuhan nicukti.

NEHEI LEUSI 6:23

Lene Korah yai nipmot bat nya ibou ningai di inyeng rino Asir kin Elkana kin Abiasaf. Yo dini ne pung di Korah de keret nya intun him ri.

NEHEI LEUSI 8:27

Suar nimbut ug ei iggum ndigsi mem mmun-njap ningai leu binhyepo nibon midut dima ei tuhan di nok nyende Allah Noho bei bit leu nok nicuk nyeti.”

YEREMIA 19:5

Ba, ibon nimbar hum dok mem Baal leu binhyepo ibon midut nindig imunggwom bat nya tut igyai noha kep hum. Dicuk yok tut ba, dingon kanti di nok gima hi bi sren.

YEREMIA 32:35

Ba, iwin nimbar hum dok nya mem ibikuk yok bak Baal ei Mbang Briep Hinom bibui munggwom di ide nya bindig ei nimbar hum dokti dima yok ba, ibikuk yok bak Kwar Molokh. Digicuk yok mem gima ibon sisar di kinei bibor dima ba, ibindei dino ide limwa di mben Yehuda nya cem ibon sisar dima bi sren. Dikan-kan nyenti di nok gima hi jo dibou ngwakti bi sren.”

YEREMIA 44:15

Mpe dima lene imang bibor ikwei ngat da. Yo dima ne pinai ngot di ikan lo, itnem bat nya ibon midut nindig mindhe-ndhe ei humti ba, ibikuk yok bak kwar nya kin sop di igya nyen ei sirima bitut limwa mben Israel di ibong ei Patros ndam minu Mesir nibiho ri. Yahagom ipai bida,

YEREMIA 44:8

Nggon rino jibon kep mun di bibon diggati nya i? Jikwei bong ei minu Mesir di jingkiaisi leu api jikuk je bak kwar nya hanyen bu. Jibon midut nindig mindhe-ndhe ei humti ba, jibikuk je bak timiei minu dini ide kwar nya! Nggon rima jibindei timek jenti bijibindei ba, ngkiai nya yahagom ighyet kinei sut je ba, iba jinyeng bisigion yam i?

YEREMIA 7:31

Ba, ibon nimbar hum dok Tofet ei Mbang Briep Hinom leu binhyepo indig imunggwom bat nya tut igyai noha kep hum eisi. Dicuk yok tut nibon munti dima bi ba, ningon kanti dima jo dibou ngwakti cem bi sren.

IMAM NYA IDE MIDYAI 16:1

Niabiati Harun nipmot bat cin itug ndei hukum nimai drek dip gi imbut tut hum di igbit tuhan ningon kanti bi lene tuhan pai bak Musa,

IMAM NYA IDE MIDYAI 16:12

lene ma noni ket hum mbom leu nimbar hum dokti ei bokor gomti buut bikwei sut lene kam biei nggrai di ui-gwang kei mbican ei ninda bia bei leu api bimbut tut ug ei Ninsi Di Kwes-Kwau.

IMAM NYA IDE MIDYAI 22:9

Suar je di imam jahagom jibit nicukti nya dini di ditri tut bak jeni. Gino jibit bi lene jitunggwei sut ba, mijimai drek dip lewo jitunggwei sut nicukti nya di kwes dima yok. Dani ne tuhan rin ba, dinyeng tak kep jeni pijum.

IMAM NYA IDE MIDYAI 9:24

Jei bi lene tuhan pinak nide hum kros kwei bibindei hum dima yem mindhe titut kin nimmau hagom ei nimbar hum dokti bingwig. Tirigi yo dima ingat mun di mindur dini lene yahagom ikon ighyet nok gom leu api yom yok biba ingwak bikik mpia.

MBEN ISRAEL IMBUT-MBUT NYEN 16:46

leu api Musa pai bak Harun “Ayai ade srier di mem hum mbom ba, aket hum mbom leu nimbar hum dokti ei niti lene akes biei nggrai di ui-gwang kei ei nidip a. Ma abipbur ba, aug ei limwa nya ikieti lene aba hum mbom dima bibon midut nibiyai nikos ser sisarti gau yoni. Abrim amig hak ug! Lewo tuhan nigga biborti cig-cai tu ba, nsuwer ajar cem sindi hwen yok.”

MBEN ISRAEL IMBUT-MBUT NYEN 26:61

Nadab kin Abihu itug ndei nimai tirigi po ittei hum di kwes-kwau bi bigya tut ei tuhan Noho bei pima.

MBEN ISRAEL IMBUT-MBUT NYEN 4:18

“Ma jisindui sut ba, Kehat nide bat nya,

NINDAT KEP TUHAN NICUKTI NYA 12:32

Suar jibit dicuk jeti nya hagom. Ma jiba jide nicukti bijikum eisi ba, jikus hi bijicom leu cem au.

NINDAT KEP TUHAN NICUKTI NYA 17:3

kin nicuk jeti tug hon gi ikuk yok bak mun nyeng hi ba, ibiyai ingon gom bak mun nyeng hi ba, ikuk yok bak mpia yaisi kin bed mmun cem ham nya cem,

NINDAT KEP TUHAN NICUKTI NYA 4:2

Ma jiba jide nicukti bikum eisi ba, jikus hi bijicom ei au. Noro ma jibit tuhan di nok jide Allah nicukti di ditri tut bije hagom.

IBRANI 9:4

Ikon nimbar hum ndok di iba mas bibon mem indig biei nggrai di ui-gwang kei eisi kin Brua Gi Preu di iba mas binggai kep ei ninsi dima. Leu api igyok yeng di iba mas bibon dino njita manna joti kin Harun de tom di biop kin tig mma can di Allah niggai serti simnai joti ei brua nsi dima.